梨大咖啡廳｜Tianhua午後的紅茶

Hello，大家好，我哋係由韓國人每日提供最新韓國旅行資訊嘅Creatrip。

位於梨大嘅呢間「Tianhua午後的紅茶」有20幾年歷史，係一間有400幾種紅茶種類嘅紅茶專賣店。如果係紅茶控嘅你，絕對唔可以錯過呢間！只要係Creatrip會員，用現金俾錢仲可以有9折優惠添！

Tianhua午後的紅茶優惠券｜撳我

梨大咖啡廳「Tianhua午後的紅茶」資訊

• 地址：서울 서대문구 이화여대길 34
• 營業時間：12:00 - 23:00
• 小Tips：梨大站3號出口行大約7分鐘

梨大咖啡廳「Tianhua午後的紅茶」推薦理由

• Tianhua午後的紅茶擁有大約20年歷史，係一間好特別嘅紅茶專賣店，老闆準備咗400幾種紅茶大家去試。
• 呢度好有古代復古風，茶具亦好有以前歐洲風，去到會俾人一種自己返返去歐洲中世紀時代做貴婦咁。
• 呢度有賣鬆餅、牛奶布甸、芝士蛋糕等同紅茶超夾嘅糕點，一齊食會增添紅茶滋味，令人度過一個悠閒午後時光。

梨大咖啡廳「Tianhua午後的紅茶」優惠

• 埋單嘅時候向職員出示優惠券，俾現金即可享九折優惠。
• 唔需要預約。
• 如果用coupon嘅時候，有任何疑問都可以send email到help@creatrip.com。

梨大咖啡廳「Tianhua午後的紅茶」菜單

梨大咖啡廳「Tianhua午後的紅茶」介紹

梨大咖啡廳「Tianhua午後的紅茶」位於梨花女大前嘅巷仔入面，近期重新裝修同搬鋪，同之前舊式風格差好多，令人經過都忍唔住望多幾眼，老闆話翻新工程仲未完，之後會喺門口鋪綠色草皮，感覺之後會成為好多人去嘅打卡點！

Tianhua午後的紅茶原本係一間茶商，由2001年開始營業，2004年起經營Cafe，一直以嚟都受到眾人喜愛，尤其係韓國成日流行嘅嘢都變得好快，但佢就可以喺梨大商圈矗立20幾年，可以話係超勁！

入到去會見到有紅茶罐牆，慢慢入到去仲會聞到紅茶香。

因為店入面有400幾種茶類，所以Menu超厚！由第一頁起詳細記錄Cafe介紹，飲紅茶方法，可以感受到「Tianhua午後的紅茶」對紅茶嘅熱情。menu上有韓文、英文、中文，唔需要擔心睇唔明。

另外，上面呢張相嘅套餐組合建議事前預約，當日叫嘅話可能會準備唔切。

Tianhua午後的紅茶店無論係外觀定係內部都好有復古風格，配埋低光色調，呈現溫暖氛圍，俾人一種好舒服嘅感覺。

呢度有一個架擺滿紅茶罐，感覺好有格調，令人忍唔住會想望幾眼。

小編叫咗呢度嘅Berry Berry Berry、吉力馬札羅山之雪以及焦糖燉蛋，職員會直接主動送餐，大家唔需要去拎，送啲時候仲會教大家要點飲，好細心。

茶杯入面嘅嘅冰塊係花同熊仔嘅形狀，超可愛，大家一定要趁佢融之前影返幅！

Berry Berry Berry（베리 베리 베리）₩7,400

呢杯飲品係漿果同樹莓等水果整成嘅飲品，口感酸甜，好清爽。

吉力馬札羅山之雪（아이스 킬리만자로의 눈）₩8,400

呢杯飲品嘅名好特別，可能一開始唔知係咩嚟，但其實係一杯濃郁紅茶，加上霜雪般嘅奶泡做成嘅奶茶，令人印象深刻，一試難忘！

焦糖燉蛋（크램브륄레）₩5,500

呢度嘅焦糖燉蛋用咗碟去裝，拎匙羹𢳂會聽到清脆嘅聲音，同時會見到有忌廉流出嚟，甜甜地同茶一齊飲好夾！

呢度嘅老闆曾經喺日本學過紅茶茶藝，仲show俾小編睇佢之前喺日本紅茶協會拎到嘅證書，而且精通日文，超勁！

大家喺梨大Shopping完之後，如果想搵一間Cafe坐吓休息，不如試吓去Tianhau午後的紅茶，享受一吓短暫歐洲中世紀貴婦生活啦！

梨大咖啡廳「Tianhua午後的紅茶」前往方法

梨大站3號出口出嚟之後直行。

見到Juno Hair之後轉右。

十字路口再轉左。

行前少少左邊就會見到。

點先可以享有「Tianhua午後的紅茶」9折優惠呢？

現場消費Click下面網址下載Creatrip專屬優惠券，出示畀店員睇即可享有獨家優惠。

Tianhua午後的紅茶優惠券｜撳我

以上係梨大咖啡廳「Tianhua午後的紅茶」 嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com