仁川機場T2總整理

Hello，大家好，我哋係由韓國人每日提供最新韓國旅行資訊嘅Creatrip。

飛韓國通常都係喺仁川機場落機，不過當中仲有分T1同T2， 為咗方便大家之後嚟旅行唔會慌失失，上次同大家介紹完T1之後，今次就講解T2，睇完話唔定對大家有啲幫助㗎！

仁川機場T2總整理

1. T2樓層介紹

• 地址：인천 중구 제2터미널대로 446
• 營業時間：24小時、營運時間請諮詢各航空公司

仁川機場T2 3樓出境大樓

仁川機場T2 1樓入境大樓

T2總共分咗5層，B1係搭地鐵、巴士等；1樓係入境大樓；2F係航空公司辦公室；3樓係出境大樓；4樓係美食廣場；5樓係宣傳館同展望台。

仁川機場PCR檢測價格

1. 入境韓國時

• 價格：₩80,000/人
• 對象：持有短期簽證外國人先可以喺仁川機場入境時進行PCR檢測。
• 測試結果通常會喺3-5小時後通知，如果一直未收到，最遲都會喺第二日嘅朝早11點收到。
• 參考網址：撳我

2022韓國旅遊簽證申請教學（香港）

2. 出境韓國時

PCR檢測結果大約喺3小時後會知，快速檢測係1小時後。

提前預約網站：撳我

仁川機場PCR檢測中心位置

1. 仁川機場 T1（東邊）

• 位置：1號客運大樓交通中心1樓東邊外側（5號出口）（仁川機場膠囊酒店「閣樓休」附近）
• 營業時間：24小時
• 出境檢測：07:00-18:00（Break Time 12:00-13:00）
• 電話：+82-1600-5110

仁川機場 T1（西邊）

• 位置：1號客運大樓交通中心1樓東邊西側（10號出口）（仁川機場膠囊酒店「閣樓休」附近）
• 營業時間：24小時
• 出境檢測：07:00-18:00（Break Time 12:00-13:00）
• 電話：+82-1533-2030

更多關於「仁川機場T1」 資訊

2. 仁川機場 T2（東邊）

• 位置：Corona 19 檢測中心（B1停車場）（Hana Bank隔離）
• 營業時間：24小時
• 入境檢測：07:00 - 19:00
• 電話：1600-5110

仁川機場 T2（西邊）

• 位置：Corona 19 檢測中心（B1停車場）（出入證簽發處前面）
• 營業時間：24小時
• 入境檢測：07:00 - 19:00、出境檢測 07:00-18:00（Break Time 12:00 - 13:00）
• 電話：+032-741-9000 / +032-743-7080

2. 進駐航空公司位置及報到

進駐仁川機場T2航空公司有9間，當中包括：大韓航空（KE）、達美航空（DL）、法國航空（AF）、荷蘭皇家航空（KL）、墨西哥國際航空（AM）、中華航空（CI）、嘉魯達印尼航空（GA）、廈門航空（MF）、俄羅斯航空（SU）。

3樓出境大樓A至G號係報到櫃檯，大家可以根據航空公司代碼搵返相應櫃檯辦理登機手續。

E區設有自助報到機，大家可以自己print登機證同行李條碼，但受疫情影響目前唔開放。

3. 交通

• 機場鐵道（AREX）：B3搭

由首爾去仁川機場最快方法就係「機場鐵道AREX」，機場鐵道大致分為兩種，一種係站站停普通列車（坐13個站），另一種係直達列車（只停T1、T2）。

仁川機場T2機場鐵道，售票處位喺B1，之後可以喺B3搭車。

無人售票機機器支援中文、英文、日文同韓文，不過現場買係冇優惠，建議大家可以先透過我哋網站預約。

代訂仁川機場快線AREX直通車票

由T2出發去首爾第一班車係05:18、尾班車係23:50；而由首爾站去T2出早出發係05:20、尾班車係00:00，尖峰時段至少有五班車以上，如果想確認班次時間嘅話，建議出發前可以參考機場鐵路網站。

• 機場高速巴士

仁川機場T2同樣都有好多可以去首爾同京畿道嘅機場巴士。

圖中以粉紅色標示票券部分，就係仁川機場T2 B1無人售票機。

無人售票機支援中文、英文、韓文同日文，不過只可以用信用卡俾錢。

1至10號月台係去忠清道、慶尚道、江原道等地方、11至35號月台係往首爾方向、36至45號月台係往京畿道。

另外由仁川機場官網可以查到深夜巴士時間表、各巴士路線同乘搭地點等，有要搭乘巴士的朋友可以參考一吓。

往首爾
6009 (往良材、江南、新沙方向)		票價：₩17,000
		首班車：T1出發07:05 T2出發06:45
		尾班車：T1出發20:50 T2出發20:30
6705 （往蠶室樂天世界酒店）		票價：₩18,000
		首班車：T1出發09:10 T2出發08:50
		尾班車：T1出發19:00 T2出發18:40
6002 （往清涼里）		票價：₩16,000
		首班車：T1出發07:00 T2出發06:40
		尾班車：T1出發19:35 T2出發19:15
6003 （往首爾大學）		票價：₩10,000
		首班車：T1出發07:05 T2出發06:45
		尾班車：T1出發18:40 T2出發18:20

