Hello，大家好，我哋係由韓國人每日提供最新韓國旅行資訊嘅Creatrip。
韓國有好多特色Cafe，不過以真泳池改造嘅Cafe大家又有冇見過？今日小編想同大家介紹呢間位於釜山南浦洞嘅Gemstone。只要係我哋會員，出示優惠券更加可以享有九折優惠，有興趣嘅朋友記住繼續睇落去啦！
釜山南浦洞咖啡廳「GEMSTONE」資訊
- 地址：부산 영도구 대교로6번길 33
- 營業時間：11:00 - 22:00（Last Order 21:20）
釜山南浦洞咖啡廳「GEMSTONE」推薦理由
- GEMSTONE位於釜山南浦洞同影島大橋附近，係一間以游泳池做主題嘅特色Cafe。
- 原本呢度真係一個游泳池，老闆將游泳池嘅磁磚同滑水道保留落嚟，令到呢度更有特色。
- 呢度嘅甜品係由超過20年資歷嘅烘焙師每日新鮮製。
釜山南浦洞咖啡廳「GEMSTONE」優惠
- 埋單嘅時候向職員出示優惠券，即可享九折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
釜山南浦洞咖啡廳「GEMSTONE」菜單
藍莓鮮奶 블루베리라떼 | ₩6,500 |
美式咖啡 아메리카노 | ₩4,500 |
鮮奶咖啡 카페라떼 | ₩5,000 |
維也納咖啡 아인슈페너 | ₩6,500 |
乳酪沙冰 요거트스무디 | ₩6,800 |
釜山南浦洞咖啡廳「GEMSTONE」介紹
雖然韓國有好多以游泳池做主題嘅Cafe，不過GEMSTONE係全韓國唯一一間真係以游泳池改造而成嘅cafe。
老闆為咗可以保留原有風貌，將游泳池原本磁磚、滑水道同救生圈都保留落嚟，嚟到真係覺得有種去咗泳池嘅感覺。
呢度其實都幾闊落，除咗有階梯式座位區之外，店入面仲有梳化同一般座位，無論坐咩位都好都可以成為一個打卡位！
坐住呢啲櫈大家會唔會覺得勁有feel呢？
呢度仲會裝修埋好似沖涼房嘅置物櫃，係咪好特別呢？
呢度仲有一個大啤啤熊、鋼琴、舊汽車打卡店，嚟到一定要影啊！
上到二樓呢度仲有懶人椅同太陽傘座位區，行到攰喺度攤吓都幾唔錯。
呢度嘅甜品係由有20年資歷嘅烘焙師每日新鮮烤同賣，而且種類都幾多。
聽講呢度最出名係豆粉包同墨魚忌廉包，所以今次小編先試豆粉麵包，內餡有忌廉同紅豆，呢個組合已經係冇得輸，令人忍唔住食一啖又一啖。
之後去韓國想去啲特色嘅Cafe，不如就嚟呢間去GEMSTONE啦！相信大家一定會有一個難忘回憶。
點先可以享有釜山南浦洞咖啡廳「GEMSTONE」消費9折優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係釜山南浦洞咖啡廳「GEMSTONE」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
