明洞/弘大戒指DIY｜戒指大學
同另一半飛韓國想有一個難忘體驗？不如就去戒指大學整返整獨一無二嘅戒指啦！
Hello，大家好，我哋係由韓國人每日提供最新韓國旅行資訊嘅Creatrip。
同另一半飛韓國，想有一個難忘回憶，有冇諗過去DIY整戒指呢？今日想同大家介紹呢間「戒指大學」喺明洞同弘大都有分店，只要係我哋會員仲有優惠價，唔想錯過就要繼續睇落去啦！明洞/弘大「戒指大學」資訊
明洞店
- 地址：서울 중구 명동2길 52 4F
- 營業時間：10:30 - 21:00（星期三休息）
弘大店
- 地址：서울 마포구 잔다리로 7 4F
- 營業時間：10:30 - 21:00
明洞/弘大「戒指大學」推薦理由
- 戒指大學喺明洞同弘大都有分店，所有戒指都係99.99%純銀，嚟呢度可以整返一隻獨一無二嘅戒指，同另一半或者朋友去都好唔錯。
- 呢度嘅職員會好仔細咁教大家點整，好易理解，就算係初學者都唔需要擔心。
明洞/弘大「戒指大學」價格（預約）
2.5mm | ₩36,000 |
明洞/弘大「戒指大學」價格（現場付款）
改變戒指寬度 | 3.8mm | ₩45,000 |
4.5mm | ||
7mm | ₩54,000 | |
現場加購項目 | 刻字 | ₩5,000 |
加水晶 | ₩10,000 | |
加誕生石 | ₩20,000 | |
加鑽石 | ₩30,000 |
明洞/弘大「戒指大學」注意事項
- 請最少喺2日前完成預約。
- 預約後至體驗3日前可以更改或取消預約。
- 想改變戒指寬度同加購其他項目，請喺現場補差額。
- 現場有識英文嘅職員為大家講解，就算係初學者都唔怕聽唔明。
- 關於點整戒指，現場會有說明書（有中文/日文/英文）。
- 請務必遵守預約時間，如果遲到超過10分鐘，將被自動取消，而且不設退款。
- 想更改預約或有任何疑問，請send email到 help@creatrip.com。
明洞/弘大「戒指大學」預約流程
明洞/弘大「戒指大學」介紹
戒指大學 明洞店
戒指大學 弘大店
戒指大學喺韓國相當出名，佢哋用嘅係99.99%高純度純銀製戒指，唔少嚟韓國旅行嘅情侶都會喺度整返隻。
除咗同另一半或者朋友嚟之外，就算自己一個嚟整都冇問題。
職員會好細心咁教大家點整，雖然唔識中文，但都可以用簡單英文溝通，所以初學者嚟到都大可以放心。
加上呢度仲有附上中文說明書，大家都可以跟住步驟去整。
當睇緊說明書嘅時候，職員會向大家show戒指款，決定好之後就可以填表，整咩圖案、要唔要加字、加唔加誕生石等，如果去到想改戒指寬度或加字/石等，可以去到現場補返錢就得。
之後就會測量手指圍同整好寬度。
將戒指整成圓形嘅時候因為會用到火，太危險，所以職員會幫大家，唔需要自己整。
整到圓形之後，就要用一支鐵棍打到啱size，之後用砂紙打磨，令到戒指再光滑啲。
最後如果想再光啲，可以再用機器磨吓！
如果有加字或者鑽石，呢個過程會由職員幫手，額外費用喺現場俾就可以。
世界上獨一無二嘅戒指就咁完成啦！
難得嘅體驗，嚟韓國有機會真係要試吓！
自己整比出面買到嘅更加有意義。
戒指大學除咗戒指工坊之外，戒指大學仲連埋Cafe，可以用超平價錢飲到咖啡。
戒指大學「明洞店」前往方法
明洞站5號出口出嚟行50m，見到CU便利店之後轉右，就會見到戒指大學喺營養中心（영양센타）大廈4樓。
戒指大學「弘大店」前往方法
弘大站9號出口出嚟之後搵KT&G想像廣場（ KT&G 상상마당）轉左，行前少少右邊就會見到戒指大學。
以上係明洞/弘大「戒指大學」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
