韓國汗蒸幕零食
韓國汗蒸幕體驗！汗蒸幕零食大盤點，甜米露、烤雞蛋之外，你仲食過咩？
Hello，大家好，我哋係由韓國人話你知每日最新韓國資訊嘅Creatrip。
＃韓國文化＃汗蒸幕
＃常見零食＃推薦
大家嚟韓國玩，想體驗韓國文化，一定唔少得去韓國嘅汗蒸幕呢？
韓國人好鍾意去汗蒸幕，入面其實有好多零食買㗎！
雖然好多都係普通零食，但好似只要喺汗蒸幕食，就會特別好味，一齊睇下有咩好食啦！
✨馬上Follow我哋IG
instagram.com/creatrip.hk
韓國汗蒸幕零食
韓國人大多數都係為咗消除疲勞而去汗蒸幕，但好多韓國情侶都會去汗蒸幕拍拖，一齊食零食、打卡。
小編今日就要嚟介紹下講到韓國汗蒸幕，一定會諗到嘅代表食物。之後嚟韓國，一定要試下。
1. 汗蒸幕雞蛋
- 價錢：2或3個為基準，₩1,000至₩2,500
INSTAGRAM：r_seung12
對韓國人嚟講，講到汗蒸幕就會諗到雞蛋。
呢啲唔係一般嘅烚蛋，而係特製嘅烤蛋。
INSTAGRAM：skylandspaandsauna
食落口感紮實，香氣非常濃郁，如果係真係好食嘅烤蛋，入面食落唔會好乾。
而且蛋白會變成啡色，睇落好似滷水蛋。
INSTAGRAM：xxsongju_b
韓國除咗一般嘅烤蛋之外，仲有煙燻蛋、炭燒蛋，顏色更深，水份更少。
敲蛋殼嘅時候要花啲時間，先可以將蛋殼敲碎。
INSTAGRAM：aqz81112
雖然唔係只有汗蒸幕先可以買到呢款烤蛋，但喺汗蒸幕食嘅感覺就零舍唔一樣。
如果嚟到汗蒸幕嘅零食部，唔拎兩隻烤蛋嚟吃，就好似差咁啲咁。
2. 汗蒸幕甜米露
- 價錢：₩2,000至₩4,000
烤蛋嘅最佳拍檔！食完蛋之後覺得有啲口乾，就要嚟杯冰凍嘅甜米露啦！
同去日本浸完溫泉要嚟一杯牛奶一樣，喺韓國汗蒸幕入面都要飲杯甜米露啊！
INSTAGRAM：eunokee
韓國甜米露會裝係膠樽入面。唔知大家有冇飲過甜米露，鍾唔鍾意隻味呢？
INSTAGRAM：hwangjiyeon5210
喺汗蒸幕出完汗之後，再嚟一杯冰涼嘅甜米露，真係人間最大享受。
飲之前記得先攪勻，先會飲到沉底嘅米㗎！
INSTAGRAM：aaaramong
超市、夜市同傳統市場都有賣甜米露，但唔知道係咪心理作用，好似喺汗蒸幕入面飲嘅甜米露先最好飲！
3. 汗蒸幕紅豆刨冰
- 價錢：₩5,000起
INSTAGRAM：jungaaaaaaaaaah
喺汗蒸幕入面坐耐咗，就會想食啲冰涼嘅嘢，嚟一份刨冰就啱晒啦！
INSTAGRAM：kkim_nae
不過韓國汗蒸幕入面嘅刨冰，唔係好似Cafe入面嗰種打卡甜品，而係以前韓國人食嘅「古早味刨冰」。
小編之前同朋友一齊去汗蒸幕，幾個人都會叫一份刨冰嚟食。
4. 汗蒸幕香蕉牛奶
- 價錢：₩1,500
INSTAGRAM：zzzzung
好多人都話，沖完熱水涼之後嚟一杯牛奶最正。
喺暖笠笠嘅地方，飲一啖香蕉牛奶，心情會非常好。
INSTAGRAM：_limsee
原本就好受歡迎嘅國民香蕉牛奶，啖韓國汗蒸幕變得更受歡迎，應該冇人嚟韓國冇飲過香蕉牛奶。
啖汗蒸幕出身汗，再飲一杯享受下啦！
5. 汗蒸幕韓式麵茶
- 價錢：₩2,500至₩4,000
INSTAGRAM：psyg_tyo.sel
韓式麵茶唔知大家有冇飲過，睇落好似奶茶，但其實係用榖物粉加埋牛奶、糖漿等一齊攪拌後做成嘅韓國傳統飲品。
對身體好，又甜甜哋，好多韓國人都鍾意喺汗蒸幕飲返杯。
INSTAGRAM：hoyaa
麵茶充滿榖物嘅香氣，下次嚟韓國玩不妨試下。
韓國汗蒸幕除咗係韓國文化體驗，更可以食到唔到嘅小食。
最基本嘅配搭就係甜米露加雞蛋，如果已經試過嘅朋友，不妨再試下小編介紹嘅其他零食啦！
有啲大型嘅汗蒸幕，除咗呢嘅零食之外，仲有拉麵、粥類、炒飯等熱食，就算半夜突然肚餓，都唔需要擔心搵唔到嘢威，之後有機會嘅話都一齊嚟試下啦！
如果有朋友未去過韓國汗蒸幕就一定要試下啦！記得食埋小編介紹嘅零食！
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 韓國汗蒸幕整理 |  布帳馬車懶人包 |
Powered by Froala Editor
