弘大美食｜翁多來燉雞
弘大「翁多來燉雞(옹다래)」，紅酒配燉雞你試過未？而且仲可以用超平價錢飲咖啡？
Hello，大家好，我哋係由韓國人每日提供最新韓國旅行資訊嘅Creatrip。
嚟韓國又點可以唔食燉雞？甜甜辣辣醬汁，加上冬粉同蔬菜，真係好惹味！喺弘大除咗Shopping之外，肚餓嘅時候又唔知食咩好？咁不如就去呢間「翁多來」啦！
弘大美食「翁多來燉雞」資訊
- 地址：서울 마포구 양화로 122
- 營業時間：星期一至六 10:30 - 23:00、 星期日 10:30 - 22:00
弘大美食「翁多來燉雞」推薦理由
- 如果食厭其他連鎖店，咁不如就試吓呢間翁多來燉雞啦！喺弘大超出名，價錢平得嚟份量又夠多，CP值好高。
- 食完雞之後可以用剩底嘅醬汁撈飯食，食完會令人超飽肚。
- 翁多來燉雞仲有紅酒賣，大家可以邊飲紅酒邊食燉雞。
弘大美食「翁多來燉雞」價錢
菜單 | 價錢 |
| 翁多來燉雞 옹다래찜닭 | S ₩29,000 L ₩34,000 XL ₩41,000 |
| 無骨芝士燉雞 순살치즈찜닭 | ₩37,000 |
| 海鮮燉雞 해물찜닭 | ₩51,000 |
| 翁飯 옹밥 | ₩2,000 |
| 加冬粉 당면 사리 추가 | ₩2,000 |
弘大美食「翁多來燉雞」退款政策
預約後至到訪3日前取消 | 全額退款 |
到訪2日前及其後取消 | 不設退款 |
弘大美食「翁多來燉雞」注意事項
- 請最少喺2日前完成預約。
- 所有餐品都需要10~20分鐘時間烹調。
- 請準時到達。
- 如果想更改預約日期或時間，請send email到help@creatrip.com通知我哋。
弘大美食「翁多來燉雞」預約流程
| STEP 1. | 撳我預約 |
| STEP 2. | 請輸入所有相關資訊。 |
| STEP 3. | 我哋會喺2個工作天內確認預約。 你只可以喺體驗3日前更改或取消預約。 |
| STEP 4. | 請務必準時到達， 到達之後向職員出示預約資訊。 |
| STEP 5. | 享用美食！ |
弘大美食「翁多來燉雞」介紹
弘大「翁多來燉雞」出名到就連美國知名脫口秀主持人Conan O'Brien（康納·克里斯多福·歐布萊恩）都有嚟過，當時引起咗唔少人討論。
入面有好多位，有啲仲係專為團體客人準備嘅包廂，有自己一個獨立空間，超舒服。
平時食燉雞可能都只係配可樂或雪碧，不過呢度竟然係有紅酒賣！如果大家係酒鬼.....哈哈哈哈哈…
「翁多來燉雞」、「辣椒醬燉雞」同「無骨芝士燉雞」係呢度最出名嘅Menu，今次小編先試咗原味翁多來燉雞S（2人份，半隻）。
平時食燉雞大家都應該會見過呢個沙津，大家可以當佢係開胃菜又或者用佢嚟解辣，沙律醬有柚子味，食起嚟好清爽。
雖然只係得半隻，不過小編都覺得3個人食都好足夠。
唔知係唔係因為店主喺燉雞入面放咗韓藥材，所以雞肉一啲腥味都冇。除咗燉雞，小編覺得冬粉都係燉雞嘅靈魂！令人忍唔住食完一啖又一啖。
雞肉好嫩，同冬粉一齊食真係好正！
留返少少醬汁，將「 翁飯」倒落去一齊撈勻食，真係超好味！
只要嚟呢度食飯，最後可以用₩1,000至₩2,000飲到美式咖啡、濃縮咖啡同鮮奶咖啡。呢度用嘅原豆同Starbucks一模一樣，一杯咁平大家又點可以唔飲返杯呢？
如果苦惱緊喺弘大有咩好食？翁多來燉雞都係一個唔錯嘅選擇！
以上係弘大「翁多來燉雞」嘅介紹， 有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
