代訂 | 首爾泡菜文化體驗館
韓國人每日都食嘅泡菜原來係咁整出嚟嘅？一齊去學整泡菜，體驗韓國傳統文化！
Hello，大家好，我哋係由韓國人每日提供最新韓國旅行資訊嘅Creatrip。
講起韓國嘅嘢食，當然唔少得泡菜（辛奇）啦！大家又有冇諗過可以自己親手整嚟食呢？其實喺首爾就已經有一個「泡菜文化體驗館」可以俾大家去試整泡菜！鍾意煮嘢食，或者鍾意食泡菜嘅朋友，有時間不妨可以去體驗吓~
「首爾泡菜文化體驗館」資訊- 地址：서울시 종로구 계동길 102
- 營業日期：逢星期二休館
「首爾泡菜文化體驗館」推薦理由- 有機會跟有超過10年整泡菜經驗嘅導師學點整呢種韓國人每日都會食嘅小菜，就算係韓國人都未必有試過。
- 透過親身體驗整泡菜，瞭解韓國飲食文化，加深對韓國嘅認識。
- 除咗泡菜，仲可以試食泡菜煎餅，一石二鳥！
「首爾泡菜文化體驗館」價錢一般課程 （需時約1小時~1小時30分鐘） | ₩45,000 |
特別課程 （需時約2小時） | ₩150,000 |
「首爾泡菜文化體驗館」注意事項- 所需時間：一般課程大約需時1小時~1小時30分鐘；特別課程大約需時2小時。
- 必須事先預約方能進行體驗。
- 預約後至體驗3日前可以取消及進行退款。
- 費用唔包括現場加購產品或項目時所需費用。
「首爾泡菜文化體驗館」體驗詳情1. 一般課程- 課程內容：品茶 + 製作泡菜（白菜泡菜 700~900g）+ 試食泡菜煎餅
- 舉辦時間：
星期一 | 09:30 |
星期三 | 09:30、14:00 |
星期四 | 09:30、14:00 |
星期五 | 09:30、14:00 |
星期六 | 09:30、14:00 |
2. 特別課程（泡菜專家培養課程）- 課程內容：品茶 + 製作泡菜（白菜泡菜 700~800g、鮮辣泡菜 300~500g、包肉泡菜 300~400g、青瓜泡菜 約300g、蘿蔔泡菜 約500g）+ 試食泡菜煎餅 + 頒發泡菜文化體驗課程證書
- 舉辦時間：
星期六 | 16:00 |
星期日 | 10:00 |
「首爾泡菜文化體驗館」預約流程STEP 1. | |
STEP 2. | 請詳細輸入所有相關資訊及付款。 |
STEP 3. | 我哋會喺1-2個工作天確認訂單後發送電子憑證俾你。 預約後至體驗3日前可以取消及進行退款，其後恕不受理。 |
STEP 4. | 去到現場向職員出示預約證明即可。 |
「首爾泡菜文化體驗館」介紹
韓國人食飯當然唔少得泡菜！嚟韓國旅行想做啲特別啲嘅嘢，不如嚟「首爾泡菜文化體驗館」親手整韓國傳統泡菜啦！
呢度所有體驗都需要預約，體驗當日去到現場就會發現職員已經幫大家準備好材料同工具，只要洗個手就可以開始整泡菜啦！
著住韓服嘅老師會詳細同大家講解整泡菜嘅方法，雖然主要都會用韓文，但亦都會夾雜英文同日文。大家有需要嘅話可以搵識講英文同日文嘅現場助理幫手，唔需要擔心聽唔明。
整白菜泡菜嘅時候，首先將白蘿蔔切成絲，加入醬料撈勻之後，再將佢搽落白菜度，最後將泡菜包好就可以等佢慢慢發酵。
而參加特別課程（泡菜專家培養課程）嘅朋友們仲會整埋鮮辣泡菜、包肉泡菜 、青瓜泡菜同蘿蔔泡菜，非常多樣化。
職員會幫大家將整好嘅泡菜真空包裝，方便大家帶返屋企食。
整完泡菜之後，大家就可以去試食泡菜煎餅，外脆內軟，非常香口！
小編早前親自去咗「首爾泡菜文化體驗館」學整泡菜，不如跟住小編一齊睇吓實際情況啦！
「首爾泡菜文化體驗館」位於一間傳統韓屋入面，可以喺咁有傳統氣息嘅地方學整泡菜，真係令人好期待啊！
入到韓屋入面，就會見到老師已經準備好曬材料。呢度每次可以容納到20位學生，空間都算大，而且非常企理。
整嘢食除咗味道之外，衛生都非常重要，洗完手就可以正式上堂啦！
首先老師會用5分鐘簡單講吓整泡菜所需要嘅材料同步驟，老師會用英文或者日文講解，大家唔需要擔心聽唔明。老師仲話呢度嘅食材全部都非常新鮮，所以整出嚟嘅泡菜都會特別好味！
聽完講解之後就輪到我哋落手落腳整泡菜啦！
每個人面前都會有一份紅蘿蔔、白蘿蔔同葱，要將紅蘿蔔同白蘿蔔切成絲，而葱就要切成3-5cm咁長。遇到困難或者有問題嘅時候可以舉手叫老師過嚟幫手。
切完之後就可以開始整泡菜嘅靈魂醬料，醃出嚟嘅泡菜好唔好食就視乎呢個醬嘅比例調較得啱唔啱。
首先將韓國蝦醬、鯷魚露、糖、芝麻、辣椒粉、糯米糊同薑各一羹加落頭先切好嘅蔬菜上面，鍾意食辣嘅朋友們最多可以加3羹辣椒粉，可以根據自己口味調較辣度。
戴埋膠手套撈勻佢，醬料就完成啦！
接住落嚟就要將頭先整嘅醬搽落用海鹽醃過嘅大白菜上面，老師話每塊葉都要搽勻循，葉同葉之間都要放滿醬料，醃出嚟嘅效果先會最好。
搽完之後要將泡菜包好，將入面多餘嘅空氣整走，除咗會靚啲之餘仲可以保存得耐啲，發酵效果都會更加好。
咁就整完泡菜啦！全個過程比想像中簡單，相信大家都應該會覺得好玩！
老師會幫大家將整好嘅泡菜放落真空袋，等大家可以帶返屋企。整好嘅泡菜可以即刻食，最耐可以擺3個月，但係過2-3個禮拜之後就會開始有酸味，唔鍾意食太酸嘅泡菜嘅話就要早少少食啦。
整完泡菜之後，仲會有試食泡菜煎餅嘅時間！
老師會好似頭先咁，先簡單介紹吓材料同整法，然後就會親自示範俾大家睇。將泡菜、麵粉同水撈勻之後放落鑊煎，全個過程唔使10分鐘就完成啦！
老師整出嚟嘅泡菜煎餅完全唔辣，點埋豉油仲更加好食添！而呢個課程亦都會喺呢度結束，總共用咗大約1個鐘頭。
泡菜係韓國嘅傳統食物，蘊含韓國歷史。大家可以透過親自體驗整泡菜，加深對韓國飲食文化，乃至於韓國嘅認識。有興趣嘅朋友記住透過我哋輕鬆報名啦！
「首爾泡菜文化體驗館」前往方法
喺安國站（안국역）3號出口行出嚟。
直行之後轉入第一個街口。
然後直行大約600米。
「首爾泡菜文化體驗館」會喺你嘅右手邊。
以上係「首爾泡菜文化體驗館」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
