N首爾塔（南山塔）總整理
N首爾塔要點上去？搭咩車最方便？附近有咩好食？小編一次過整理好俾大家！
Hello，大家好，我哋係由韓國人每日提供最新韓國旅行資訊嘅Creatrip。
N首爾塔（南山塔）係首爾嘅地標，喺到可以飽覽首爾景色，係唔少初次嚟首爾旅行嘅朋友必去景點之一，今日小編就整理好關於南山嘅一切，有打算之後去嘅朋友，可以出發之前參考一吓。
南山介紹
南山位於首爾中區同龍山區交界，海拔高度為262米，係首爾市中心面積最大山區。舊名有木覓山（목멱산）、引慶山（인경산）以及日殖時代案山（안산），加上呢度唔少韓劇、電影都有嚟過取景，知名度相當高。
南山附近景點
1. N首爾塔（남산서울타워）
- 地址：서울 용산구 남산공원길 105
- 營業時間：星期一至四 12:00 - 22:00、星期五至日及公眾假期 11:00 - 22:30（觀景台閂門前30分鐘可以入場）
首爾第一位地標「N首爾塔」喺70年代竣工，作為廣播通信之用。完成瞭望台設施之後，因為保安問題一直冇對外開放，所以直到而家往青瓦台方向都冇裝望遠鏡。
21世紀後，放送廣播通信發射地轉往冠岳山，CJ集團改造建築，喺2005年開業並改名為「N首爾塔」；2015年12月，YTN喺首爾塔下層開設「首爾塔廣場」，並改名為「南山首爾塔」，造就呢個建築有南山塔、N首爾塔、首爾塔、南山N首爾塔等唔同名。
N首爾塔無論係朝早定係夜晚去都唔同氣氛，每次經過都會吸引唔少人目光，只要一到夜晚仲可以靠佢嘅燈觀察首爾地區空氣品質，綠色係最好，紅色係最差。
想要欣賞美景，N首爾塔觀景台係最佳位置，朝早天氣好可以望到超清首爾市景，夜晚絢爛燈火，照亮繁華首爾。
不過去之前，小編會建議大家可以提前喺網上預約門票（撳我），唔單止有優惠，入場仲要超簡單。
2. 南山公園（남산공원）
- 地址：서울 중구 삼일대로 231
- 營業時間：24小時
由南山山腳一直往首爾塔方向行，會經過南山公園，雖然要行好多級階梯，但當散步、上山都幾唔錯，沿途仲可以用另一個角度欣賞首爾市景。
上山過程大約要40分鐘左右時間，除咗行路之外，大家仲可以揀搭乘纜車、接駁巴士上山（的士係唔可以上去，上去交通方式可以參考內文尾）。上到N首爾塔，會見到有好多愛情鎖，唔少人認為情侶喺呢度上鎖，象徵愛情百年永垂不朽，唔知大家之前又有冇同另一半嚟過整呢？
3. 白凡廣場公園（백범광장공원）
- 地址：서울 중구 남산공원길 649
「白凡廣場公園」同樣都係喺南山公園附近，呢度算係一個迷你步道，之前韓劇《梨泰院Class》、《喜歡的話請響鈴》都有嚟過取景。
呢度空間比想像中大，可以喺草地上野餐，如果唔想行上南山，但又想搵個地方同朋友傾吓偈休息吓，嚟呢度都唔錯。
4. 南山谷韓屋村（남산골한옥마을）
- 地址：서울 중구 퇴계로34길 28
- 營業時間：09:00 - 21:00、逢星期一休息
- 票價：免費入場
- 交通：首爾地鐵3號、4號線忠武路站（충무로역）3號、4號出口
南山谷韓屋村同首爾五大宮殿有截然不同嘅氛圍，比起景福宮華麗壯觀感，呢度更加呈現古代人居住生活環境，呢種樸實感一樣吸引人嚟睇。
不過呢度唔算好大，大約行1個鐘左加就行完，平時去其他宮打卡太多人，之後不如嚟呢度，一樣可以影到唔少靚相！
抬頭一樣可以望到南山同首爾塔，想同另一個角度了解歷史痕跡嘅朋友，之後都可以嚟呢度。
南山附近美食推薦
1. 南山嘮談（남산도담）
- 地址：서울 중구 수표로6길 37-1
- 營業時間：11:00 - 22:00（Break Time 15:00 - 17:00）
- 優惠：下載優惠券，即享9折優惠。
南山嘮談位於忠武路站、南山韓屋村附近，係一間專門賣韓國傳統料理嘅餐廳，裝修好有以前風格，但好乾淨。
3人套餐 ₩65,000
