釜山「甘川文化村」介紹
甘川文化村最熱門景點等你嚟發現！等疫情好轉快啲嚟打卡啦！
Hello，大家好，我哋係由韓國人每日提供最新韓國旅行資訊嘅Creatrip。
甘川文化村係去釜山必去嘅地方，好多韓國電影同電視劇，甚至綜藝，都在喺呢度取景。 如果大家計劃去釜山旅行，一定要將甘川文化村編入行程啊！
釜山「甘川洞文化村」介紹
甘川洞文化村(감천동 문화 마을)
地址：부산 사하구 감천동 10-13
小Tips：由釜山地鐵1號線土城站（토성역）6號出口出嚟之後，沿住醫院嗰邊轉右，搭小巴서구2、서구2-2、사하구1-1，喺甘川洞文化村落車就到。
甘川文化村歷史
甘川洞位於韓國南部，朝鮮戰爭嘅逃亡者喺甘川村建立咗一個城鎮。 直到今日，甘川文化村仍然比較偏僻，唔算發達。
0.jpg)
1990年之後，經過政府同民間團體嘅努力，將啲屋油上唔同顏色，變成一個好有藝術感嘅地方，令甘川成為韓國最靚嘅旅遊勝地之一。 嚟到仲可以睇到呢度留底嘅歷史痕跡。 不過就算佢外表變得好靚、好光鮮，呢度仍然係釜山最貧困嘅地區之一。
甘川文化村景點
1. BTS 柾國 & 智旻壁畫
呢度係甘川文化村新登場嘅熱點，畫上BTS 柾國同智旻嘅牆，身為A.R.M.Y嘅你，一定唔可以錯過！
望住佢哋兩個，真好似係喺漫畫跳出嚟咁！漫撕男無誤！
由甘川文化村正門，繼續直行大約5分鐘，左手邊就會見到呢道牆！ 嚟到一定要打卡啊！
2. I Gamcheon
經過頭先2位BTS成員嘅牆之後，繼續行就會見到您呢個「 I Gamcheon 」嘅logo座標。 一場嚟到，當係要打返張「到此一遊」嘅卡啦！
3. 小王子與狐狸
呢個小王子同狐狸熟悉嘅背影係甘川洞最具代表性嘅景點之一，只要大家up佢哋兩個張相，其他人都會知道大家嚟咗甘川村，喺呢度可以飽覽釜山風景同好靚嘅海景。
不過呢個打卡位實在太紅，個個嚟到都同呢個地標影相，排晒長龍 ，大家都要有定心理準備啊！
4. Little Planet cafe庭院
小王子與狐狸雕像嘅左邊，就有一間cafe 叫「Little planet」，喺呢度可以睇到晒甘川文化村嘅全景。
大家可以用甘川文化村嘅特色--七彩繽紛嘅小屋做背景影相，不過小編嚟嘅時候天氣唔係咁好，所以影出嚟啲顏色唔係咁靚
5. 禮品店及燈塔
呢兩個打卡位都係喺小王子同狐狸嘅附近，緊係要去埋啦！
去紀念品店睇睇先啦！呢度有個好似相框嘅窗，欣賞到甘川文化村啲可愛屋仔之餘，仲可以用嚟當背景拍照！ 係咪好靚呢？
出去外面影又有另一個感覺！
跟住嚟到格離嘅燈塔！ 睇吓呢度，係咪好似一幅好有詩意嘅畫呢？
大家可以學小編，坐係窗邊擺pose影相㗎
6. 巨型黑板
呢個巨型黑板上面寫住唔同語言嘅「我愛你」，係買紀念品嘅甘川文化驛最有代表性嘅地方！
情侶必影位啊！就算單身都唔驚！一樣咁靚 仲有張櫈仔坐住影相添！
7. 彩虹樓梯
經過巨型黑板之後，就會嚟到呢條彩虹樓梯，亦都係甘川文化村嘅打卡熱點之一。
8. 巨型木魚
呢個壁畫由木造嘅魚仔砌成，係好出名嘅打卡位，如果想影到晒成條魚，就要避開多人嘅時間啦！
9. 紅藍水靴
巨型木魚嘅對面，有條巷仔，路牌寫住 Gammae 1-ro 243beon-gil ，沿住行落去，就會搵到紅藍色水靴。
仲有個畫框喺後面裝飾，影出嚟嘅相都幾特別！
10. Art Space Project Busan
呢度其實係一間普通嘅紀念品商店，但有個用唔同裝飾品設計而成嘅影相區！(仲有一隻好熱情但有啲調皮嘅狗)
塊鏡上面寫住：「呢度係所有人都免費入場，一個超正嘅影相區」，小編都影咗好多相，大家覺得點呢？
11. 融為一體影相區 (하나되기포토존)
呢度係釜山甘川洞視野最好嘅地方之一，有幾塊人形木板，畫咗嗰個位置嘅景色，就好似人同景融為一體咁，好特別！
12. 人面鳥
位於甘川洞入口附近嘅mira mira，屋頂上有十幾隻望住好得人驚嘅人面鳥，企住屋企向下望，仔細睇真係有點心寒......
