韓國解酒拉麵推薦
前一晚飲多咗...韓網熱議「解酒拉麵」公開！韓國人飲酒後嘅醒酒秘訣
Hello，大家好，我哋係由韓國人話你知每日最新韓國資訊嘅Creatrip。
＃韓國美食＃韓國拉麵 #即食麵
＃解酒拉麵＃韓國喝酒文化
＃解酒＃解宿醉＃美食
嚟韓國旅行，好多人食燒肉、炸雞都會飲返杯。
韓國人飲完酒之後會食唔同嘢嚟解酒，蜂蜜水、解酒湯、解酒飲品、解酒藥，同埋最方便嘅即食麵。
今日要介紹韓國人口耳相傳，好味又解酒嘅「解酒拉麵」，睇下韓國人最愛嘅解酒泡麵有邊啲啦！
✨馬上Follow我哋IG
instagram.com/creatrip.hk
韓國熱門解酒拉麵
1. 解酒拉麵
無錯！呢款拉麵名副其實就叫做解酒拉麵。
韓國人會用中藥材枳椇子嚟護肝！甚至有一款以枳椇子為主成分嘅「男茶」。
大家覺得枳椇子可以護肝，所以呢款解酒泡麵加咗枳椇子，連食拉麵都可以養生。
解酒拉麵最大嘅特點除咗用咗枳椇子，麵本身係用薑黃製成，湯底偏辣。
真係好想試一試！
韓國熱門解酒拉麵
2. 牛肉海帶湯拉麵
呢款一直熱銷嘅「牛肉海帶湯」，以香濃、食到海帶同牛肉而聞名！
韓國傳統飲食海帶湯再加埋拉麵，號稱係拉麵嘅「革命性口味」。
到底點解咁多人鍾意呢？
口感清爽、唔刺激！因為獨特嘅口味，所以喺全部都係辣味嘅韓國拉麵度，殺出一條血路。
好多人都話，啱晒飲大咗第二朝食！推薦畀唔食得辣嘅大家。
INSTAGRAM：cu_offical
韓國熱門解酒拉麵
3. CU束草淡菜拉麵
呢款拉麵係CU便利商店嘅自家品牌。滿滿嘅淡菜味同海鮮味！
鮮味十足嘅湯頭，啱晒用嚟解酒。
韓國熱門解酒拉麵
4. CU青陽辣椒拉麵
呢款拉麵亦係CU自家品牌產品，係用咗韓國人鍾意嘅青陽辣椒而製成。
雖然湯底辣，但味道意外清爽、唔油膩！飲完湯會覺得非常爽快。
韓國人解酒個陣，普遍都鍾意吃呢種辣辣嘅拉麵醒神。
韓國熱門解酒拉麵
5. 農心魷魚炒碼麵
韓國泡麵大牌「農心」除咗最出名嘅辛辣麵，呢款魷魚炒碼麵都好受歡迎。
呢款拉麵超辣～鍾意食辣嘅朋友一定唔可以錯過。
魷魚炒碼麵除咗湯頭夠鮮夠辣之外，麵非常彈牙！果然農心出品有保證，唔會中伏。
韓國熱門解酒拉麵
6. 農心薯仔排骨湯拉麵
薯仔排骨湯係韓國人解酒個陣，最鍾意食嘅食物。
好多地方都有24小時嘅薯仔排骨湯店，可以見到好多大叔，一邊飲酒一邊解酒嘅奇妙場景。
拉麵界龍頭「農心」都推出咗類似口味，搶攻解酒拉麵市場。
除咗有基本嘅味精包同乾蔬菜包之外，仲有一包醬，可以令湯頭變得更濃郁，好似真係食緊薯仔排骨湯一樣，濃、純、香，啱晒解酒。
韓國熱門解酒拉麵
7. 八道縫隙拉麵
呢款拉麵以地獄拉麵出名，堪稱係韓國最辣嘅拉麵！
辣度高達9413，比火雞炒麵（8706）仲要高。
咁辣嘅拉麵用嚟醒酒就最適合不過，可是會辣到腸胃都醒咗⋯⋯哈哈！
縫隙拉麵雖然辣味十足，但有種令食唔停嘅的魅力！喜歡食辣嘅朋友，解酒個陣可以試下呢款中毒性十足嘅辣味拉麵。
以上係韓國人最愛嘅解酒拉麵，韓國人解酒拉麵大部分都係辣味拉麵。
大家下次不妨試下韓國人嘅解酒方法，體驗韓國文化，一飲再飲。
✨馬上Follow我哋IG
instagram.com/creatrip.hk
| 其他延伸閱讀 | |
 熱議辛拉麵炒飯 |  浣熊炸醬麵上市 |