首爾藥令市場介紹

首爾最大嘅韓藥材市場：藥令市場(京東市場)，感受不一樣嘅首爾氛圍啦

Jeongyeong Yeo

4 years ago

Hello，大家好，我哋係由韓國人話你知每日最新韓國資訊嘅Creatrip。

＃藥令市場＃京東市場
＃韓國人蔘＃高麗蔘
＃韓國傳統藥材＃市場

韓國傳統藥材入面，最為人所知嘅就係高麗人蔘，人蔘喺韓國生得特別好，所以自自然然人蔘就變成韓國嘅代表藥材。

位於首爾嘅藥令市場，有著濃濃嘅古早味同韓藥氣息，小編親自探訪咗一轉，帶俾大家睇下不一樣嘅首爾風貌啦！

藥令市場同京東市場基本上都係同一個區域，位於首爾地鐵1號線祭基洞站（제기동역）2號出口一帶，係首爾最大嘅傳統藥材市場好多人嚟韓國會買嘅人蔘，幾乎都係喺呢度買。

2號出口一出就會見到藥令市場（약령시장），一出地鐵站就可以聞到濃濃嘅韓藥材香，小編個人好鐘意呢種味道，好令人放鬆。

唔好以為嚟行首爾藥令市場嘅人都係啲年紀比較大嘅人，有時都會見到唔少年輕人陪爸爸媽媽一齊嚟。

整體嚟講，藥令市場都瀰漫住一種輕鬆、溫馨嘅感覺。

雖然藥令市場冇美食可以食，但呢種貼近當地嘅文化體驗，都係一個唔錯嘅選擇。

韓國嘅傳統藥材同香港嘅唔太一樣，大部分香港嘅中藥材都係擺喺店入面，而韓國嘅傳統藥材都係直接放喺路邊。可能係因為天氣比較乾燥，只要唔落雨，擺喺出面都可以保存得好好。

一直向前行過咗藥令市場之後，就會去到京東市場，呢度係首爾最出名賣人蔘同紅蔘嘅地方。

京東市場同其他首爾市場好唔同，呢度有一條街全部都係賣新鮮人參同紅蔘。

有冇人同小編一樣，好鐘意呢種人參嘅香氣呢？全部都好新鮮，價錢亦都好平，好多都係國內錦山產，大家又知唔知係代表啲咩呢？

錦山藥令市場介紹（금산약령시장）

高麗人蔘嘅原産地就係忠清南道嘅錦山郡，要講首爾最大嘅人蔘交易市場係祭基洞藥令市場，咁全韓國最大嘅人蔘市場就係佔咗交易量80%嘅錦山藥令市場。

每年十月都會舉辦嘅錦山人蔘節，吸引咗無數海內外旅客去參加，體驗韓國人蔘嘅滋味。

相比買乾貨，呢類新鮮人蔘喺韓國更加熱門，只係外國旅客受限於相關法令規定，只可以買乾貨返去，好可惜。

首爾嘅藥令市場，大家可以睇到人蔘按照等級分類，擺放整齊，有啲仲有蔘鬚，有啲就淨底粗肥嘅蔘身。

小編都情不自禁咁買咗150克返屋企，下次可以同拉麵一齊食，感覺會更加養生。

Creatrip會員喺世宗人參
出示會員證明享人參95折
人參加工食品9折優惠

呢到周圍都係賣新鮮人參嘅店鋪，不過小編要提提大家，呢類帶有土、仲未經加工、乾燥嘅新鮮人參（紅蔘）係無辦法入境香港，除非備有檢疫證明，不過基本上傳統市場唔會有相關證明。

想要喺藥令市場，買又平、又有保障嘅人參返去當紀念品，建議入去店鋪買。

不過新鮮嘅人參，香氣真係好重，大家睇唔睇呢啲人參嘅身體偏紅？呢個就係大家都好鐘意嘅韓國紅蔘，香氣都更加濃厚！

Creatrip會員喺興願人參
出示會員證明享人參95折
同人參加工食品95折優惠

人蔘嘅韓文係인삼，紅蔘嘅韓文係홍삼，大家揀嘅時候不妨認住呢兩個韓文字，之後嚟就唔會買錯啦。

小編同老闆講想要喺拉麵入面加人蔘，所以就攞到等級比較低，比較平嘅韓國人參。老闆話如果係加落拉麵嘅話，有個味道就得，唔使用太好嘅人參。

唔少韓國傳統藥材乾貨都可以喺度直接買到。大家如果想體驗濃厚當地氣息，可以去京東市場同藥令市場，嚟到呢度感覺只要呼吸就會變得健康嘅行程。

以上係小編嘅藥令市場、京東市場探訪記，大家又鐘唔鐘意人參嘅香氣呢？下次有機會嘅話，嚟感受一下不一樣嘅首爾氛圍啦。