東大門美食｜東大門精肉食堂
「東大門精肉食堂」食完保證你返唔到轉頭！豬肉同韓牛CP值都超高！
Hello，大家好，我哋係由韓國人每日提供最新韓國旅行資訊嘅Creatrip。
想喺韓國食到又平又高質嘅燒肉，小編想同大家推薦東大門「精肉食堂」，喺地鐵站6號出口前面，加上開24小時，要去嘅話真係超方便！
東大門美食「精肉食堂」資訊
- 地址：서울 종로구 종로46길 7
- 營業時間：星期一、星期三至日 24小時；星期二00:00 - 03:00
東大門美食「精肉食堂」推薦理由
- 外國遊客經常去明洞、弘大食烤肉，但通常呢啲地方嘅五花肉，一人份（150g）都要₩16,000至₩20,000，唔單止貴、份量亦唔多，但東大門美食「精肉食堂」所賣嘅高級豬肉，150g都唔洗₩8,000，真係超平！
- 精肉食堂有賣各種豬肉部位，點套餐嘅話，就可以一次過食到平時好難食到嘅部位，好味程度超乎你想像。
- 牛肉中又以韓牛最貴，而呢到可以用比市價低廉嘅價格食到韓牛，而且即叫即切，呢到可以食到比其他地方更新鮮、更好食嘅韓牛同豬肉。
- 星期一、星期三至日開24小時營業，行程Full哂嘅旅客，亦可以揀一個空檔時間嚟試吓。
東大門美食「精肉食堂」價錢
| 綜合豬肉 （小/600g） | ₩37,000 |
| 綜合豬肉 （中/900g） | ₩51 ,000 |
| 綜合豬肉 （大/1.2kg） | ₩67,000 |
| 牛肉VIP （小/450g） | ₩99,000 |
| 牛肉VIP （中/600g） | ₩143,000 |
| 牛肉VIP （大/800g） | ₩187,000 |
東大門美食「精肉食堂」注意事項
- 鋪頭有另外收取開檯費，成人每位₩2,000、小朋友（13歲以下）每位₩1,000，需喺現場另外支付。
- 以上標價為套餐形式發售，無得只叫1人份。
- 可以接受當日預約，最遲請喺去之前4小時完成預約。
- 取消、退款請喺去之前3日完成。
- 要更改訂單內容請send email 到help@creatrip.com同我哋聯絡。
- 去到現場請出示預約內容俾店員睇就可以。
- 有準備中文版/英文版/日文版Menu。
- 有識講中文嘅職員，溝通上完全唔會有問題。
東大門美食「精肉食堂」介紹
東大門精肉食堂喺1972年開張，係一間歷史長達50年，仍然屹立不倒嘅燒肉店，喺度可以用超平價錢食到高質五花肉同韓牛。大家可能會諗東大門地價貴，但點解呢度可以賣得咁平呢？原因係因為佢哋直接由產地輸入，中間冇經過其他鋪頭，消費者先可以用到產地直銷價格，食到比其他燒肉店更新鮮、更好味嘅肉。
鋪頭內部就係典型韓國燒肉店裝修，好有feel，俾人感覺好舒服。
呢度採用即叫即切方式，有訂單老闆先會將成嚿新鮮肉去分，為咗提供消費者最高級韓牛同豬肉，佢哋揀肉好嚴格，唔單止要好，份量亦都唔會俾少。
未有肉之前，職員已經會為大家送上各種小菜。
提提大家：呢度需要另外收取開檯費用。
0.jpg)
小編叫咗小份牛肉VIP同小份綜合豬肉。小份牛肉VIP總共有450g，份量足夠胃口細嘅2-3位女仔食，而小份綜合豬肉總共係600g，就算4個人食，都有可能會剩，份量一啲都唔少！
一開始職員會一邊燒肉，一邊教大家點食，大家只要跟住做就OK，呢度職員中文好好，有唔明都可以即問，佢哋會好親切咁教大家。
牛肉嘅油脂分佈得好平均，平時去其他地方食可能一人份都要₩40,000至₩60,000，但透過我哋預約，就可以用更平價錢食到。
東大門精肉食堂唔單止韓牛好食，就連豬肉都一樣令人食到流哂口水，例如五花肉、豬頸肉等，多個部位都可以食到。
咁多個部位之中，小編個人覺得豬頸肉最好食，外脆內軟，擺入口有種入口即融嘅感覺，真係令人好回味。
0.jpg)
食燒肉一定要點包飯醬，然後用生菜包嚟食！
或者想爽口啲，可以用白菜，加上酸酸辣辣涼拌蔥絲，呢個組合一樣係冇得輸！
或者可以利用茗荑葉（명이나물）包嚟食，呢個小菜通常只可以喺比較高檔嘅餐廳食到，呢度都有提供，用佢包嚟食可以中和燒肉油膩感，食落都更加爽口。
當然食燒肉唔可以錯過一樣嘢就係加冷麵，只要叫套餐就可以加₩5,000，食到一碗冷麵，呢度嘅水冷麵，小編超推，真係好好味！
可以用到咁平價錢食到咁高質嘅肉，真係令人好幸福同回味！下次想食燒肉，不如就考慮吓去東大門精肉食堂啦！
東大門美食「精肉食堂」前往方法
東大門站6號出口出嚟之後往後行。
見到KFC轉右會見到CU。
CU隔離就係精肉食堂。
首爾東大門「精肉食堂」
以上係東大門美食「精肉食堂」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
