Hello，大家好，我哋係由韓國人每日提供最新韓國旅行資訊嘅Creatrip。
相信唔少朋友們都會趁年尾嚟旅行，適逢聖誕佳節，首爾有唔少地方都有設置超靚嘅聖誕擺設，一齊睇吓今年可以去邊度打卡啦！
首爾聖誕打卡景點
首爾燈節(서울빛초롱축제)
2025年「首爾燈節」以《我的光芒，我們的夢想，首爾的魔法》為主題，喺清溪川一帶擺上璀璨聖誕裝飾同燈飾，而且今年仲會同POKEMON合作，擺設超多鯉魚王燈飾，令人超期待！現場仲有唔少體驗活動，如果呢段時間會嚟首爾就記住唔好錯過啦！
光化門廣場市集(광화문마켓)
- 地點：光化門廣場、世宗路公園一帶
- 舉辦日期：2025.12.12~2025.12.31
- 開放時間：17:30-21:30
- 前往方法：光化門站（광화문역）9號出口
서울시
2025年喺光化門廣場將會舉辦一個聖誕市集，會場中間更加會擺放一棵大型聖誕樹！呢度同「首爾燈節」相距唔遠，建議大家可以一次過去曬！
首爾廣場聖誕樹(서울광장 트리)
- 地址：서울 중구 을지로 12
- 展覽日期：2025.11.17~2026.01.01
- 前往方法：市廳站（시청역）5號出口
연합뉴스
喺市廳站（시청역）附近嘅首爾廣場都會有一棵巨型聖誕樹，而且每逢冬天呢度都會改建成溜冰場，今年預計會由11月17號開始擺到出年1月1號，想感受韓國冬日氣氛嘅朋友們千祈唔好錯過啦！
蠶室樂天百貨聖誕市集(롯데 크리스마스 마켓)
- 地址：서울 송파구 올림픽로 300
- 日期：2025.11.20~2026.01.04
- 時間：11:30-22:00
- 前往方法：蠶室站（잠실역）11號出口
조선일보
另外樂天世界塔附近嘅世界公園更加會舉辦超大型聖誕市集，今年市集規模大過上年，而且仲有旋轉木馬同一棵22米高嘅超大型聖誕樹！不過要注意需要俾錢買入場券，冇得免費入場。
樂天世界聖誕慶典
- 地址：서울 송파구 올림픽로 240
- 活動日期：2025.11.22~2025.12.31
- 交通：蠶室站（잠실역）4號出口
롯데월드
樂天世界每逢節日都一定會搞活動，而聖誕節都唔例外！呢度會變身成為一個冰雪王國，出面座城堡更加會有精彩燈光表演，花車巡遊亦都會變成聖誕主題，雖然勁多人，但真係好熱鬧好壯觀！2025~26年冬季更加同韓國人氣卡通人物Teenieping合作，超得意！
COEX星空圖書館(별마당도서관)
- 地址：서울 강남구 영동대로 513 B1F
- 營業時間：10:30-22:00
- 前往方法：三成站（삼성역）5號、6號出口
서울신문
如果怕室外太凍，大家都可以去COEX入面嘅星空圖書館打卡！呢度本身就係一個好受歡迎嘅打卡景點（巨型書牆超壯觀!），每逢聖誕節仲會擺設一棵勁靚嘅聖誕樹，大家記住唔好錯過啦！
汝矣島The Hyundai Seoul(더현대서울)
呢幾年首爾最hit嘅聖誕打卡景點相信係位於汝矣島嘅The Hyundai Seoul！2025年嘅主題係Atelier de Noël，去到就好似行咗入一個鄉村小鎮咁！想入場仲需要事先喺網上預約，不過大家都可以去現場排隊等No-show位，如果要去記住要預多少少時間啦！
明洞新世界百貨公司燈光投影(신세계백화점 본점)
- 地址：서울 중구 소공로 63
- 活動日期：2025.11.07~2026.01.31
- 投影時間：17:00-24:00
연합뉴스
講到首爾聖誕節必去景點，一定唔少得明洞新世界百貨公司！呢度每年都會有聖誕燈光投影，每到夜晚一著燈就會吸引所有行人嘅目光，超壯觀！今次放映時間仲會延長至夜晚12點，去到下年1月31日都仲有得睇，呢段期間會飛韓國嘅話記住要去打卡啦！
新世界百貨公司聖誕市集
- 活動分店：
- 江南新世界百貨公司 B1/F（2025.11.10~2025.12.30）
- 明洞新世界百貨公司總店The Heritage 4/F（2025.11.14~2025.12.31）
今年新世界百貨公司更加會以《Shinsegae Wonderland》為主題舉辦聖誕市集，唔單止會喺活動區域放置聖誕樹同應節裝飾俾大家打卡影相，仲會賣各種聖誕主題商品，等大家可以好好享受佳節氣氛！
永登浦Time Square(영등포타임스퀘어)
- 地址：서울 영등포구 영중로 15
- 活動日期：2025.11.01-2025.12.31
- 前往方法：永登浦站（영등포역）6號出口
永登浦Time Square聖誕節嘅時候會擺設一棵華麗嘅聖誕樹做裝飾，今年嘅聖誕擺設更加以「Merry & Bright」為主題，五顏六色好啱打卡！
以上係2025年首爾聖誕節必去打卡景點嘅總整理，plan住聖誕節嚟玩嘅朋友們記住要mark低啦！
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
