SNS熱門Cafe
韓妹歐巴嘅打於相都喺呢到影！弘大、梨泰院、首爾站SNS熱門Cafe推薦
Hello，大家好，我哋係由韓國人話你知每日最新韓國資訊嘅Creatrip。
＃首爾＃咖啡廳
＃Instagram＃打卡點
＃IG打卡＃弘大＃梨泰院
相信現今社會，好多人都好依賴社交媒體，
想搵啲咩或者買啲咩，只要上網撳個掣就搵得到。
就連韓國人，佢哋有時想搵間有feel嘅Cafe，都會喺IG打「地區名Cafe」去搵。
今日要同大家介紹一啲嚟首爾旅行絕對唔可以錯過嘅「韓國SNS熱門Cafe」！
今日小編就幫大家整理咗一啲超啱喺IG打卡嘅熱門首爾Cafe，
想了解更多就繼續睇落去啦！
IG打卡熱點首爾咖啡廳：弘大商圈
弘大商圈範圍其實唔止得弘大入口站，成個商圈延伸範圍仲可以去到上水、合井等地區。
呢幾個地方係好多SNS熱門Cafe嘅集中地，就算每日去都會去唔哂！
弘大IG熱門咖啡廳：Lovin'Her（러빈허）
✨首爾的 No.1 花咖啡廳
- 地址：서울 마포구 동교동 신촌로6길 22
- 時間：每天10:30至20:00
- 優惠：會員消費可享全單9折優惠
位於弘大入口站6號出口前嘅Lovin'Her (러빈허)，係一間以花聞名嘅Cafe。
成間Cafe都以花做主題，每叫一杯飲品，老闆都會再配一朵花喺隔離比大家影相。
喺Instagram上打 #러빈허 ，就會見到好多同花有關嘅佈景及甜品㗎啦～
試問又有邊個女仔可以抵擋到花嘅魅力？XD
無論同朋友定男朋友嚟，都會覺得好浪漫～
加上呢間鋪係喺弘大，藝韓國當地人同外國人嚟講都好方便，所以吸引咗佢哋嚟打卡～
呢間Cafe最出名嘅飲品就係花花Latte、士多啤梨沙冰同花蛋糕。
唔係得個樣㗎～ 飲品同蛋糕都好好食！
每個餐點上面都會有花嘅裝飾，而且大家仲可以喺充滿花嘅背景前面影相打卡～
影完放上IG，一定呃到勁多Like XD
弘大IG熱門咖啡廳：Beam Balm（빔밤）
✨碌開IG嘅都一定至少見過一次嘅靚靚Cafe
- 地址：서울 마포구 와우산로 21 2F
- 時間：週二至週日12:00至22:00 （週一公休）
- 優惠：會員消費可享全單95折優惠
如果大家好鍾意玩IG，又有Follow開韓妹IG嘅話，一定會見過呢個背景～
呢間亦係位於弘大附近嘅SNS熱門Cafe：Beam Balm
呢到有個超有feel嘅投射背景，除咗彩紅同星空，仲有樸素嘅藍天白雲～
想影下意境相嘅朋友仔，嚟呢到就無錯啦！
Beam Balm位於弘大附近嘅上水站，係一間以投影為背景嘅IG熱門Cafe～
Beam Balm人氣非常高，而我哋都好幸運咁可以同到佢哋合作！
呢度背景嘅豪華佈置，星空、雲海、藍天⋯⋯
影出嚟好似拍緊電影海報咁，無論點影都可以影到好有feel～
呢度嘅飲品都唔錯㗎～ 小編推薦大家可以叫維也納咖啡、西柚汽水、棉花糖熱朱古力、橙Latte等等
淨係叫呢啲飲品就已經可以影到IG呃Like相㗎啦！
大家不妨喺IG打 ＃빔밤 ，可以參考下韓國人係點影～
弘大IG熱門咖啡廳：Bloom Story（블룸스토리）
✨艷麗花朵成熟風；以紅色玫瑰聞名嘅花Cafe
- 地址：서울특별시 마포구 동교로46길 42-20 2F
- 時間：每天12:00至22:00
- 優惠：消費滿額可享9折優惠
同樣以花為題既Cafe，但就有唔同既風格
大家可以係IG搵 #블룸스토리
店入面都擺滿紅色玫瑰同白色玫瑰，無論係邊個角落都可以影出網美照
Bloom Story用咗好多玫瑰藤蔓、綠色植物同燈飾裝修而成～
嚟到呢到好似去咗一個花園咁，有種好似做咗公主嘅感覺。
除咗店入面嘅氣氛好之外，甜品都好好食！
睇落全部細細件，但其實食完都幾飽架㗎！
弘大IG熱門咖啡廳：19號房（19호실）
✨濃濃嘅歐美電影風格，平日都好多人去嘅IG打卡熱點
- 地址：서울 마포구 와우산로15길 15
- 時間：週一至週六13:00至22:00；週日13:00至21:00
- 優惠：消費滿額送一杯美式咖啡
文青嘅你就一定會鍾意呢間Cafe！
IG打 #19호실 都可以搵到呢啲相㗎～
呢到無論裝修定燈光，都令19號房成為熱門地標之一。
呢度嘅餐點精緻到好似歐風古典下午茶咁～
擺番個Pose加埋本書，就可以扮下文青啦XD
2樓仲有一個獨立空間，好適合同朋友喺呢度過一個晏就～
小編建議大家，如果嚟到19號房，第一件事可以先去2樓睇下有無位，
呢個位係小編嘅最愛XD
一樓有一張寬闊嘅原木枱，仲有採光好好嘅落地玻璃，而且仲用咗蕾絲窗簾做背景。
無論喺1樓定2樓，大家都可以影到靚相！
平日晏就去嘅時候都會有好多人，
如果想坐到好位嘅話，建議喺啱啱開鋪嘅時候去會比較好～
IG打卡熱點首爾咖啡廳：梨泰院
2018年嘅韓國地標統計入面，梨泰院喺打卡地區第一名！
因為呢度隱藏咗好多韓國人超鍾意嘅打卡熱點，小編亦揀咗幾間梨泰院人氣打卡Cafe！
梨泰院IG熱門咖啡廳：One In A Million（원인어밀리언）
✨有好食又好睇嘅甜品既梨泰院Cafe
- 地址：서울 용산구 이태원로54길 31
- 時間：每天11:00至22:00
- 優惠：會員享特定menu 9折優惠
One In A Million嘅內外都非常好影，除咗影到靚相之外～
呢到嘅咖啡同甜品都唔錯㗎！
同時亦有好多韓劇同廣告喺呢度取過景～
只要打 #원인어밀리언 ，就可以睇到好多靚照㗎啦！
呢到每一個角落都好好影，如果咁啱有太陽光照到鋪頭入面～
影出嚟嘅相會更加靚添㗎！
One In A Million最出名嘅係白雪Tiramisu～
Tiramisu上面個層cream好好食！唔會好膩！
梨泰院IG熱門咖啡廳：C. Through（씨스루）
✨神一般嘅拉花技術，仲有靚仔歐巴～
- 地址：서울 용산구 녹사평대로40나길 37
- 時間：12:00至22:00
- 優惠：消費可享9折優惠
喺IG打 #씨스루 ，就會見到呢間梨泰院超出名嘅Cafe
主打喺好得意嘅拉花，店入面嘅店員全部都係歐巴（小編 ）
就算好多韓國人嚟到梨泰院，都指明要去呢間梨泰院Cafe架！
全部嘅拉花都係歐巴親手畫出嚟㗎！
而且店長話每個月都會有新嘅拉花圖案～
除咗史奴比咖啡之外，仲會有其他好得意嘅公仔圖案。
小編去嘅時候，店入面已經有好多韓妹或者嚟拍拖嘅情侶喺度，
如果想睇歐巴拉花，可以坐喺Bar檯前面睇住歐巴們用心製作拉花嘅樣XD
不過提提大家，如果想影歐巴係要得到歐巴嘅同意㗎！
梨泰院IG熱門咖啡廳：r.about（아러바우트）
✨行廢墟風格，文青聚集嘅舊式Cafe
- 地址：서울 용산구 대사관로8길 15
- 時間：平日08:00至21:00；周末10:00至21:00；公休日10:00至21:00
- 優惠：平日消費可享9折優惠
同樣位於梨泰院嘅r.about以好似廢墟一樣嘅裝修，行出一條截然不同嘅風格。
睇落去有嘅殘舊，但入到去完全係另一個feel！
唔知大家鍾唔鍾意呢種廢墟風格呢？
韓國文青通常都係行復古路線～
喺呢到時不時會見到一啲著得比較有時代感嘅年輕人。
小編有時候都幾鍾意呢類咁有時代感嘅佈置。
r.about可以話係近期SNS上最熱門嘅打卡熱點～
舊式嘅復古氣氛，令好多後生仔都慕名而嚟～
IG打卡熱點首爾咖啡廳：首爾站
首爾車站唔單止可以搭車，其實喺首爾站呢度嘅小區，仲收埋咗好多當地人先知嘅景點、美食、Cafe。
小編有時候對觀光客嚟首爾站淨係行樂天超市，或者搭車經過，覺得有啲可惜。
首爾站IG熱門咖啡廳：現像所（현상소）
✨帶有復古風嘅文青Cafe
- 地址：서울 중구 만리재로37길 24
- 時間：星期一至星期四12:00至22:00；星期五、六12:00至23:00；星期日11:00至22:00
- 優惠：享特定menu可享9折優惠
我哋嘅marketer為咗取材可以話喺行晒成個首爾～
呢間藏身喺首爾站前嘅現像所，喺佢話一定會再去一次嘅Cafe之一。
大家可以打 #현상소 ，感受下呢間Cafe嘅氣氛係點～
喺IG睇好難會知呢間係一間點嘅餐廳～
現場睇就會feel到好強烈嘅視覺感，用簡單但豐富嘅擺設去佈置間鋪。
另外，呢間店門外無任何招牌，係只有知道呢間店嘅人先會嚟嘅神秘Cafe。
喺首爾幾乎搵唔到一間好似現像所咁寬敞嘅Cafe。
喺咁大嘅空間入面，真係可以度過一個悠閒嘅晏就～
店入面仲會播爵士樂，令人有種坐咗時光機返到90年代巴黎，或者係更早之前啲漢城嘅感覺（即係而家嘅首爾）～
大家都嚟呢度飲返杯濃縮咖啡，或者店入面招牌：海鹽系列啦！
| 其他延伸閱讀 | |
 東大門買鞋市場 |  誠信女大購物記 |
 韓國文具總整理 |  弘大購物探訪記 |
 SMTOWN探訪 |  益善洞總整理 |
 梨泰院書牆天井 |  望遠市場探訪記 |