去首爾方向嘅巴士其實都有好多，但目前因為疫情影響，幾乎都唔開，建議大家關於機場高速巴士同夜間巴士部分，可以參考官網資訊會比較準。

仁川機場巴士總整理
仁川機場夜間交通

• 的士

1樓入境大樓出口出嚟之後，往首爾方向去5C月台、京畿去4D月台、仁川去3C、 3D月台搭。

如果擔心唔知點溝通，可以去1C月台搭國際的士，或參考小編推薦嘅接送服務，可以事先預約好。

機場至市區接送
首爾（酒店）往機場豪華包車接送
機場往首爾（酒店）豪華包車接送

• 客運大樓免費接駁車

3樓出境大廳4、5號出口有往T1客運大樓嘅循環巴士，大約10分鐘一班。

T2往T1接駁車時間表，3F 4號出口搭

雖然有接駁車可以來回T1/T2，不過因為兩個客運大樓都有啲距離，建議大家登機前一定要check清楚，如果唔係會浪費咗好多時間。

• 酒店接駁巴士

入境大樓2A巴士站有酒店循接駁巴士，但目前受到疫情影響，而家只有去Grand Hyatt Incheon接駁車。

4. 銀行

T2總共有3間銀行可以換錢，分別係韓亞、友利同新韓。

T2免稅區內可以換錢嘅地方比較少，建議大家盡量去返市區換會好啲。

2022韓國換錢總整理

5. 退稅

3樓D、E櫃台前面有機器可以自助退稅，如果唔明或者問題，都可以請隔離職員幫手。

自動退稅機提供多國語言服務，同時仲有簡單教學。

韓國退稅總整理

6. 租Sim卡及Ｗi-Fi蛋

小編自己用過好幾間Wi-Fi蛋，特別幫大家揀出最平嘅一間，一日1GB至3GB高速上網，就算用哂仲可以有400kbps網速，絕對夠用，或者想買sim卡嘅朋友，Wifi Dosirak提供SKT高速上網5日sim卡，只係需要₩23,000！

