弘大戒指DIY｜戒指咖啡廳

Hello，大家好，我哋係由韓國人每日提供最新韓國旅行資訊嘅Creatrip。

如果之後會同另一半一齊飛嚟韓國玩，會唔會都想留返一個特別美好回憶呢？小編超推薦大家可以去DIY整返一隻屬於兩個人獨一無二嘅戒指！有興趣嘅朋友就繼續睇落去啦！

弘大「戒指咖啡廳」資訊

• 地址：서울 마포구 잔다리로6길 40-6 3F
• 營業時間：11:00 - 21:00（最後入場體驗時間為19:00）

弘大「戒指咖啡廳」 推薦理由

• 如果每一次飛韓國都只係去Cafe同Shopping，想試吓搞搞新意思，可以嚟弘大體驗特別戒指DIY。
• 弘大「戒指咖啡廳」喺韓國超出名，平日都有唔少情侶去整戀人之間獨一無二嘅戒指。
• 職員好親切，會好仔細咁教大家點整。
• 戒指價格偏高係因為佢哋用「銀」，絕對唔係平價貨。

弘大「戒指咖啡廳」 價錢

弘大「戒指咖啡廳」 額外費用

刻字（白色）	₩5,000
刻字（黑色）	₩15,000
鑲鑽	₩10,000
誕生石	₩15,000
鍍金	₩15,000

除咗鍍金之外，其他選項需要多等大約1個小時。
鍍金唔可以當日拎，需要喺製作完嘅下星期一晏晝3點之後上門拎。

弘大「戒指咖啡廳」 注意事項

• 請最少喺2日前完成預約。
• 喺網上完成付款，預約先算成功。
• 現場以英文教學，就算係新手都好易跟到。
• 如果想更改預約或取消，請喺去之前3日完成。
• 價錢已包教材費用。
• 其他特別要求，請喺現場自費。
• 請準時到達現場，如果遲到恕不設退款。
• 想追加人數請另外預約及付款。
• 鍍金唔可以當日拎，需要喺製作完嘅下星期一晏晝3點之後上門拎。

弘大「戒指咖啡廳」 預約流程

• 撳我預約。
• 輸入預約相關資料、詳細資訊。
• 需事先支付所有費用。
• 我哋會喺1-3個工作天內確認訂單。
• 付款前要更改，重新預約即可。
• 完成付款之後，想睇預約紀錄可以撳我。
• 退款及更改期限係預約日三日前。
• 請準時到達進行體驗。

弘大「戒指咖啡廳」 介紹

今日要介紹嘅呢間戒指咖啡廳位於弘大，要去嘅話相當方便，當時小編已經避開高峰時段，但都要等一陣先有位，唔少情侶都喺度整緊戒指。

坐底之後就會有一位職員嚟幫忙，老闆整咗一本書係講解整戒指嘅流程，有中英翻譯，大家一定會睇得明。

睇緊嘅同時，職員會show啲戒指款俾大家睇，因為款式多，大家可以慢慢揀。揀完之後就決定整咩圖案，要唔要刻字、需唔需要加特殊生日石等，都可以寫喺Order Form上面，然後測量手指圍。

大部分女性都會揀2.5mm同3.8mm嘅戒指，不過如果想要闊身啲可以揀5mm！小編最後揀咗2.5mm嘅戒指！

測量手指圍方法

如果想刻字但又唔知寫咩好？可以參考以下呢本小冊子，裡面有好多句子俾大家參考。

首先要將戒指做成圓形，呢個過程因為需要用到火，比較危險，所以會由職員幫手，而其他相對簡單嘅步驟會由客人自己整。

戒指整到圓形之後就要將佢磨成同自己手指圍大小一樣，將戒指放入指環鐵棒，然後用槌慢慢打到啱Size。

提提大家：可以先將指環鐵棒用個肚頂住嚟打，如果支棒唔固定嘅話會對膊頭同頸造成唔少負擔。

職員一開始幫大家度完size之後會喺指環鐵棒畫一條線，打到啱啱好喺條線上就得啦！

打嘅時間要不斷轉，唔好只打一個位，如果唔係厚度會唔平均。

為咗戒指睇落更加平滑，我哋需要將佢放喺磨砂紙上磨。

當然除咗外面要睇落靚之外，裏面都好重要，記得要順便磨埋！

戒指上光過程又叫做「Hand Piece」，要做埋呢個步驟戒指先會睇落閃閃發光。

上光係用機器輕輕地喺戒指表面上磨，不過要注意戒指裏面唔好磨太多，一個唔小心戒指size可能會變大！

上完光之後就可以刻字，刻字會用機器去整。

要唔要刻字或者鑲鑽、加唔加生日石都係喺現場另外加同俾錢，大家可以到時再考慮。

比起喺出面買戒指，小編個人覺得自己整返一隻都係唔錯嘅體驗！

之後嚟韓國快啲拖住另一半去整返隻屬於兩人嘅戒指啦！

弘大「戒指咖啡廳」前往方法

弘大入口站9號出口行大約8分鐘。

弘大戒指咖啡廳｜撳我預約

網上付款Q&A

以上係弘大「戒指咖啡廳」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com