南大門市場辣燉帶魚
當地人帶路！南大門市場辣燉白帶魚「喜悅帶魚(희락갈치)」好味地道餐廳
Hello，大家好，我哋係由韓國人話你知每日最新韓國資訊嘅Creatrip。
＃南大門市場＃美食
＃南大門美食＃推薦
＃白帶魚＃牙帶魚＃갈치
韓國野生白帶魚唔平，某啲韓國餐廳會用佢嚟做小菜，但通常只有少少，食得唔過癮。
今次小編去咗位於明洞隔離，被譽為韓國當地人最愛嘅南大門市場。
大家可以食到CP值超高嘅韓國傳統料理「辣燉白帶魚（갈치조림）」，快啲跟小編出發啦！
✨馬上Follow我哋IG
instagram.com/creatrip.hk
南大門市場美食：辣燉白帶魚
- 地址：서울 중구 남대문시장길 22-6
- 時間：07:00至21:00；週日公休
有當地人帶路，我哋去咗南大門市場一條專賣辣燉白帶魚嘅巷仔。
雖然已經過咗午飯時間，但依然有唔少當地人排隊等食。
廚房就喺餐廳外面，客人可以排隊等緊個陣，可以欣賞下姨姨嘅廚藝，順便偷下師！
南大門市場美食：辣燉白帶魚街交通
會賢站5號出口
經過遊客中心，繼續直行
見到右手邊藍底白字嘅「수입명품상가（進口名品商家）」，就要喺度左轉。
轉入去巷口嘅餃子店，再入去右手邊第一條叫「갈치골목（帶魚胡同）」嘅巷入面，就係帶魚街啦！
入去之後，就會見到成排都係賣辣燉白帶魚嘅餐廳。
呢條巷子有兩間店特別出名，分別係「중앙갈치（中央帶魚）」同「희락갈치（喜悅帶魚）」。
小編見「喜悅帶魚」嘅姨姨熱情啲，所以就揀咗去嗰度食。
餐廳以60年代流行至今嘅Tiffany Blue做主色，掛牆式風扇同枱凳，充滿懷舊風味。
呢度嘅餐單都只有韓文字，果然係當地人先知嘅南大門美食。
喜悅帶魚/희락갈치
50年嘅老餐廳，而且有唔少韓國電視台採訪過⋯⋯
餐廳姨姨會同時整好多份辣燉魚，另一邊，又有一位姨姨不停將烤魚翻面。
原來60年代嘅韓國都流行呢種色系⋯⋯
我哋被安排喺餐廳二樓坐，諗都唔洗諗，就叫咗招牌菜「갈치조림」。
上菜速度非常快！辣燉白帶魚係一個set咁上，有飯、泡菜、魚乾同蒸蛋，一人都係₩9,000，真係超級抵！
傳統韓國甜辣醬汁做調味，既可以帶走白帶魚本身嘅腥味，又可以撈飯食。
白帶魚份量極多，魚肉軟滑唔老。
店家用咗全羅道煮法，加咗好多煮得軟爛、甜而不澀嘅白蘿蔔，好食又有營養！
店家仲會免費送一鍋蒸蛋，超大份送飯食，係咪好抵呢？
小菜拼盤就有泡菜、花生、海帶同紫菜，有辣有唔辣，非常多樣化。
小編見到韓國朋友用紫菜包著飯同白帶魚，咁食都幾好食喎。
除此之外，仲有其他款式選擇。
| 韓文餐單 | 中文翻譯 |
| 갈치조림 | 辣燉白帶魚 |
| 고등어조림 | 辣燉鯖魚 |
| 모듬생선구이 | 綜合烤魚 |
| 삼치구이 | 烤馬駮魚 |
| 고등어구이 | 烤鯖魚 |
| 계란찜 | 蒸蛋 |
| 공기밥 | 白飯 |
下次小編會再去更多唔同嘅傳統市場，發掘更多又平又好食嘅地道美食！下次再見！
✨馬上Follow我哋IG
instagram.com/creatrip.hk
| 其他延伸閱讀 | |
 南大門市場探訪 |  通仁市場探訪記 |