孔劉杯緣子上市

終於上市！國民即沖咖啡KANU公開5款孔劉杯緣子，快啲將Oppa帶番屋企啦！

Jeongyeong Yeo

5 years ago

Hello，大家好，我哋係由韓國人話你知每日最新韓國資訊嘅Creatrip。

＃韓國新聞＃杯緣子
＃孔劉＃杯緣子＃上市
＃MAXIM＃KANU

千呼萬喚終於出嚟啦！之前國民歐爸：孔劉代言嘅KANO咖啡廣告入面，孔劉化身杯緣子，瀟灑咁坐喺杯緣望住大家。

好多人都問，究竟實體嘅孔劉杯緣子幾時先會上市呢？

終於！MAXIM旗下嘅KANU公開孔劉杯緣子嘅資訊，一共有五款，現在喺全韓國門市都有賣了，快啲睇下啦！

孔劉Oppa縮細咗！化身成為又型又得意嘅杯緣子，坐喺咖啡杯邊，彷彿好似為你打氣一樣望住你。各位少女們，係咪就嚟融化呢？

廠商喺最後釋出嘅實體杯緣子影片，雖然令人一度猜測KANU係咪要出實體商品，但過咗個幾月都冇下文，好多人都認為只係廣告手法。

點知尋日半夜突然出消息，杯緣子終於上市啦！

페이스북 @ MAXIM.KANU (맥심카누)

一共五款杯緣子，都係迷你版嘅孔劉Oppa。雖然唔係真人坐喺杯緣望住你，但呢啲迷你版嘅人物杯緣子，都夠晒得意。

페이스북 @ MAXIM.KANU (맥심카누)

唔止可以放喺杯緣，仲可以掛喺枱邊、電腦上，時時刻刻都可以望到Oppa，係咪令各位喺Office做嘢都會寧舍有精神呢？

페이스북 @ MAXIM.KANU (맥심카누)

其中一款仲要咁樣抱住咖啡豆，真係好得意！而家只要喺韓國嘅MAXIM KANU門市，就有機會買到啦！

페이스북 @ MAXIM.KANU (맥심카누)

一共五款孔劉歐爸嘅杯緣子，超級有紀念價值，而且造型令人不禁諗起當年孔劉喺《咖啡王子1號店》嘅造型。

大家嚟韓國要預番個位裝咖啡番去啦！

페이스북 @ MAXIM.KANU (맥심카누)

一共五款，隨機出貨，大家準備好未呢？一齊將孔劉蒐集番屋企啦！

페이스북 @ MAXIM.KANU (맥심카누)

不過雖然KANU官方表示，喺全韓國嘅商店都有得買，但部分熱門地區一定會有唔夠貨嘅情況，大家可能要行多幾間超市睇下啦！

咁多位，我哋下次見。