Hello！大家好～

我哋係由韓國人每日提供最新資訊嘅Creatrip~

韓國冇夜市，街邊小吃比較常見嘅有辣炒年糕、魚糕，到咗冬天先有鯉魚糕、紅豆煎餅。

喺韓國，街邊小吃嘅聚集點主要有三個地方，明洞、弘大同梨泰院。明洞比較少有特色嘅小食，梨泰院就以外國飲食為主。

弘大係最多年輕人聚集嘅地方，因此年輕人鍾意嘅創意飲食都好似雨後春筍咁接連出現。

所以今日要帶大家來睇下呢條所謂嘅“弘大夜市街”

到底隱藏住啲咩美食呢～～？

<睇本文前，可以參考嘅文章>

首先，弘大呢條充滿小食攤嘅夜市街要點去呢～～？

由弘大入口站九號出口上嚟向弘益大學嘅方向行，過馬路之後會見到pizza hut同Bershka。

再由Bershka左手邊嘅巷仔入去就可以見到好多小食攤販！

呢條就係我哋俗稱嘅弘大夜市街～

呢條街有好多服飾店、餐廳同小食店

總係會人山人海！

韓國旅遊/弘大夜市第一站：홍대닭꼬치 삘꼬치네 （弘大燒雞肉串）

呢間燒雞肉串真係超級多人排隊等～～

老闆都幾靚仔（小編發花癡ＸＤＤ

重點係手腳好快～～冇停手，係咁燒!

睇到都已經落晒口水啦!

等咗咁耐終於有得食啦！！

聞落下已經好香！！

食一啖更係不得了啊！！！

雞肉超嫩、大蔥超香！！！

而且醬汁真係做得非常好～～～係小編食過最好食嘅雞肉串ＴＴ

評價：大推 ★★★★★

韓國旅遊/弘大夜市第二站：수제어묵공방 手工魚糕工房

因為食咗鹹嘅，就想食啲清淡少少嘅～

於是隔咗幾間鋪（小編印象中好似係隔離ＸＤ）

就有呢間“手工魚糕店”！！！

真係好多種魚糕！！！

小編同朋友鍾意食芝士，所以我們就叫咗芝士魚糕

有好多醬汁畀你自己去搭配～～

小編就鍾意淨係加番茄醬ＸＤ

呢個芝士魚糕超好食！！

真係會拉絲！！！

而且唔會膩，真係好厲害～～

小編今次運氣好好，一連兩間都冇中伏。哈哈~

評價：很推 ★★★★

韓國旅遊/弘大夜市第三站：프리즈페페(Friet fefe) 炸薯條專賣店

呢間嘅裝修真係好吸引人～

出面都有樣品擺出嚟畀大家參考！

小編自己叫咗大份薯條，冇加其他嘢～

可以揀兩種醬料，一個係番茄醬一個係芝士醬

講真....薯條好難唔好食啊ＸＤＤ

呢間當然都唔會唔好食～

不過可惜嘅係....食到最後好難挖ＸＤＤ

但入面仲加咗洋蔥！！呢一點好值得讚下～～

評價：很推 ★★★★

韓國旅遊/弘大夜市第四站： IFK 핫&아이스 (炸起司＆冰淇淋）

呢間係小編見到一直有客人嚟買，先諗住去試下。

今次叫嘅係통모짜렐라(Mozzarella) 水牛芝士條（韓幣2000元）！！

雖然招牌分類係熱狗，

但好似冇食到熱狗，淨係食到勁拉絲嘅芝士～～

特別嘅係呢度有賣紅酒、燒酒、瑪格麗酒味嘅雪條！！

檯上有好多醬料，可以自由搭配鍾意嘅口味

有蕃茄醬、芥末醬、芝士醬....等等

咬一啖～～～

就有唔斷嘅拉絲！！

幸福指數爆表 （先唔好理熱量啦）

評價：很推 ★★★★

韓國旅遊/弘大夜市第五站：oh! 타코야끼 Tokiyaki （章魚燒）

喺韓國住耐咗，有時候都會想食下韓式料理以外嘅嘢XD

呢間章魚燒意外地好好食～

連隔離嘅日本人吃咗都話：OISHII～

叫咗8粒原味（韓幣3000元）

章魚燒食落好扎實，唔會太腍

仲要食到入面有真嘅章魚！！

加埋沙律醬嘅味道啱啱好~

評價：很推 ★★★★

韓國旅遊/弘大夜市第六站：Hong Cup （杯子年糕炸雞）

呢間每次經過都有人買，甚至要排隊。

因為係現炸嘅關係，有時候可能要排隊等下。

呢間鋪有中文菜單，所以唔洗擔心！

有四個口味嘅醬料可以揀，並且分大、中、細杯

小編今次叫咗細杯＋芝士，所以係3,500韓幣（加芝士＋500韓幣）

可以同時食到炸年糕同炸雞

因為都是現炸，所以口感好新鮮

炸雞酥脆，年糕又煙韌~

幸福～～～

評價：大推 ★★★★★

呢度真係有好多好食好行嘅鋪頭～～

咁樣行一圈都可以食得好飽，又行得滿足！！

下次大家嚟弘大，唔好唔記得行埋呢條街食下行下先走啊\^o^/

我哋下次再見啦～～～～～

★本文係2018年5月中更新內容★

★攤販有可能會隨時變動★

★週末假日人潮擁擠，務必小心自身安全及隨身行李★