東大門「emart」介紹（清溪川店）
住東大門區嘅朋友留意！2022最新emart清溪川店介紹喺哂到！買滿3萬可退稅！
Hello，大家好，我哋係由韓國每日提供最新韓國旅行資訊嘅Creatrip。
去韓國行超市，除咗樂天同Homeplus之外，當然唔少得嘅仲有Emart啦！今次小編直接去到東大門附近嘅「emart清溪川店」，呢度比想像中大，如果酒店係喺東大門附近嘅話，都可以食完飯， 返去前嚟呢到睇睇！
東大門「emart」（清溪川店）介紹
- 地址：서울 중구 청계천로 400
- 營業時間：10:00 - 23:00
東大門最近嘅大型超市，就係近新設洞站、東廟一帶嘅emart，佢正正就係喺清溪川附近，相當顯眼，而且有兩層高，入到去都會有排行！
搭扶手電梯落去B2，就會見到有賣生活用品、服飾、日常用品、生鮮食品、零食同雜貨等。
正式入去行之前，最先會見到客服中心（고객만족센터），呢度可以辦理現場退稅、會員點數等相關問題。
只要喺東大門emart消費₩30,000至₩499,999，可以憑收據同護照喺客服中心辦理退稅服務。
近年嚟韓國好流行呢種Meal Kit，而且款式多，韓式、中式、日式等都有，對於成日要OT，冇時間煮飯嘅朋友嚟講，有咗佢哋真係好方便！
鍾意食韓國小菜嘅朋友，超市都一樣多選擇，泡菜更加係超多牌子可以揀。
嚟韓國又點可以唔飲酒？喺餐廳飲唔夠，都可以喺超市買幾支返酒店再啤啤佢！
東大門emart所有產品都擺得好整齊，而且款式多，由最新到經典口味，全部都可以搵到。
雖然香港都有唔少韓國公仔麵賣，不過講到最正宗同好味，一定係喺韓國直接買，另外調味料款式多得嚟價錢仲要平啲！
另外，如果喺超市行到攰，呢度有一間小型餐廳係專食餃子，辣炒年糕等。
去Emart唔可以錯過嘅就係No Brand專區，因為佢哋出名CP值高，好多人嚟到都會掃好幾罐紫薯返去！
除咗食嘅產品之外，No Brand仲有推出一系列日常用品，每款都係又平又好用。
一直繼續行，就會見到有賣一啲小型韓國服飾品牌，同emart自有品牌等等，如果係喺韓國留學，想買啲生活用品，都可以嚟睇吓！
平時要買組合櫃、床等家具，可能要去傢俬鋪先會有，冇諗過清溪川店嘅emart都會有！
就連一啲生活小物、盆栽、或者應節裝飾品都一樣多款式。
emart入面有通往ELECTRO MART嘅入口，呢度主要係賣家電、手機、電腦等電器用品，有需要嘅朋友可以嚟睇吓。
不過要注意：帶返香港嘅時候，會有電壓、換轉插器等問題，建議大家買USB叉電嘅商品會比較好。
呢度有好多充滿設計感嘅家電，可以為居家生活增添質感。
同一般賣場唔同嘅係，東大門emart將文具同玩具擺咗喺ELECTRO MART其中一角，想滿足小朋友，爸爸媽媽就要嚟呢到啦！
由Barbie、玩具車、Board Game等呢度都有！
B1自助取貨服務
東大門emart B1「PIXEL」係一個好神奇嘅地方，呢度有賣好多大包裝零食、公仔麵、生活用品等地方。
另外大家可以喺emart官網，預約去鋪頭拎貨，適合住喺附近、唔想等送貨時間、又懶得行賣場嘅朋友（但目前只有限喺韓國生活嘅人用）。
只要喺網站俾完錢，再揀喺emart清溪川店（이마트 청계천점）拎，去到門口掃QR Code，產品就會透過上方輸送帶將貨物送到嚟，自動化形式真係很特別。
東大門「emart」（清溪川店）前往方法
東廟站3號出口出嚟之後，往後轉左行。
過完馬路之後轉右，直行去到東廟市場。
一路直行。
過完馬路，穿過清溪川。
轉左後直行。
右手邊就係emart清溪川店。
雖然東大門emart地理位置唔算係好方便，但勝在觀光客相對比較少，唔需要擔心缺貨問題，推薦住喺東大門一帶嘅朋友可以去。
如果有更多想知嘅內容，都可以隨時留言或者dm話俾我哋知：）
Instagram：creatrip.hk