南韓史上重大災難

Hello，大家好，我哋係由韓國人每日提供最新韓國旅行資訊嘅Creatrip。

今日要同大家討論嘅韓國文化題材，可能會比較沉重，小編要嚟同大家講下韓國歷史上出現過嘅重大意外，希望呢啲事年可以成為前車之鑑，唔會再發生。

韓國重大災難

1. 利川物流倉庫大火

• 2020年4月29號
• 38人罹難

來源：NEWSIS

2020年4月喺京畿道利川市發生嘅物流倉庫大火，震撼全南韓，導致38人罹難、10人負傷，係南韓近期最大嘅意外，呢單大火令人諗起2008年，同樣位於利川嘅冷凍倉庫火災案件，當時造成40人死亡。

來源：연합뉴스

呢幢建築物因為仲未完工，入面冇任何灑水器等消防設施，懷疑喺地下施工嗰陣，油氣濃度過高，使用焊接器材個陣引發爆炸，釀成呢單慘案，肇事原因同12年前嘅利川冷凍倉庫大火一樣，係人為疏失定係意外，答案相當清楚。

2. 世越號

• 2014年4月16號
• 304人罹難、5人失蹤

중앙일보

最令人無法忘記嘅韓國重大災難，一定係8年前滿載檀園高中畢業生嘅世越號船難事件，當時多數人選擇聽船長嘅話，留喺慢慢沉沒嘅船艙入面，最後不幸溺斃。

事件牽扯到總統層級，好多人批評政府應變失能，同而家仲未解釋到嘅儀式說，引爆背後嘅閨蜜門同貪汙案，時任總統朴槿惠遭大法官彈劾入獄。不過再點補償，都補唔番三百幾條無辜嘅生命，令更多人開始正視韓國喺大型公共安全上嘅意外。

3. 新型冠狀肺炎

• 2020年1月20號至今

新冠狀肺炎1月20號喺韓國出現首單病例之後，到2月尾開始，新天地教會內嘅大量傳染個案，造成全韓國人心惶惶。

  新冠肺炎最新消息

연합뉴스

即使政府積極、大量咁隔離同篩檢懷疑感染者，好多人批評時任文在寅政府未做好應對，例如未即時禁止中國人入境、未能即時訂定口罩出口法案，令韓國疫情爆發，市民抗疫物資不足……隨住疫情越拖越長。

4. 三豐百貨店倒塌

• 1995年6月29號
• 502人罹難

位於首爾江南附近嘅三豐百貨店，原本只係用嚟做辦公大樓，但臨時更改做百貨公司，忽略建築結構問題，某一日營業期間，成幢建築物倒塌。直到2013年前，三豐大樓倒塌事件仍然係全世界最嚴重嘅建築物自行倒塌意外。

呢次重大嘅災難令超過五百條生命離世，韓國政府事後對全國建築進行嚴格檢查，發現需要拆除、重建嘅建築物竟然佔咗七分之一，需要維修嘅建築物佔咗大部份，只有2%建築物安全，唔需要維修。

5. 聖水大橋坍塌

• 1994年10月21號
• 32人罹難

SBS

因為建造商偷工減料，加上聖水大橋金屬疲乏，令橋面倒塌，當時行經呢度嘅車輛墜落，其中有32個韓國人不幸罹難。消息一出，震驚全國，時任總統金泳三即刻解除當時仍叫做漢城嘅首爾市長職務。

6. MERS

• 2015年
• 186例確診、38例病逝

VOACHINESE

幾年前嘅MERS（中東呼吸道症候群）疫情更得人驚，當時朴槿惠政府應變失能、封鎖疫情，韓國人當時未對呢類傳染疾病警惕，令韓國成為中東以外疫情感染嚴重嘅國家。

머니투데이

或者有人話韓國經歷過MERS，點解新冠肺炎仲會有大規模感染？其實正正因為韓國有過MERS風暴，今次面對先可以咁快速、誠實。

  韓國人嘅衛生概念

7. 大邱氣爆

• 1995年4月28號
• 102人罹難

포토뉴스

大邱地鐵1號線施工嗰陣，工人唔小心破壞供應市區氣體嘅喉管，引發氣爆，102條生命罹難。當中嶺南中學嘅師生就佔咗42位。

8. 大邱地鐵縱火事件

• 2003年2月18號
• 192人罹難

唔夠20年前，大邱發生過一單地鐵縱火案，當時被縱火嘅列車好快就將月台燒成一片火海，而另一個方向駛嚟嘅列車，又正正停喺月台，令兩班地鐵一齊陷入火海。但係，車長竟然開廣播叫乘客留喺車上，然後自己帶走列車鎖匙逃生。

兩班列車嘅車廂喺一片火海入面化為灰燼，無助嘅乘客被困喺車廂入面，釀成呢單東亞運輸史上重大嘅悲劇。

9. 利川冷凍倉庫爆炸

• 2008年1月7號
• 40人罹難

SINA

十幾年前嘅利川冷凍工廠爆炸，都係一單韓國重大意外，當時嘅火花點燃現場嘅化學藥劑，產生連環爆炸，在場嘅工人幾乎冇逃生嘅機會。40個罹難者入面，超過10個係中國籍嘅工人。

SINA

10. 密陽世宗醫院大火

• 2018年1月26號
• 37人罹難

美聯社

2018年初嘅密陽醫院大火，一樓急症室先出現火勢，迅速蔓延成棟醫院大樓，火災雖然喺兩個鐘後受控，但就造成37個人罹難。據成功逃出嘅人話，現場逃生、滅火設備幾乎無效……

美聯社

發生呢單火警嘅前一個月，堤川健身房先奪走29條人命，究竟南韓官員有冇重視韓國公共安全，定只係政治口號呢？

11. 結論

由上述呢啲韓國近三十年來發生嘅重大公安災難，都可以發現災難嘅主要原因，先會造成咁嚴重嘅意外。

一、上位者權威

上位者唔一定係指輩分概念，而係一啲帶領群眾嘅人，可以係司機先生、船長先生、院長、醫生。

不論係世越號、大邱地鐵，甚至係醫院大火，都彰顯到人性遇到災難個陣嘅自私同混亂。

如果世越號船長有叫學生跳海逃生
如果大邱地鐵嘅車長有打開車門

⋯⋯

二、危機意識不足

不論係MERS，定係而家嘅肺炎疫情，甚至其他公安意外，唔少都係因為市民危機意識不足。

如果新天地教會喺疫情初期就意識到群聚、個人疾病可能影響到其他人嘅話，或者韓國嘅疫情唔會好似而家咁嚴重。

三、速度同經濟

漢江奇蹟之後，韓國經濟體系日漸發展、茁壯，所以好多人都一心諗住要成功，而且唔係只要成功，更要比其他人快。

結果往往會忽略最重要嘅細節，以致意外發生。

如果當年聖水大橋同三豐百貨施工個陣更嚴謹，或許呢一切唔會發生。

現任政府對於肺炎嘅努力，我哋應該給予支持。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購