景福宮自助攝影｜Cheese Smile Studio
景福宮「自助照相鋪 Cheese Smile Studio 」近期大熱，免費提供各種服飾！網上評分極高！
Hello，大家好，我哋係由韓國人每日提供最新韓國旅行資訊嘅Creatrip。
以前去影樓影相好多時都要對住攝影師，因為好多時都唔知要擺咩Pose而覺得尷尬，不過而家唔需要再怕啦！因為韓國而家好流行自助影相舖，喺影之前專業攝影師影會幫大家調校好相機位置，大家只要拎住個遙控器一撳就可以影到靚相！今日要同大家介紹呢一間位於安國站嘅「Cheese Smile Studio」，如果有興趣嘅朋友之後就唔好錯過啦！
景福宮「Cheese Smile Studio」資訊
- 地址：서울 종로구 계동 북촌로4길 27 3F
- 營業時間：10:00 - 19:00（逢星期二休息）
- 前往方法：安國站（안국역）3號出口行5分鐘
景福宮「Cheese Smile Studio」推薦理由
- 最近唔少韓國年輕人都好鍾意去呢啲自助影相舖影相，因為係自己影所以成個過程都可以好自然同輕鬆！
- 自助影相舖就喺觀光客成日去嘅景福宮、安國站附近，交通非常方便！
- 呢度仲會免費提供裙、西裝、校服等各種服飾！
- 鋪頭位置喺3樓同4樓，每一層只會有一組進行拍攝！
- 影完之後仲會有專業攝影師幫大家修圖，如果大家覺得邊度唔滿意都可以請佢哋幫忙！
- Naver評分高達4.98，而且有幾百個留言都話正！
景福宮「Cheese Smile Studio」價錢
方案種類 | 價錢 |
| 基本方案 兩張照片修圖＋曬相＋相框 | ₩80,000/1-2人 如果再加人數 ₩30,000/+1人 |
| (1)追加所有原檔 基本方案揀2張相＋照片電子檔 | ₩30,000 |
(2)追加一種背景色 基本方案只會影30分鐘 *追加背景每隻色會影15分鐘 象牙/黑灰/黑白/啡紅/深綠揀其中一款 | ₩20,000 |
景福宮「Cheese Smile Studio」服務說明
項目 | 說明 |
| 服裝提供 | 攝影棚裡面嘅服飾、鞋、裝飾品都係免費租借；服裝一人最多租借2套，如果著超過需要現場加收其他費用。 |
| 行程時間 | 30分鐘拍攝（包含換衫）、30分鐘修圖同曬相，行程總時間大約1個小時（建議提早到場先揀好衫）。 |
| 照片檔案 | 基本方案為原始檔揀2張，俾攝影師進行修圖、曬相，同附贈一個相框；如果要原始檔，一組須加價₩30,000，拍攝嘅所有相都會以電子檔寄出。 |
| 背景顏色 | 背景顏色為象牙色、黑灰、黑白、紅棕、深綠色中任揀一款，如果想要第二種背景，須加價₩20,000。預約後請send email告知你想要嘅背景顏色。 |
| 其他服務 | 冇提供妝髮服務，但現場有梳妝台，有提供直髮夾（冇風筒）。 |
| 工作人員 | 職員會簡單英文，如果影緊嘅時候唔太上手，可以請職員協助。 |
景福宮「Cheese Smile Studio」注意事項
- 請最少喺2日前完成預約，你亦可以喺30日前進行預約。
- 請遵守預約日期及時間。
- 預約時間為開始拍攝時間，建議提早15分鐘到場準備。
- 如果遲到超過10分鐘，預約將會自動取消，不設任何退款。
- 未有提供妝髮服務。
- 最多可以借2套衫。
- 拍攝時間為30分鐘（包括換衫時間）。
- 晒相嘅時候請選擇彩色或黑白。
- 職員只可以用簡單英文交流，唔識中文。
- 如有任何疑問，請send email到help@creatrip.com查詢。
景福宮「Cheese Smile Studio」預約方法
- 撳我預約。
- 輸入預約相關資料、詳細資訊。
- 完成預約之後，我哋會同Cheese Simile Studio確認時間，1個工作天確認訂單。
- 請send email 到 help@creatrip.com話俾我哋知你想要嘅背景顏色（象牙色、黑灰、黑白、紅棕、深綠色中任揀一款）。
- 預約14日前取消可以100%退款，之後如果想改請semd email 到help@creatrip.com查詢。
- 想確認訂單可以撳我。
景福宮「Cheese Smile Studio」介紹
小編會揀一間自助影相鋪嘅原因係因為佢NAVER 評分高達4.98分，幾乎可以話係滿分！而且佢有多達408個留言，每一個人都話覺得好正！
Cheese Smile Studio有提供各式各樣飾品，而且都係免費，如果大家有睇啱都可以拎黎試吓戴。
另外呢個亦都有提供洋裝、西裝、皮鞋等，大家都可以揀自己鍾意嘅衫去換，然後再影相。
大家可以放心，影之前專業攝影師已經會幫大家調校好相機角度，大家只要輕輕鬆鬆拎住遙控器影相就可以，影嘅時候一啲都唔尷尬，而且仲可以影到好自然嘅一面添。
拍攝時間雖然只得30分鐘，不過其實都幾夠，影完嘅相大家仲可以即刻透過螢幕去確認，而且喺螢幕上方仲可以睇剩返幾多時間。
雖然呢度嘅衫全部都好靚，但最多只可以借兩套。
影完之後大家可以有5分鐘嘅時間揀相曬嘅相。
揀完之後專業攝影師就會幫大家修圖，修完之後仲會做一個前後對比，如果再有想修嘅地方，都可以再同職員講。
小編當日影嘅時候真係一啲都唔緊張，整個過程都好輕鬆，就算自己一個影都唔覺得尷尬。
最後攝影師幫小編修咗兩張相，而且仲送咗一個相框。
相框有咖啡色同白色兩種，小編覺得彩色照感覺適合白色相框，黑白照適合咖啡色相框。
無論係自己一個人，同朋友、另一半、屋企人影，大家都可以喺Cheese Smile Studio影出最自然嘅一面！
景福宮「Cheese Smile Studio」前往方法
喺安國站3號出口出口。
轉左入第一個小巷。
直行去到MINI SHOP。
搭Lift上3樓。
喺門口會見到Cheese Smile Studio招牌。
👉 網上付款Q&A
以上係景福宮「Cheese Smile Studio」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com