動物Cafe｜弘大Table A
弘大有個小動物園咖啡廳？嚟到呢度俾小動物圍住超有療癒感？
Hello，大家好，我哋係由韓國人每日提供最新韓國旅行資訊嘅Creatrip。
位於弘大嘅「Table A」係一間動物Cafe，喺呢度可以見到好多溫馴又稀奇嘅動物。如果本身鍾意小動物，不妨之後都可以嚟打卡。今次我哋好有幸地有機會同「Table A」合作，只要係Creatrip會員就可以享有優惠！
弘大「Table A」資訊
- 地址：서울 마포구 와우산로 146 B1,1F,2F,3F,5F
- 營業時間：12:00 - 22:00
弘大「Table A」推薦理由
- 喺市中心都可以同動物互動。
- 喺呢度可以觀察唔同小動物。
- 如果你透過我哋預約，可以平￦3,000，而且入哂所有樓層。
弘大「Table A」價格
價格 | |
| 入場費 | ￦12,000 |
弘大「Table A」 注意事項
- 未滿13歲必須由監護人陪同。
- 預約後至體驗3日前可以更改或取消預約，其後恕不受理。
- 預約當日幾點入場都可以，唔需要揀時間。
- 入場後可以喺呢度停留2小時。
- 如果觸摸浣熊可能會被要求離場，冇管理員嘅情況吓，唔好亂摸動物。
- 如果帶外來食品入場亂餵動物，將會被趕出場，亦不設退款。
- 如果要更改預約，請send email到help@creatrip.com。
弘大「Table A」 預約流程
STEP 1. | |
STEP 2. | 輸入預約相關資料、詳細資訊。 |
STEP 3. |
付款前請再檢查輸入資料正唔正確。 |
STEP 4. |
|
STEP 5. |
|
弘大「Table A」介紹
聽講Table A 除咗可以見到浣熊，仲可以見到可愛嘅貓鼬，所以小編今次就黎一探究竟！小編一直覺得貓鼬係一種好可愛嘅動物，但一直都無親眼見過，所以去之前有啲緊張同陌生。
呢度總共有分5層，每一層樓都可以見到唔同指定嘅小動物。
喺一樓買完入場券就可以周圍走（飲品需要另買）。
原本嚟呢度原價係￦15,000，只要係我哋會員就可以平￦3,000，所以千祈唔好錯過！入場券使用時間限時2小時，大家要注意啦。
喺1樓可以買啲零食餵動物，呢度有賣雞胸肉、杏仁、油條、黃粉蟲同蔬菜等，想吸引小動物，就一定要買返包啦。
入到去就好似去咗一個小森林咁，好多綠色植物，各種小動物都喺度周圍走，甚至仲會聽到水嘅聲音同雀仔歌聲。
當時貓喺度瞓緊超得意 同時仲有2隻溫馴狗仔！
B1
如果已經行完一樓，大家可以再落去地下一樓睇吓唔同小動物。
一落去就見到呢個畫面，大家又估唔估到係咩呢？
答案就係超可愛嘅浣熊啦！
有一條掛咗喺天花板樓梯，方便佢哋行嚟行去。
提提大家：千祈唔好亂掂佢哋，如果唔係有可能被趕出場。
如果見到浣熊向大家伸手，即係想大家餵佢哋，大家可以喺現場另外再買啲小食。
另外同一層仲可以見到土撥鼠、兔仔、馬騮等可愛小動物，見到都令人心動。
望住佢哋心情都特別好。
之後如果想去二樓，可以先出cafe，行入隔離大廈。
2F
大家可以揀行樓梯或搭Lift，二樓有好多貓、兩棲類動物同爬行類動物。
大家可以喺度同爬蟲類動物近距離接觸，週末體驗時間為13:00、14:30、16:00、17:30、19:00、20:30，平日係彈性時間。
大家可以將蜥蜴放喺手上，或者將圍喺頸同佢哋互動，佢哋都好靜，大人同小朋友都好易親近，機會難得，大家都可以趁呢個時候好好了解動物生態同個性。
3F
3樓有貓、貓鼬、雪貂等稀有動物，同時仲有檯俾大家可以喺度飲咖啡。
呢隻小動物食緊嘢嘅時候，咁啱同小編對望，超可愛！
呢隻大理石狐狸雙眼超靚，令人忍唔住想望多幾眼。
可能因為小編當日去有啲凍，見到貓鼬圍埋一齊喺燈底下取暖。
5F
5樓係新開嘅地方，裝修到好似去咗森林咁，呢層冇單獨飼養員，大家可以喺度同貓玩，打卡、飲咖啡同放鬆身心。
大家可以坐喺度影返張相。
貓喺透明玻璃房入面，大家可以細力啲打開門入去同佢哋玩，千祈唔好俾佢哋走出去。
小編去嘅時候咁啱全部都瞓緊教，超可愛！
呢兩隻貓就好似雙胞胎咁痴埋一齊，佢哋全部都好乖，大家只要小心唔好掂到佢哋條尾就可以。
能夠可以同到咁多小動物一齊玩真係好幸福，如果大家之後嚟韓國都想有個特別體驗，不妨嚟「Table A」啦！
弘大「Table A」前往方法
弘大入口站6號出口出嚟。
沿住京義線公園往前直行。
見到右邊少女雕像，上完樓梯之後轉右。
喺大街直行大約10分鐘左右，就會見到Table A喺左手邊。
以上係弘大動物Cafe「Table A」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示口唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com