韓國預訂WIFI/SIM卡預訂

WIFI DOSIRAK電話卡/SIM卡

韓國SIM卡比較

7. 其他服務

• 服務台

• 位置：1樓西邊2號、5號出口（至24:00）
• 營業時間：05:00 - 23:00

• 位置：3樓B、G櫃檯（至24:00）
• 營業時間：05:00 - 23:00

3樓出境大廳B、G設有服務台，隔離仲有免費影印機，如果出國前發現有文件漏咗冇print，都可以喺呢度補印。

• Airstar

喺機場大家可能會遇到「Airstar機械人」，佢識中、英、日、韓四種語言，有需要嘅朋友，都可以問佢㗎！

• 快遞及包裝

韓進快遞

• 位置：3樓H櫃檯
• 營業時間：07:00 - 21:00

仁川T2冇郵局，有需要寄韓國國內、寄放或包裝行李嘅話，可以嚟韓進快遞解決問題，4小時以內，唔限大細均一價₩4,000/件。

不過如果怕麻煩，可以體驗TRIPEASY託運行李，喺機場或酒店先交底，就可以輕輕鬆鬆行啦！只要係我哋會員，仲可以有幾乎6折優惠，相當抵！

TRIPEASY行李託運服務

• 醫院

仁荷醫院

• 位置：B1西邊
• 營業時間：平日08:30 - 18:00

機場裡有附設醫院，韓國人或外國人都可以去接受治療，上機前如果唔舒服，千祈唔好忍。（而家只有T1有開）

• 藥局

Balance藥局

• 位置：B1西邊
• 營業時間：08:00 - 18:00

Sky Pharm藥局

• 位置：3樓中央
• 營業時間：06:00 - 19:00

如果唔想去醫院或者時間唔啱 ，可以去藥局買定藥，價錢都相對平啲。

• 育嬰室

B1育嬰室（暫停營運）

• 位置：巴士站東邊、西邊
• 營業時間：00:00 - 24:00

1樓育嬰室（暫停營運）

• 位置：西邊、東邊
• 營業時間：00:00 - 24:00

3樓育嬰室（暫停營運）

• 位置：西邊、東邊
• 營業時間：00:00 - 24:00

T2 3F免稅區 231號、243號、268同257登機口附近。

• 保險

三星火災保險

• 位置：3樓E櫃檯
• 營業時間：07:30 - 19:30

有需要買海外旅遊保險、海外留學保險嘅朋友可以參考吓。

• 機場酒店

閣樓休（膠囊酒店）

• 位置：B1交通中心東邊
• 營業時間：18:30 - 08:30

閣樓休係由韓國知名酒店「Walker Hill Hotel」所經營，24小時營業，年終無休，所以想短暫休息嘅朋友可以嚟呢度。

閣樓休詳細介紹

• 淋浴室

SHOWER

• 位置：T2四樓231、268
• 營業時間：24小時（受疫情影響，目前暫停服務）
• 費用：一般旅客₩3,000；轉機旅客免費。

• 休息區及叉電區

機場1樓、3樓同B1巴士等候座位區都有叉電位，支援無線同有線兩種方式，就算唔記得帶線都唔使擔心。

• 機場休息室

喺高級舒適環境，用高速穩定Wi-Fi、食零食同飲嘢、唔使擔心會漏任何重要資訊。

機場休息室綜合使用券

8. 餐廳

B1韓食美談街意指「充滿美味同故事嘅街道」，江陵校洞海鮮麵、北倉洞涓豆腐等知名美食都聚集喺呢度，食完一定會滿足！

Menu除咗韓文之外，仲有翻譯成中文、英文同日文版本。

自助結帳區係信用卡專用，除咗有支援外語之外，震動鈴會喺俾完錢之後自動出。

4樓還有一啲餐廳，喺度食可以望到機場全貌，不過受疫情影響暫停營業。

9. 咖啡廳

31冰淇淋

• 位置：B1中央
• 營業時間：08:00 - 21:00

Coffee@Works

• 位置：3樓中央
• 營業時間：06:00 - 21:00

B1仲有Paris Baguette、Angel-in-us、Starbucks等。

10. 購物

Olive Young

• 位置：B1中央
• 營業時間：10:00 - 20:00

仲未買夠韓國藥妝品嘅朋友，可以去B1中間Olive Young最後衝刺。

入境大樓有便利店，裡面有賣一啲旅行相關商品，好似係轉插頭、交通卡等。

京仁文庫

• 位置：3樓中央
• 營業時間：07:00 - 21:00

上機前無聊嘅話可以去書局睇吓有冇紀念品買。

11. 休閒娛樂

• 宣傳館

仁川機場5樓有宣傳館介紹韓國歷史，想再深入了解韓國文化嘅朋友可以嚟呢度。

• 展望台

5樓手扶梯上嚟之後左邊係展望台同體驗館，喺度可以望到飛機起降，相當紓壓。

仁川機場T2免稅區

去機場一定要做嘅又點少得行免稅店呢？除咗出境大樓之外，入境大樓都有好多煙、酒、化妝品、零食、電子產品等！詳細介紹，小編之後會再更新。

為咗慶祝觀光再次開放，小編幫大家爭取到「韓際新世界免稅店」優惠！唔單止可以無條件升級至銀卡等級，滿額仲可以享有免費韓服體驗、N首爾塔觀景台入場券或Starbucks優惠，唔想錯過就要撳我了解更多！

常見Q&A

Q. 航班起飛前幾耐要到機場？

各航空公司辦理登機手續櫃台營運時間都唔同，建議起飛前2個半至3小時到機場辦理登機手續。

Q. 呢啲嘢可唔可以帶上機？

水、飲料、辛奇（泡菜）、醬類（大醬、辣椒醬）、化妝品類（爽膚水、乳液、面霜）、牙膏等液體，每個容器限100毫升以下，總共1升內，詳情請務必參考機場規定。

Q. 唔見咗行李點算好？

T1 1樓中央設有兩部行李遺失機器，如果喺機場唔見嘢，可以去B1西邊失物招領中心諮詢。

仁川機場相關優惠

• 2022韓際新世界免稅店優惠｜明洞/釜山/仁川機場：優惠唔單止可以無條件升級至銀卡等級，滿額可享免費韓服體驗、N首爾塔觀景台入場券或Starbucks優惠。
• 機場→首爾 12人座豪華包車：可以裝BB、有TV、Wi-Fi等便利設施，價錢好合理！
• 首爾→機場 12人座豪華包車：對團體遊客嚟講最方便，最多可以坐13人Solati私人車！
• 仁川機場/金浦機場的士接送：由韓國官方認證，每位司機都好親切、車內乾淨，唔會超速。
• TRIPEASY行李託運：唔想拎住行李走圍走，不如就用TRIPEASY，可以將行李安全送到酒店同機場。
• 韓國預訂WIFI/SIM卡服務：Wi-Fi蛋一日1GB至3GB高速上網，就算用哂流量都可以用400kbps上網，速度一啲都唔慢。
• WIFI DOSIRAK SIM卡：用韓國Top3通信公司，LG U+同KT都係LTE（4G）高速網路，品質有保障！
• 機場休息室綜合使用券：喺高級舒適環境，用高速穩定Wi-Fi、食零食同飲嘢、唔使擔心會漏任何重要資訊。

以上係關於「仁川機場T2」嘅所有相關資訊，希望可以幫到大家，如果有任何疑問，歡迎大家留言話俾我哋知，我哋會盡力一一解答！

另外小編仲有整理埋仁川機場T1、金浦機場嘅介紹，有興趣嘅朋友去睇吓。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購