安國「Onion」介紹

Hello，大家好，我哋係由韓國人每日提供最新韓國旅行資訊嘅Creatrip。

講到廢墟風網美Cafe，就屬聖水洞「Onion」最廣為人知，引領廢墟風格喺首爾盛行。喺聖水洞打出頭號之後，Onion陸續喺首爾各地開分店，最盛大嘅就一定係今年三月安國站分店開幕。

呢次Onion唔再走廢墟網美風，而係走韓屋風。開幕之後引發網友熱議，造成排隊風潮。時隔快半年，小編實際走訪Onion安國店，最新一手資訊介紹俾大家！

Onion安國店

• 地址：서울 종로구 계동길 5
• 時間：平日07:00 - 22:00（21:30 Last Order）、週末09:00 - 22:00 （21:30 Last Order）

安國站3號出口

3號出口出嚟之後直行

路口轉左

即使已經開幕就快半年嘅Onion安國店，人流仲係勁多。小編已經揀喺平日晏晝去，都要等半個鐘先有位！所以如果大家想去嘅話，建議避開顛峰時間去。

以韓屋為主建築嘅Onion安國店由門口開始就已經係打卡位，韓屋配上藍天白雲，真係超有feel！

Onion安國店裡面座位區大致分為兩種，一種係韓屋地板座位，另一種係西式餐桌。

唔習慣坐地板嘅朋友可以搵座位區坐。另外，呢度仲有啲區域係冇冷氣，採自然風，呢點大家可能要注意一下。

因為座位好難等而且叫嘢食亦需要排隊，所以推薦大家嚟到可以一個去搵位一個去叫嘢食。

Onion最大特點除咗裝修夠特別之外，有一大部分原因係因為佢即整嘅麵包非常厲害！

每間分店都有烘焙坊，會傳出陣陣麵包香，同時會即時補上出爐麵包。唔少人都為咗佢而嚟㗎！

麵包種類非常多，無論係鹹、甜、柔軟嘅呢度通通都有！其中最出名同最吸睛麵包，就係呢個似小山糖粉麵包Pandoro。大家嚟千祈唔好錯過佢啊！

Pandoro白色糖粉口味係最經典口味，土黃色係新出黃豆粉口味。

小編自己兩個都食過嘅感想係，黃豆粉口味食起嚟比較乾，但味道會比較有濃醇香感覺，相較之下白色糖粉口味食起嚟會較濕潤同細緻。

但唔好因為佢哋灑滿糖粉外表就覺得佢好甜，其實唔係，就算小編當日點偏甜嘅雲呢拿鮮奶咖啡，都係唔會覺得太甜同太膩。

另外小編仲有叫一個鹽牛角包，口味都係啱啱好，算係韓國Cafe之中屬於上等。

Pandoro價格為₩5,000。雲呢拿鮮奶咖啡₩5,500，鹽牛角包₩1,500。價錢都算係中規中矩，唔會太貴。

除咗麵包之外，Onion咖啡種類都有好多款。除咗有一般義式咖啡之外，現場仲有手沖咖啡可以揀。

仲有落單嘅時候會比較特別嘅係，店員會問你叫咩名，之後會叫名拎餐。

Onion現場亦有賣好多咖啡豆同掛耳包咖啡。根據小編之前去聖水店經驗，Onion安國店有更多原豆可以揀，品質都非常好，價位中等。

落單時，美式咖啡仲可以揀咖啡豆（酸味或者朱古力味）。

另外現場仲有賣好多相關商品，好似手沖壺、濾杯、環保杯、徽章甚至膠紙等等。

鍾意買周邊商品嘅朋友可以嚟呢度睇下。價錢係一般Cafe周邊中算係正常價位，設計亦都非常簡單好睇！

以上就係安國站Onion最新探訪記！直到呢一刻Onion安國店仲係勁多人排隊去。之後嚟韓國大家又有冇興趣去呢？

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購