小編之前去食過佢哋嘅3人套餐，份量超多，當中有生菜包肉、燉泡菜、韭菜煎餅同米酒。當中韭菜煎餅煎得超好食，點少少醬汁，再飲返一啖米酒，真係人生一大享受！泡菜酸酸甜甜配上濃郁湯底，食多幾碗返都仲得！結束南山行程之後，不如就嚟醫醫肚啦！
2. 松竹（송죽）
- 地址：서울 중구 수표로6길 31
- 營業時間：平日07:00 - 19:30、週末07:00 - 13:30
- 優惠：下載優惠券，即享9折優惠。
「松竹」已經有50幾年歷史，唔少電視節目都有介紹過，如果大家想試吓韓國嘅粥係點，超推薦大家嚟試！
鮑魚內臟粥（전복내장죽）₩22,000
南瓜粥（호박죽）₩11,000
松竹有好多款粥，當中最出名係鮑魚內臟粥，唔單止冇腥味，營養仲要超豐富，老闆係濟州島出身，佢每日都會買入濟州島海鮮，做成最新鮮海螺飯，同樣都係超有人氣。另外佢哋嘅南瓜粥係小編人生中食過Best 3，推薦大家一定要試！
3. 五道麵屋（오도면옥）
- 地址：서울 중구 수표로6길 27
- 營業時間：11:30 - 23:00
- 優惠：下載優惠券，即享肉類9折優惠。
五道麵屋就係喺松竹隔離，呢間係小編私心愛店之一，呢度提供多種高級肉類，晏畫嚟食個拌飯、冷麵都得，價錢唔算好貴，開幕至今已經吸引唔少客人。
呢度嘅肉超嫩，同埋冷麵/拌飯一齊食真係大滿足！
4. 木覓山房（목멱산방）
- 地址：서울 중구 퇴계로20길 71
- 營業時間：11:00 - 20:30（Break Time 15:00 - 16:30、Last Order 20:00）
木覓山房曾經獲得米芝蓮一星推薦，價錢中等，由落單、拎餐、收餐都係自助。
生牛肉拌飯（육회비빔밥）₩13,000
NCT之前拍《HOT & YOUNG Seoul Trip》第8集就嚟過，如果大家之後去，記得一家要叫生牛肉拌飯啊！
5. SAYU Library Bar&Bistro（사유의서재）
- 地址：서울 중구 퇴계로20길 13 3F
- 營業時間：11:30 - 24:00
「SAYU Library Bar&Bistro」南山店位於明洞站3號出口附近，周圍有唔少酒店同Guesthouse，環境比較安靜，氣氛超好！
呢度主打意大利菜配葡萄酒，餐點運用芝士、松露、香草等高級食材烹製而成，一定可以滿足你嘅味蕾！如果需要一個同朋友聚會嘅地方，或者想同另一半慶祝紀念日，不妨考慮吓嚟呢度！
南山「SAYU Library Bar&Bistro」詳細介紹
南山附近咖啡廳推薦
1. 文化社（분카샤 충무로）
- 地址：서울 중구 퇴계로31길 16 4F
- 營業時間：12:00 - 23:00
文化社藏身喺一氣小巷裡面建築嘅4樓，雖然有啲難搵，但只要去到都會覺得呢度好溫馨，有種日系簡潔美感，唔單止忠武路有，就連乙支路、樂天塔都有分店。
行完南山，嚟呢度簡單飲杯嘢、食個水果三文治都好！
南山交通路線
搭巴士去N首爾塔
營運時間：06:30 - 23:00（9分鐘一班車）
費用：₩1,100
搭纜車去N首爾塔
因為觀景台門票唔包纜車費用，所以大家可以去南山3號隧道口，搭「南山電梯」去位於山腳嘅纜車站。如果要搭纜車嘅朋友，可以參考下文，或者行上山。
- 纜車電梯地址：서울 중구 회현동2가 49-2
- 纜車電梯運行時間：09:00 - 23:00（星期一 09:00 - 13:00會進行定期檢查）
- 南山纜車站（山腳）地址：서울 중구 소파로 83
- 南山纜車運行時間：10:00 - 23:00
- 纜車車票價錢：
單程 | 來回 | ||
| 成人 | 小童 | 成人 | 小童 |
| ₩11,000 | ₩8,000 | ₩14,000 | ₩10,500 |
以上係最新N首爾塔（南山塔）相關整理，希望可以幫到大家啦！
如果有更多想知嘅內容，都可以隨時dm話俾我哋知：）
Instagram：creatrip.hk