13. 「天空之脊」 展望台
可以企係高高嘅展望台欣賞甘川洞村嘅美景，仲可以睇到釜山港、甘川港同龍頭寺。 另一邊仲有一個紅色大郵筒、一個黃色細郵筒！
一個係普通郵箱，另一個係一年後先會寄出嘅。 一年後收返自己嘅郵件？諗落係咪覺得好正呢？大家嚟到呢度，又會想寫啲咩俾一年後嘅朋友呢？不過呢兩個筒都係裝飾用，要寄嘅話就要用格離張枱嘅寄postcard服務。
甘川文化村餐廳/cafe
1. 甘內咖啡 (감내카페)
地址：부산 사하구 감내2로 177
「甘內咖啡」位於天空之脊展望台附近 ，係一間將廢棄咗嘅屋改造而成嘅cafe，提供咖啡、果汁、傳統茶類、餅乾等等。呢間cafe收入會用喺居民福利事務，同埋當地保護事務上面。如果天氣好，喺室外吹住風飲住嘢飲，都好enjoy！
2. VODA VOM（보다봄）
地址：부산 사하구 감내2로 138
VODA VOM位於甘川洞小王子雕像附近。大家呢度嘅話，一定要坐在喺窗台旁邊，可以望到窗外壁畫村的嘅靚景，一樓嘅空間好大，坐喺度休息、傾偈都好舒服。上去rooftop仲可以喺眺望成個村落嘅風景，感覺更加好！
3. CAFE AVANT GARDE (카페아방가르드)
地址：부산 사하구 옥천로 121
呢間cafe位於甘川文化村入口附近，空間超大，唔怕冇位坐！
坐喺室外仲可以欣賞到甘川文化村的景色。一邊嘆咖啡，一邊睇靚景同休息，真係好爽！
4. 甘內拌飯 (감내비빔밥)
地址： 부산 사하구 감천동 2-367
喺文化村行咗一圈，個肚開始打鼓，想簡簡單單食一餐，小編推薦呢間！價錢平，可以揀四種小菜嚟整一碗超有份量嘅拌飯，或者加埋其他小吃，望住甘川洞嘅風景食飯，幾寫意！
5. The Plate (더플레이트)
地址：부산 사하구 감내2로 113
營業時間：每日 10:00 - 18:30
The Plate係一間英式餐廳，亦都係甘川文化村為數不多嘅西餐廳。 如果想食西餐、早午餐，呢間都好唔錯！
呢度有漢堡包、pasta、早午餐等等可以揀，價錢都算合理。如果係我哋creatrip會員，撳入以下link，仲有9折添！
6. 甘川麵包店 (감천제빵소)
地址：부산 사하구 감내2로 145
呢間麵包店有唔同款式嘅麵包、蛋糕，人氣最高嘅係圓形月餅 (2,000 won/ 約HKD14)，可以單買1個，又或者買一盒送禮！
呢隻係麵包店嘅代表人物(?)，睇吓佢個樣，幾得戚！
甘川文化村租韓服
1. 韓服的家
地址：부산 사하구 옥천로 115
營業時間：10:00 - 19:00
租借費用 | |
韓服 | |
1個鐘 | ₩ 10,800 |
1.5個鐘 | ₩ 13,500 |
2 個鐘 | ₩ 16,000 |
校服 | |
2個鐘 | ₩ 9,000 |
「韓服的家」係甘川洞好出名嘅韓服出租舖頭。 如果唔想著韓服，都可以揀校服！
