韓國人氣面膜推薦
韓國OPPA用嘅「一日一面膜」人氣款推薦！Dr.Jart+藥丸面膜、積雪草面膜，仲有咩？
Hello，大家好，我哋係由韓國人話你知每日最新韓國資訊嘅Creatrip。
＃韓國面膜＃韓國美妝
＃超人氣面膜＃人氣推薦
韓國氣候非常乾燥，每日保養肌膚係非常重要嘅一環。
除咗一般護膚品外，好多人都會敷面膜保養。
韓妹鍾意敷面膜就係人都知，其實連韓國男仔都會敷面膜管理皮膚㗎！
咁到底邊啲面膜係韓國最流行，喺平價款式入面，最好嘅面膜呢？就等小編為大家介紹啦！
✨馬上Follow我哋IG
instagram.com/creatrip.hk
韓國面膜推薦
innisfree - 美肌專家系列面膜
- 價格：1片1800₩
innisfree以成分天然出名，係大家嚟韓國一定會買嘅平價美妝品牌之一。
除咗綠茶籽系列評價好之外，價格超親民嘅面膜都係必囤保養品。
因為價格平，功效好，夏天用嚟鎮定肌膚係一個非常唔錯嘅選擇。
INSTAGRAM：beautystore.id1_眾多Innisfree面膜入面，小編最想推薦嘅係呢款積雪草面膜，相信有留言開韓國護膚品嘅朋友，都應該聽過呢款。
積雪草有鎮定肌膚效果，對於敏感肌非常好，有咩突發嘅肌膚問題都可以用呢走積雪草面膜緊急修護。
小編用過之後覺得非常好。
美肌專家系列面膜唔止有積雪草，仲有好多唔同功效，例如美白、保濕、玻尿酸等等……
大家可以依照膚質揀適合自己嘅面膜。
不過要注意，如果想用嚟每日敷嘅話，盡量揀番保濕款，有特別功效嘅面膜每日敷會對皮膚造成負擔。
韓國面膜推薦
ABIB - 口香糖魚腥草面膜
- 價格：1片4800₩
呢款ABIB魚腥草面膜，係「口香糖系列」嘅熱賣款。
呢個系列特別之處在於佢嘅面膜紙好薄，可以好好咁貼合面形。
魚腥草有鎮靜、溫和保濕貼修護肌膚嘅功效。
除咗魚腥草外，仲有其他款底可以揀。
呢款面膜依家係韓國美妝評價排行網站嘅第二名！ 深受韓國人喜愛。
特別推薦魚腥草款，因為佢嘅保濕貼鎮靜效果都好好，持續用嘅話皮膚會變得透亮。
小編自己好鍾意用呢款面膜，夏天天氣熱，可以將佢雪喺雪櫃之後再用。
韓國面膜推薦
Dr.Jart+ - 藍色藥丸面膜 / 積雪草面膜
- 價格：1片4000₩
Ｄr.Jart＋嘅面膜一向人氣都好高。
除咗藥丸膠囊系列之外，積雪草面膜都深受大家喜愛。
聽講唔少朋友嚟韓國，都會10塊、20塊咁掃返香港。
小編屬於乾燥肌，用完藍色藥丸面膜之後，覺得佢好啱用嚟急救、補水。
如果前一晚訓之前有用藍色藥丸面膜，第二日上妝會相對貼服，肌膚會係吸滿水嘅狀態。
強力推薦畀各位乾燥肌朋友使用。
積雪草面膜都係Dr. Jart＋嘅人氣產品。
積雪草喺係「鎮靜肌膚」、「敏感肌適用」嘅代名詞，佢嘅產品都好受歡迎。
到目前為止，小編用過非常多積雪草產品貼面膜，個人認為Ｄr.Jart+積雪草面膜嘅修護鎮靜效果非常明顯，突發嘅肌膚狀況都可以平復得好好。
而且面膜紙好服貼，有淡淡嘅草本味，非常推薦大家試試。
雖然Dr.Jart+喺香港都買到，不過比起韓國價格貴，大家可以參考我哋嘅代購，用更優惠嘅價格由韓國直送Dr.Jart+嘅面膜到港。
- 落單：點選本頁面右下角「點我落單」
- 商品：cicapair積雪草藥丸面膜5塊（3盒）
- 價格：
￦51,500￦45,000（價格已包港台運費） - 備註：最低購買數量3盒（落單時+1），想買更多都要以3嘅倍數購入
韓國面膜推薦
Mediheal - NMF 補水面膜 / 綠茶舒緩面膜
- 價格：1片3000₩
Mediheal面膜一直係高人氣產品，唔止喺韓國，喺香港都好出名。
其中綠茶舒緩面膜係目前韓國化妝評價比網站入面嘅前四名。
「終於搵到自己嘅人生面膜」「如果要講結論嘅話，呢款係我嘅人生面膜」
韓國人實測後嘅心得入面，有好多好評。
睇完評論後因為太好奇，所以小編都有試過呢款面膜。
面膜本身精華好多，甚至有人會將多咗嘅精華裝喺樽入面當精華液用，清爽唔黏膩。
雖然面膜紙唔係特別薄，不過好貼服。
唯一嘅缺點係面膜上面眼嘅位置開得太大，所以敷嘅時候，眼周就唔係好敷到……
Mediheal除咗綠茶舒緩面膜外，小編仲想介紹呢款：NMF高效保濕3倍保濕面膜。
小編身邊有男性朋友，會每日都用呢款面膜！
纖維素面膜紙透薄非常貼合臉型，有助撫平細紋，輕易導入高濃縮精華，透亮效果極好。
面膜有天然保濕因子、金縷梅，同埋大馬士革玫瑰水，可以做到深層補水，任何膚質都啱用。
Creatrip都有代購呢款面膜，大家可以參考下。
- 落單：點選本頁面右下角「點我落單」
- 商品：可萊絲NMF補水面膜10塊（3盒）
- 價格：￦41,000（價格已包港台運費）
- 備註：最低購買數量3盒（落單時+1），想買更多都要以3嘅倍數購入
韓國面膜推薦
DERMATORY - 條理修復棉片
- 價格：60片22,000₩
最後呢款唔算係面膜，但係可以當成面膜用嘅調理修復棉花片。
呢款係喺韓國化妝品評比網上位居第三名嘅長年不敗款。
紫色調理棉片原料用咗積雪草，同樣有上文提及嘅功效。
呢款棉片用起嚟相當方便，可以局部急救，所以又被稱為「119急救貼」。
面上突然生痘痘，可以唔洗敷成張面膜，做到局部鎮靜嘅效果，人氣一直居高不下。
大家用呢款棉片個陣唔可以直接用手拎，可以用每罐入面都有鉗仔夾出嚟，唔係嘅話，罐入面好易滋生細菌。
以上就係今日為大家帶來嘅韓國人氣面膜推薦。
每個人嘅膚況都唔同，好難話邊一款最好，揀一款適合自己嘅面膜先係最正確。
備註：DEWYTREE Leaders Step Solution Aquaringer可以喺Olive Young買到；I'm Sorry 果凍舒緩面膜就可以喺LOHB's買到。
✨馬上Follow我哋IG
instagram.com/creatrip.hk
| 其他延伸閱讀 | |
 韓國美妝代購 |  梨大美妝地圖 |