Hello，大家好，呢到係由韓國人每日提供最新韓國旅行資訊嘅Creatrip。
＃首爾新堂洞＃美食
＃辣炒年糕＃辣炒年糕街
＃馬福林辣炒年糕＃推薦
大家知唔知首爾「新堂洞」由1970年代後，就以辣炒年糕街聞名。
喺辣炒年糕街中，有間好出名嘅辣炒年糕店，佢就係「馬福林奶奶辣炒年糕」啦。
由1953年開始營業，目前由細仔繼續傳承家業，可以話係新堂年糕街嘅元祖！
呢到嘅辣炒年糕同一般年糕好唔同，佢放咗拉麵、雞蛋、魚糕、冬粉等食材。
即叫即煮嘅辣炒年糕鍋，大家食完之後仲會加多個炒飯嚟食。
想知佢有幾咁吸引？咁就要繼續睇落去啦！
因為韓國疫情擴散，入場人數及營業時間可能會受到限制，可能需要提供疫苗護照。
有關韓國防疫政策文章, 可以查看韓國最新防疫守則。
新堂洞馬福林辣炒年糕(細仔店)價格
優惠餐點 | 份量 | 價格 |
基本辣炒年糕鍋 | 2人份 | ₩13,000 |
| 3人份 | ₩16,000 | |
| 4人份 | ₩22,000 | |
| 5人份 | ₩26,000 | |
| 海鮮辣炒年糕 or 年糕 & 雞腳套餐 | 2人份 | ₩22,000 |
| 3人份 | ₩27,000 |
| 加點區 | |||||
| 年糕 | ₩3,500 | 芝士年糕 | ₩3,000 | 雞腳 | ₩6,500 |
| 魚糕 | ₩3,500 | 金菇 | ₩1,500 | 鮪魚 | ₩2,500 |
| 筋麵 | ₩1,000 | 火腿 | ₩1,000 | 飯糰 | ₩3,000 |
| 拉麵 | ₩1,500 | 大豆芽 | ₩3,500 | 白飯 | ₩1,500 |
| 餃子 | ₩1,000 | 雞蛋 | ₩500 | 飲料 | ₩1,500 |
| 魷魚 | ₩3,000 | 芝士 | ₩3,000 | 血腸 | ₩3,000 |
*加點食材須於現場加點後結帳
新堂洞馬福林辣炒年糕(細仔店)優惠
- Creatrip會員下載優惠券，享有9折優惠。
新堂洞馬福林辣炒年糕(細仔店)資訊
- 地址：서울 중구 다산로 221
- 時間：24小時無休
- 請小心唔好同隔離鋪嘅馬福林奶奶辣炒年糕搞亂，優惠只限「細仔店」
新堂洞馬福林辣炒年糕(細仔店)推薦理由
- 可以用超平價格，食到延續50多年傳統美味新堂洞元祖辣炒年糕。
- 細仔店總共有2層樓，超過300個位，就算多人嚟都唔洗擔心冇位座。
- 更重要嘅係！24小時全年無休，所以無論幾時嚟都可以食到辣炒年糕。
新堂洞馬福林辣炒年糕(小兒子的店)位置
- 地址：서울 중구 다산로 221
- 小Tips：新堂洞8號出口一出嚟左行，一直直行就可以見到新堂洞辣炒年糕街入口，入口前面可以見到馬福林奶奶辣炒年糕，隔離就係細仔店
新堂站8號出口
直行見到新堂洞辣炒年糕街入口
請認清呢個招牌
新堂洞馬福林辣炒年糕(細仔店)
馬福林辣炒年糕細仔店，就喺奶奶辣炒年糕隔離。
要留意唔好搞亂，入去之前認住入口有貼Creatrip貼紙
店入面好闊落，而且好多位，就算係團體或者人多嚟嘅時候都冇問題。
雖然呢到睇落有小小舊，但就充滿韓國舊式小食店嘅風貌。
喺1樓可以望到廚房內部，感覺食起嚟更安心、更值得信賴。
小編點咗辣炒年糕鍋、年糕雞腳套餐各2人份。
辣炒年糕鍋裡面會有餃子、雞蛋、拉麵等食材。
年糕雞腳套餐除咗有辣炒年糕鍋之外，仲有拳頭飯糰、芝士同雞腳。
湯煮滾之後，就可以將拉麵打散。
拉麵煮太熟會唔好食，建議可以係煮到差唔多熟嘅時候先撈起嚟食，之後再食年糕。
雞腳喺送上嚟之前，已經有先處理過，唔洗等好耐就可以食。
喺等年糕煮熟嘅呢段期間，小編先將雞腳同融化咗嘅芝士包住一齊食。
睇下呢個點拉都拉唔斷嘅芝士！真係好好食！雞腳唔會太辣，味道啱啱好。
大家都可以加其他配料一齊煮嚟食，好似小編就加咗芝士年糕！
又短又圓嘅年糕裡面有包芝士，味道好濃郁同軟熟。
食完辣炒年糕之後，記得一定要加多個炒飯。
甜甜辣辣嘅辣炒年糕醬汁做成炒飯，又係另一種好滋味。
想喺韓國試吓食元祖辣炒年糕嘅味道？咁就要嚟新堂洞辣炒年糕街馬福林細仔店啦！
點先可以享有馬福林辣炒年糕(細仔店)9折優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係新堂洞馬福林辣炒年糕細仔店嘅介紹，有任何問題請先詳閱本篇文章。
如果睇完之後有任何問題，或者我口哋語意、標示唔清嘅話，麻煩請send email告知，以方便我哋改進。
Email：help@creatrip.com
