Hello，大家好，我哋係由韓國人每日提供最新韓國旅行資訊嘅Creatrip。

韓國人鍾意飲酒，相信唔需要講睇都睇得出，不過除咗燒酒同啤酒之外，韓國人都好鍾意溝酒飲！今日想教大家10款韓國人最鍾意嘅溝酒飲法，大家喺屋企試吓！

韓國溝酒教學

1. 燒啤

第一個要介紹嘅就係最基本溝酒飲法，「燒啤」（燒酒+啤酒），韓國各年齡層都好鍾意飲。

燒啤最多比例就係燒酒3，啤酒7；如果唔可以靠目測，大家約兩個燒酒杯疊埋一齊，將燒酒倒到下面杯口高度，再倒入啤酒杯，再加啤酒倒至LOGO部分，咁就OK㗎啦！

韓國最多人鍾意似嘅比例係3:7，之後係2:8同1:9， 大家可以3款都試吓，之後再分享俾我哋知覺得邊一個飲法係最好。

2. 苦盡甘來酒

苦盡甘來酒係一款燒酒、啤酒、可樂嘅韓國式炸彈酒！

將第一個燒酒杯倒半杯可樂，再用另一個燒酒杯倒滿燒酒（唔好將可樂倒瀉），放入啤酒杯，最後用啤酒填滿。一開始會感受到燒啤嘅苦味，之後會感受到可樂嘅甜味，重點要一啖飲哂。不過呢杯溝酒飲得多好易醉。

3. 馬汽

馬汽即係韓國米酒「馬格利」，加入梳打水混酒，口感偏甜，適合唔敢飲燒酒嘅朋友。

馬汽黃金比例係要兩支馬格利，加一支汽水，碳酸酒再加上汽水嘅話，成個甜味同碳酸會變得更強，完全唔覺得係飲緊酒。

4. 燒百山啤

燒酒、百歲酒、山楂酒、啤酒組成嘅韓國炸彈酒，每個比例都係1:1:1:1，飲完有種飄飄然嘅感覺，超易醉，聽講酒量有幾好，只要飲三杯就一定會醉。

5. 點滴酒

首先要飲梅花水同燒酒各一啖，用紙巾包住梅花水樽口，將佢倒轉放喺燒酒樽上面，就可以見到好似點滴嘅混合，非常神奇。不過要整到都唔易....

6. 弘毅人間酒

先飲一杯燒酒再倒紅醋入去，或者一杯燒酒同紅醋9:1比例溝埋一齊，成支弘毅人間酒會變成紅色，好靚！而且飲嘅時候會覺得甜甜地，好似飲緊水果酒。

7. 可爾必斯酒

汽水、啤酒、燒酒以4:4:2比例溝勻而成嘅韓國炸彈酒，好多女仔都鍾意飲，甜甜地易入口！

8. Screw Kiss

呢個需要韓國雪條「스크류바（Screw Bar）」，當酒飲又得，消暑飲品又得！如果冇Screw Bar，可以用其他梳打雪條去代替。

首先將Screw Bar放入啤酒杯，加入15%燒酒，最後用汽水填滿，用雪條攪勻就可以。唔單止色靚，酒精成分唔算好高，超推薦俾唔太會飲酒嘅朋友。

9. 泡泡坦克

同樣需要韓國雪條Tank Boy（탱크보이），但比較唔同嘅係呢款雪條要先融化、退冰再加酒。

融化咗嘅Tank Boy，同汽水、燒酒以同比例倒入杯，亦可以放啲彩虹糖入去，似落有啲梨嘅味道，甜甜地，但唔想飲太甜可以加多啲酒。

10. Melona酒

Melona雪條放入啤酒杯，再倒兩杯燒酒，然後倒汽水直到滿為止，用雪條攪勻，之後慢慢會見到變成淺綠色。飲嘅時候完全唔會feel到有酒味，好多女仔都鍾意飲。

今日介紹咗韓國流行10款炸彈酒俾大家，就算冇辦法嚟韓國，都可以喺屋企DIY！試完話俾我哋知你最鍾意邊款啦！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購