仁寺洞體驗|K-Art Center手工印章體驗
想唔想整一個獨一無二手工印章?不如嚟仁寺洞K-Art Center體驗啦!
Hello,大家好,我哋係由韓國人每日提供最新韓國旅行資訊嘅Creatrip。
仁寺洞除咗係可以體驗到好多韓國傳統文物、文化嘅地方之外,其實呢度都好多體驗活動等住大家,今日小編想同大家介紹嘅係親自落手落腳整手工刻製印章,想擁有一個獨一無二嘅印章,不如就嚟呢度體驗啦!
撳我睇價錢&預約詳情👇🏻
仁寺洞「K-Art Center手工印章體驗」資訊
- 地址:서울 종로구 인사동길34 2F
- 營業時間:星期一至六 10:00 - 18:00
仁寺洞「K-Art Center手工印章體驗」介紹
K-Art Center位於仁寺洞,距離6號出口超近。
雖然韓國有好多手工刻製姓名印章嘅鋪頭,不過K-Art Center嘅品質夠高,同時價錢又唔貴!
呢度有分兩個套餐課程,套餐A主要係做手工印章刻製體驗+書籤+印章盒,大家唔需要擔心,方法相當容易上手。
兩款套餐都係可以自己親手去整,而B套餐更加可以多印埋印章側面(手柄握位部份),揀想要嘅句子、圖案之後再上色,大家嚟到都可以擁有獨一無二嘅韓文姓名印章。
今次小編就挑戰整B套餐,老師會為大家準備好哂所有材料,成個過程老師都會喺大家隔離指導,完全唔需要擔心唔知點整。
一開始大家可以參考一啲印章嘅圖案,最多可以印3個字,不過老師話印1-2個係最靚。
最後小編就用咗自己嘅名去設計,大家可以一直寫到滿意為止。
當決定好要點寫之後,老師會俾多一張透明紙你去再寫多次。
刻字嘅時候唔需要太大力,如果想線條粗啲,可以喺個名重複刻4-5次。
整完之後就可以開始印,自己親手整,真係特別有自豪咁!
頭先都有講到,B套餐仲可以多印埋印章側面(手柄握位部份),大家可以自己畫,用鉛筆畫幾次就會好。
之後同樣都係用刀跟住線咁戒就可以。
呢度有10隻色俾大家揀,上色嘅時候用牙籤上就可以,等乾嘅時候,再用沾有少少水嘅棉花棒抺走多咗色嘅部份就可以。
呢個就係小編嘅完成品啦!真係相當之靚!做完好有滿足感!
呢度仲會提供埋可以放印章嘅袋仔,總共有6款可以揀。
成個過程大約用咗30-40分鐘左右,比想像中快,嚟呢度絕對可以留低一個特別回憶。
除咗可以整名印章之外,仲可以刻製情侶印章、友誼印章、家族印章等。
有咩唔明,專業講師都會好細心教大家。
為咗韓國遊客嚟到都可以整到,老闆仲好貼心咁印埋英文指南。
之後嚟首爾會去仁寺洞嘅話,不妨都嚟參加韓國手工印章刻製體驗課程,帶走獨一無二嘅韓國旅遊紀念品啦!
仁寺洞「K-Art Center手工印章體驗」前往方法
安國站6號出口出嚟。
直行。
見到旅遊諮詢服務處之後轉左。
直行。
上到2樓就到K-Art Center啦!
其他前往方法
# 地鐵1·3·5號線鐘路3街5號出口
▶ 經過樂園商街(낙원상가)去到仁寺洞大街一直直行 ▶ 喺新村金庫(새마을금고)前面右行100m ▶TONG-IN鋪頭隔離建築物2樓
# 地鐵1號線鐘閣站11號出口(地下街出口)
▶ 鐘路2街戈去到十字路人一直直行 ▶ 見到KUMKANG SHOES BUILDING(금강제화)轉左 ▶ 去到仁寺洞大街一直直行 ▶ TONG-IN鋪頭隔離建築物2樓
撳我預約👇🏻
以上係仁寺洞「K-Art Center手工印章體驗」嘅介紹,有任何問題請先詳閱呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進。
如果有更多想知嘅內容,都可以隨時留言或者dm話俾我哋知:)
Mail:help@creatrip.com