「鷺梁津杯飯街」介紹

唔係淨係得水產市場！學生最愛嘅「鷺梁津杯飯街(노량진컵밥거리)」 ₩3,000一餐食到飽一飽

Vivian @ Creatrip

4 years ago

Hello，大家好，我哋係由韓國人話你知每日最新韓國資訊嘅Creatrip。

大家一聽到鷺梁津第一個諗起咩？水產市場？其實鷺梁津有一條全部都係平價美食嘅街，一餐只要₩3,000！一杯咖啡嘅價錢就可以食到飽一飽！

鷺梁津杯飯街（노량진컵밥거리）

鷺梁津有好多補習班，由以前開始，就一直係首爾學生準備各式各樣考試嘅聚腳地。由於學生多嘅關係，呢度開始賣好多平小食，喺呢條街上一間一間開，最後就形成咗而家稍有規模嘅杯飯街啦！

接下嚟會推薦幾間成日都環排隊嘅超人氣檔口！

汪汪姨母啊（왕왕이모네）

呢間賣嘅係烤肉飯，飯入面唔止得烤肉，仲有香腸、火腿、荷包蛋、豆芽菜，營養非常充足！而且招牌上全部都係節目嘅採訪相，每日一到食飯時間就開始排長龍！姨母雖然一個人做，但好快手。

越南河粉（베트남 쌀국수）

呢間係鷺梁津杯飯街超人氣越式料理，有越式炒飯、越式河粉、越式炒麵，每碗都係₩3,000起！

呢碗河粉嘅湯頭真係好好味，肉同洋蔥都好多。

冬天嘅時候食一碗，一定好暖，而且一啲都唔油膩、唔會太鹹。

鷺梁津元祖杯飯（노량진원조컵밥）

再嚟就係呢間喺成條街最前面，號稱係鷺梁津元祖杯飯。入面賣炒飯炒麵，好多種口味，全部直接放喺攤販前，指一指老闆就明你意思，唔洗擔心語言不通。食完飯，仲有湯，可以自己𢳂！真係好抵食，啱晒成日食唔飽嘅朋友。

日式章魚燒（노량진 타코야끼）

食完飯之後，仲有各種小食可以食！

6粒先₩3,000！真係好平，而且仲有好多種口味畀你自己揀。全部即叫即整，一啖一粒，好好食！

吳家鬆餅（오가네 팬케익）

最後大家絕對唔好唔記得呢間pancake店，餅皮脆脆哋，真係又平又好食。

提提大家，鷺梁津杯飯街都只收現金，所以要嚟嘅朋友，要記得帶足現金！

有機會大家都嚟試下啦！

如果有更多想知嘅內容，都可以隨時留言或者dm話俾我哋知：）

Instagram：creatrip.hk