韓國大學生文化
「我聽日休學啦」韓國大學生文化盤點！成日休學？學費貴？
Hello，大家好，我哋係由韓國人話你知每日最新韓國資訊嘅Creatrip。
＃韓國文化＃韓國大學生
＃大學生活＃韓國大學文化
大家嘅大學生活係點㗎呢？
拍拖、上庄、返part time、住hall、走堂，係咪樣樣做齊？
又或者個個sem過三爆四，入埋dean list拎scholarship？
每個地方大學生嘅生活都好多姿好彩。
咁大家又知唔知韓國大學生嘅生活係點㗎呢？
一齊睇下今日嘅韓國文化啦！
✨馬上Follow我哋IG
instagram.com/creatrip.hk
韓國大學生文化
1. 空堂공강？
來源：에브리타임
大學生或者研究生一定會識嘅單字——공강，即係「空堂」嘅韓文，通常用吸講「中間第幾節冇節」。
韓國大學生亦會將「Day Off」叫공강。
所有大學生最憎就係朝早一堂，下一堂就勁晏嘅「天地堂」。
韓國大學生會叫做「宇宙空堂（우주 공강）」！
如果好似上面個timetable，完美嘅「宇宙空堂」，對學生嚟講非常煎熬。
學生未必住喺宿舍或者學校附近，遇到呢啲空堂，返屋企又唔係，走堂又唔係⋯⋯
大部分學生都會去圖書館打發時間，睇下書、睇下劇。
唔好彩嘅話，真係「摺拉把」時間多過上堂時間。
有啲學生會趁空堂打工，賺啲零用錢；或者同朋友一齊去附近嘅Cafe、網吧、投幣卡啦OK消磨時間。
所以，大學周邊成日都有好多平餐廳同娛樂場所。
韓國大學生文化
2. 韓國大學學費超級貴？
2017年韓國前20貴大學
韓國嘅學費係按照科系唔同而定，以兩個學期（一年）嚟講，最貴嘅科系係醫學系。
不論科系，以2學期（一年）嚟講，韓國大學學費最貴嘅係明知大學（911萬Won）、延世大學排第4（901萬Won）、梨花女大排第9（852萬Won）、漢陽大學排第13（846萬Won）、成均館大學排第18（835萬Won）。
學費最貴嘅科系係梨花女大嘅醫學系，一年就要1,289萬韓元學費（港幣8萬幾），其他大學醫學系學費都差唔多，通常要一千萬Won以上。
韓國大學嘅學費貴，所以好多人都會喺課餘時間返part time、補習幫補下。
好多人討論過，呢啲名牌大學嘅入學生，有好大部分都係住喺首爾嘅高中生，或者係家庭收入較高嘅一群。
小編身邊有朋友因為大學學費太貴，高中畢業就直接去做嘢，唔繼續升學；都有啲人會休學一、兩年，去做嘢賺學費。
韓國大學生文化
3. 韓國大學生休學好普遍？
韓國大學嘅休學現象好普遍，大部分男仔都會喺大二、大三休學去當兵（當兵休學唔計落總休學次數入面）。
所以，小編大學上同一堂嘅男仔，好多都年紀比我大，呢個差異係喺高中體會唔到嘅。
除咗男仔會休學去當兵，都有唔少人會為咗學費而休學返part time。
除此之外，因為韓國企業相當注重學業外嘅能力，好多人都會申請學校嘅海外交換生，或者利用校方提供嘅資源，休學一年去國外進修、睇下世界，令自己嘅CV更加豐富。
有時上完一個學期，有啲同學就會同大家道別話要休學、去其他地方，大家都會祝福佢哋。
不過，對香港朋友嚟講，大家聽到休學嘅觀感，好似都比較負面？
韓國大學生文化
4. 韓國大學壓力好大？
來源：NEWS1
好多人都認為韓國大學嘅壓力好大，但小編認為，韓國學生最大壓力嘅時期，應該係高中考大學個陣。
為咗入到SKY（韓國三大）、為咗考入好嘅大學、為咗去首爾」為咗讀醫學系……
每個韓國人壓力最大嘅時刻，都係高三嗰段時光。
入到大學之後，都難免會放鬆下。
到第一個sem出完GPA，好多人先會警惕、收心。
因為韓國嘅大學學費好貴，大多數人對於大學考試還是戰戰兢兢，在期中考試前兩週，圖書館都是一位難求，甚至有些人會提早一個月準備呢。
睇完以上小編介紹嘅大學生活，係咪覺得好有趣呢？
小編已經大學畢業，但而家回想嗰段生活，好似真係人生最精采嘅時光之一。
✨馬上Follow我哋IG
instagram.com/creatrip.hk
| 其他延伸閱讀 | |
 韓國語學堂介紹 |  梨花女大探訪記 |