《無事忘家族》劇照
哈囉，大家好，我哋係由韓國人話你知每日最新韓國資訊嘅Creatrip。
＃韓國文化＃0508
＃韓國父母節＃어버이날
好快又到母親節，但大家知唔知韓國其實係冇呢個習慣嘅呢？
韓國人冇刻意去分母親節定父親節，反而係將兩個日子合埋咗一齊過。
每年嘅5月8號就會統稱為「父母節」，呢日大家都會表達對父母、長輩、祖先嘅尊敬之意。
✨馬上Follow我哋IG
instagram.com/creatrip.hk
韓國父母節（어버이날）
- 日期：5月8號
《天空之城》劇照
雖然韓國冇特別分母親節或者父親節，但佢哋都會定05月08號為父母節。
大家都會好重視，做完當日手頭上嘅嘢之後就會衝返屋企過家庭樂。
韓國父母節嘅由來
SBS
其實1956年5月8號原本只係韓國國定嘅「母親節」。
不過，好多人都意識到，除咗媽媽係家庭入面扮演辛勞同需要感謝嘅角色之外，爸爸其實都係。
所以由1970年代起，05月08號正式改為「父母節」，直到而家都冇變過。
韓國父母節現象
大家應該都知，韓國人好興送禮 (韓國咁多情人節，有時可能送禮都送到窮哈哈)。
如果咁碰啱係父母節，禮物更加唔可以少，如果仲係幼稚園或小學生嘅話，老師都會叫佢哋畫張卡送畀父母。
韓國父母節禮物
다음소프트빅데이터 분석결과
根據上年調查結果顯示，韓國父母最唔想收到嘅禮物第一位係書、第一位係蛋糕、第三位係鮮花、第四位係假花 、第五位係手機 (有啲意外@@)。
SK 플래닛 M&C 부문
另外，亦有結果顯示父母真係最想收到嘅第一位係現金、第二位係一餐飯、第三位係去旅行。
小編都覺得其實好合理，正如小朋友都鍾意拎零用錢，當然父母都希望收到錢買自己最想要嘅嘢。
香港都就嚟母親節，唔知大家又諗好送咩畀媽媽未呢？
但當然大家都要記住唔係只得母親節或者父親節時，先需要孝順。
平時我哋都要好好尊敬父母，珍惜同屋企人嘅每分每秒。
✨馬上Follow我哋IG
instagram.com/creatrip.hk
其他延伸閱讀 | |
 韓國旅行洗費 |  韓國慳錢tips |
