Hello，大家好，我哋係由韓國人每日提供最新韓國旅行資訊嘅Creatrip。
平時喺IG見到唔少韓國人都喺好有feel嘅餐廳度食飯，會唔會好奇到底係邊一間呢？今日小編就想同大家介紹其中一間，佢位於光化門叫做「Urban Garden」，睇個名顧名思義都知道呢度超有feel，佢要預約先可以去到㗎！唔想錯過就要繼續睇落去啦！
光化門美食「Urban Garden 」資訊
- 地址：서울 중구 정동길 12-15
- 可預約時間：午餐只限平日13:00 - 14:30供應、晚餐每日17:00 - 20:30供應
- 小Tips：由西大門站5號出口出嚟之後見到Olive Young繼續直行，去到第一個路口轉右繼續直行就會見到Urban Garden。
光化門美食「Urban Garden」推薦理由
- 呢度同一般餐廳唔同，Urban Garden餐廳內部同外部都有好多花草，大家嚟到可以舒服咁邊食飯邊療癒身心，氣氛超好。
- 餐廳位於首爾中心西大門附近，經營超過15年，除咗氣氛好之外，呢度嘅食材都用最好，超高質，深受首爾人歡迎，喺NAVER上都會見到有唔少好評，值得大家信賴。
- 呢度好闊落，如果想安靜咁食一餐，呢度仲有準備包廂。
光化門美食「Urban Garden」價錢
Garden 午餐套餐 （雞扒＋伊比利亞豬扒） | 2人 ￦59,000 |
3人 ￦79,000 | |
4人 ￦114,000 | |
Daisy Course 晚餐套餐（雞扒） | 1人 ￦49,500 |
Daisy Course 晚餐套餐 （雞扒＋伊比利亞豬扒） | 1人 ￦54,500 |
Daisy Course 晚餐套餐 （伊比利亞豬扒） | 1人 ￦59,500 |
情侶晚餐套餐（雞扒） | 2人 ￦69,000 |
情侶晚餐套餐（伊比利亞豬扒） | 2人 ￦81,000 |
光化門美食「Urban Garden」預約流程
光化門美食「Urban Garden」注意事項
- 至少要喺1日前預約。
- 可以喺去之前3日更改或取消預約，之後就唔可以退款。
- 如果要更改預約請send email到help@creatrip.com。
- 請遵守預約日期同時間。
- 埋單嗰陣會自動扣已俾嘅訂金。
- 遲到超過十分鐘以上，將會自動取消。
- 每個時段供應嘅餐都會唔一樣，請注意（ 平日 Lunch 13:00 - 14:30、每日 Dinner 17:00 - 20:30）。
- 座位將會係隔機安排（越早預約將會坐到近露台位置）。
- 入場用餐時間係兩個鐘。
光化門美食「Urban Garden」介紹
只係睇外觀係咪已經覺得好似去咗一個花園咁呢？
入到去，呢度係一樓嘅露台區，周圍都有好多花草圍住大家，令人好舒服，所以呢啲位都好搶手。
如果唔想坐出面，入面同樣都係好有feel。
之後再帶大家睇吓2樓，呢度真係好靚，好似同自然融為一體咁，無論坐咩位都可以影到靚相。
如果想安安靜靜咁同朋友或屋企人嚟食飯嘅話，呢度仲有準備四人包廂、團體（12人）包廂，想訂包廂或者想坐指定座位嘅朋友，預約之後記得send email同我哋講，我哋會盡量幫大家留好位。當然越早預約，訂到好位嘅機率越大！
小編當日叫咗Family Set（4人）套餐，呢啲麵包係每日即烤，點少少意大利香醋一齊食，真係好好味。
呢度嘅沙律會用當季新鮮蔬果同食材去做，今次小編去係三文魚沙律。
睇落係唔係超新鮮呢！就連平時唔太食沙律嘅小編都覺得呢個超好味！
沙律之後就會送上今日例湯，Urban Garden嘅濃湯係用當季食材去做，所以每個月都會唔一樣，而呢個月係薯仔濃湯。
意粉方面，小編叫咗肉醬意粉同明太子沙律醬意粉。
肉醬意粉應該冇人會唔鍾意，呢度係將炒咗好耐嘅肉加入番茄醬而成，超好味！
鹹鹹地嘅明太子配上蕃茄汁，呢個配搭完全係冇得輸！
呢個係主菜Premium BBQ，佢有伊比利亞豬扒、雞扒、牛柳粒、手工香腸、龍蝦等，每季都會配搭唔同新鮮蔬菜，係唔係睇見都流哂口水呢？
首先，伊比利亞豬係西班牙用橡子、橄欖、油菜同薄荷餵食嘅高級豬，佢比一般豬肉更高級，好多高級餐廳都會入呢種食材。
佢雖然好厚，但食嘅時候肉超嫩，相信大家一試難忘。
雞扒軟嫩多汁，超juicy同好味！
Urban Garden自製嘅手工香腸同樣都係有好多肉汁，同平時食開嘅香腸好唔同。
牛柳粒就係平時大家食開嘅味道，佢好嫩，配醬汁一齊食好好味。
龍蝦入面包住麵包粉，睇落都相當吸引！
當日甜品係芒果布丁，布丁超綿密，好有入口即融嘅感覺。
現場仲有梳打飲品，有興趣嘅朋友直接喺現場落單就可以。
以上係光化門美食「Urban Garden」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