呢度一樓係cafe，如果喺呢度租咗衫，仲可以有7折優惠享用呢度嘅cafe，喺呢度睇日落都好正㗎！
2. 哲秀與英熙
地址：부산 사하구 옥천로 127 2F)
營業時間：10:00 - 19:00
租借費用價錢 | ||
韓服 | ||
Người lớn | Trẻ em | |
1個鐘 | ₩ 10,800 | ₩ 9,000 |
1.5個鐘 | ₩ 14,400 | ₩ 13,500 |
2個鐘 | ₩ 19,800 | ₩ 18,000 |
全日 | ₩ 36,000 | ₩ 36,000 |
校服 | ||
1個鐘 | ₩ 6,000 | ₩ 5,000 |
1.5個鐘 | ₩ 9,000 | ₩ 8,100 |
2個鐘 | ₩ 12,600 | ₩ 10,800 |
「哲秀與英熙」嘅韓服同校服出名多款，有近200套校服可以揀，總有一套啱你心水。
大家都可以著住靚靚嘅韓國，或者校服嚟影相留念！
甘川文化村紀念品店
1. SOUVENIR SHOP (아기자기 체험장)
地址：부산 사하구 감내2로 182
舖頭入面充滿住五顏六色嘅屋仔，一睇就知係甘川洞紀念品，好靚又可愛，得呢度有㗎咋！鍾意嘅仲可以現場報名彩繪班，畫一個屬於自己嘅甘川洞文化村。
2. 月屋 (달집)
地址：부산 사하구 감내2로 184
月屋係一間買到好靚、好特別postcard嘅舖頭，仲有寄出服務。提提你！喺韓國唔係成日見到郵筒，郵票都好難買到，所以最好喺度即刻寫，即刻寄！
3. MINI BUSAN（미니부산）
地址：부산 사하구 감내2로 178
MINI BUSAN係專賣可愛風嘅啫喱蠟燭，每支蠟燭都有自己嘅特點，唯一唔變嘅係大海元素。 如果買又靚又特別嘅手信，小編推薦MINI Busan。
4. 移動的照片商店
地址：부산 사하구 감내2로 170-1
如果唔想買千篇一律嘅手信，想留下真係屬於自己嘅紀念，就要嚟呢間「移動的照片商店」啦！可以製作屬於自己嘅書仔！
企係設定背景前面，用八秒嘅時間，就可以影出一本專屬於自己嘅書仔，無論係朋友、情人定家人，都一定可以做出超特別嘅手信。
5. 甘川文化驛
地址：부산 사하구 감내2로 115 
呢度就係上面提過彩虹樓梯隔離，有個巨型黑板嗰度嘅甘川文化驛，賣好多韓風嘅飾物。
仲有好多好靚嘅postcard，而且好平，1000won 1張，揀多幾張都唔怕！
其他景點
除咗以上介紹過嘅地方，仲有好多值得好得意、好有特色嘅小角落，真係要親身嚟到先可以感受得到！
甘川村嘅獨特之處就係周國都可以見到壁畫。就算過咗一段時間，有經歷歲月嘅痕跡，但仍然睇落好靚
以上就係今次小編親身去完釜山甘川文化村，覺得值得推薦俾大家嘅景點，希望大家計劃去釜山玩嘅行程啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk