弘大Cafe｜Humming Bella

Hello，大家好，我哋係由韓國人每日提供最新韓國旅行資訊嘅Creatrip。

今日想同大家介紹一間位於弘大嘅Humming Bella咖啡廳，佢有三層樓高，唔單止甜品出名，麵包亦都相當之唔錯。喺弘大行到攰不妨就去呢間Cafe坐吓啦。

Humming Bella優惠券｜撳我

弘大Cafe「Humming Bella」資訊

• 弘大店：서울 마포구 독막로7길 57
• 營業時間：11:00 - 22:00

• Designers店：서울 마포구 양화로 86
• 營業時間：11:00 - 22:00

弘大Cafe「Humming Bella」推薦理由

• Humming Bella有室內同戶外可以坐，係一間賣甜品同麵包都好出名嘅Cafe。
• 呢度嘅甜品唔單止好食又健康，唔會用對身體有害嘅人造黃油、乳化劑同其他人工添加物。
• 店主堅持用對身體好嘅天然奶油、動物性鮮奶油、蔗糖等材料。
• Humming Bella嘅朱古力牛角包係佢哋嘅招牌，亦都係大家嚟到必食甜品之一。

弘大Cafe「Humming Bella」優惠

• 埋單嘅時候向職員出示優惠券，即可享九折優惠。
• 此優惠只適用於弘大店、Designers店。
• 唔需要預約。
• 如果用coupon嘅時候，有任何疑問都可以send email到help@creatrip.com。

弘大Cafe「Humming Bella」菜單

弘大Cafe「Humming Bella」介紹

Humming Bella係一間有室內同戶外座位嘅cafe，一樓係麵包店，二樓同三樓就係咖啡廳。

上到二樓之後，就可以睇到Humming Bella最出名嘅戶外座位區，天氣好嘅時候，好多人都會坐喺出面，一邊欣賞庭園，一邊享受悠閒時光。

呢度嘅賣點係有戶外座位區，天氣好嘅時候唔少人都會鍾意坐出面，就算係冬天呢度都會搭塑膠棚，所以唔會覺得太凍，反而會覺得好寫意。

除咗戶外座位區之外，Humming Bella嘅裝修設計都好高級，二樓用原木傢俬同吊燈打造出充滿歐洲氣息，俾人一種好舒服嘅感覺。

三樓都係以原木傢俬同白色壁磚裝修，俾人一種又溫暖又自由嘅感覺。

店主喺製作麵包嘅時候，唔會用對身體有害嘅人工奶油、乳化劑同其他添加物，只會加對身體好嘅天然奶油、動物性鮮奶油同蔗糖原料，食落就知道有咩唔同。

小編喺Humming Bella叫咗朱古力牛角包、Chouprize、咖啡鮮奶同洛神花西柚冰茶。

朱古力牛角包同Chouprize係呢度嘅經典甜品。牛角包食落好酥脆，入面充滿住朱古力醬，真係好好食。而Chouprize係將鬆軟嘅泡芙餅皮同鮮忌廉一層一層咁放喺杏仁撻上面，呢個甜品喺第二度食唔到㗎！大家一定要嚟呢度試吓！

洛神花西柚冰茶飲落酸酸甜甜，好清爽，夏天嚟飲幾唔錯。

如果覺得仲係唔夠喉，又或者冇時間坐低喺度嘆咖啡，都可以直接喺一樓買外賣拎走。

DESIGNERS店都算係幾闊落，都有好多位。

之後喺弘大想搵一間戶外Cafe坐下，大家應該都知點揀啦！

弘大Cafe「Humming Bella」前往方法

• 弘大店地址：서울 마포구 독막로7길 57
• 小Tips：由弘大入口站9號出口出嚟之報直行，見到Burger King轉左繼續直行，會見到右邊係「HAHA&金鍾國Loco Quan 401」，之後再轉右直行，喺右手邊就可以見到Humming Bella。

• Designers店地址：서울 마포구 양화로 86
• 小Tips：弘大入口站9號出口出嚟之後直行15分鐘左右就會見到HOTEL DESIGNERS，Humming Bella就喺隔離，或者由合井站3號出口直行5分鐘就會到。

點先可以享有弘大Cafe「Humming Bella」嘅9折優惠？

現場消費Click下面網址下載Creatrip專屬優惠券，出示俾店員睇即可享有獨家優惠。

Humming Bella優惠券｜撳我

以上係弘大Cafe「Humming Bella」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com