弘大/仁川動物咖啡廳｜Eden Meerkat Friends
鍾意小動物嘅你，一定要去「Eden Meerkat Friends」同狐獴、浣熊等動物互動！
Hello，大家好，我哋係由韓國人每日提供最新韓國旅行資訊嘅Creatrip。
韓國多cafe相信大家都知，除咗會想跟住KOL去啲打卡cafe之外，其實韓國都有唔少動物cafe，今日小編想同大家介紹位於弘大同仁川嘅「Eden Meerkat Friends」，嚟度呢到可以近距離同狐獴、袋鼠、浣熊等接觸，如果大家都鍾意小動物，咁就一定唔可以錯過啦。
撳我睇預約詳情👇🏻
動物咖啡廳「Eden Meerkat Friends」基本資訊 弘大店
- 地址：서울 마포구 와우산로21길20 2F
- 營業時間：13:30-20:00
仁川店
- 地址：인천 남동구 호구포로 219 10F
- 營業時間：
- 星期一至五 13:30-18:00
- 星期六及日 12:00-19:00
動物咖啡廳「Eden Meerkat Friends」仁川店實地探訪
鍾意小動物嘅你一定唔可以錯過位於弘大同仁川都有分店嘅Eden Meerkat Friends，因為呢度有好多稀有小動物，望住佢哋真係好healing。
入到去之後就有唔少動物歡迎大家。
連平時唔多見嘅狐狸都可以喺度見到，沙漠狐身型細小，但係耳仔大，就好似狗仔一樣咁可愛。
浣熊雖然好可愛同溫順，但唔小心可能會俾佢咬，所以大家都要小心。
當然大家都可以同小動物互動，可以為佢哋食嘢，不過最緊要係對佢哋溫柔啲，唔好嚇親佢哋！
動物咖啡廳「Eden Meerkat Friends」弘大店介紹
弘大嘅「Eden Meerkat Friends」位於弘益大學附近嘅一座建築物嘅3樓，如果參觀完學校，都可以順便嚟同小動物互動。
入去之前一定要先除鞋換拖鞋，另外職員會細心同大家講解身上有咩物品一定要放低。
呢度絕對唔可以帶外面食品入嚟，如果大家入到去肚餓，都可以喺度另外買飲品。
弘大店好闊落同乾淨，有好多位可以坐，不過始終都係動物Cafe，難免會有少少味。
入到去嘅時候，就有兩隻小袋鼠行嚟小編身邊，大家可以輕輕咁摸佢哋背脊，工作人員亦會俾零食大家試餵。
呢度有好多款唔同可愛嘅貓，例如簡單嘅握手動作佢哋都識，相當可愛。
呢度嘅獛屬貓相當聰明，佢哋識表演跳遠，會跳落大家嘅膊頭上。
不過唔好彩嘅係小編今次去到，浣熊同狐狸都瞓緊覺，所以今次見唔到佢哋，不過都仲有好多唔同小動物，同佢哋一直互動，真係完全唔知時間係點過嘅。
呢度有3間狐獴房，不過因為佢哋要有足夠嘅休息，每次入場時間大約係10分鐘左右，大家唔可以私自入，要等職員安排好再入去。
入去之前大家一定要除低晒所有首飾，而且千祈唔好帶暖包入去，同時要細心閱讀注意事項。
狐獴真係好可愛，佢哋好鍾意俾人摸肚，興奮起嚟可能會爬上大家膊頭，甚至可能會靜靜地喺大家腳上面瞓覺。因為佢哋對聲音好敏感，講嘢嘅時候要細聲啲，千祈唔好特別捉佢哋，只要坐低，佢哋就會慢慢靠近大家。
如果大家都想接觸啲獨特嘅小動物，不妨之後就嚟Eden Market Friends體驗一吓啦！
動物咖啡廳「Eden Meerkat Friends」前往方法
仁川店：由虎口浦站（호구포역）2號出口出到嚟之後轉右直行1分鐘就會見到世宗大廈（세종프라자），上10樓就係㗎啦！
弘大店：由弘大入口站（홍대입구역）9號出口出嚟，向弘益大學方向行，大約行12分鐘就會到。
撳我預約👇🏻
以上係弘大/仁川動物咖啡廳「Eden Meerkat Friends」嘅介紹，有任何問題請先詳讀呢篇文章。
睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Mail：help@creatrip.com