首爾地鐵7號線旅行
隱藏版景點！搭首爾地鐵7號線去旅行啦！
Hello！大家好～～～
呢到係由韓國人每日提供最新韓國旅行資訊嘅Creatrip！
今日要教大家點樣搭首爾地鐵7號線嚟一轉首爾自由行！
首爾地鐵7號線可以話係隱藏咗好多只有韓國人先知道嘅旅遊景點！
唔知大家仲記唔記得我哋之前有教過點樣搭首爾地鐵2號線嚟一轉首爾自由行呢？
呢篇文章受到大家唔少嘅喜愛～～
【韓國首爾地鐵二號線】 乘地鐵征服首爾吧! 一齊搭二號線黎一轉首爾旅行吧!
所以今日小編要同大家介紹首爾地鐵站其他線點樣玩轉首爾
每一個站都有啲好有趣嘅景點！依家就要逐一公開介紹比大家啦！！
想知更多點玩轉首爾地鐵7號線？咁就要繼續睇落去啦！
搭乘韓國地鐵遊首爾~
【韓國地鐵(首爾一號線)】 搭地鐵征服首爾吧！搭地鐵一號線黎一轉首爾之旅！- 上篇
【韓國地鐵(首爾一號線)】 搭地鐵征服首爾吧！搭地鐵一號線黎一轉首爾之旅！- 下篇
【韓國地鐵(首爾三號線)】搭地鐵征服首爾吧！搭地鐵三號線黎一轉首爾之旅！
【韓國地鐵(首爾四號線)】 搭地鐵征服首爾吧！搭地鐵四號線黎一轉首爾之旅！
【韓國旅遊: 地下鐵】2018韓國自由行必備！超實用韓國地鐵路線圖總整理！
※ 有無未去過首爾地鐵7號線嘅creatrip朋友呢？同大家講解一下先！韓國首爾地鐵7號線係一條圍住首爾大圈嘅循環路線！ 韓國首爾地鐵7號線因為有經過蘆原、兒童大公園、建大、江南等地方 呢邊隱藏嘅旅遊景點亦都有好多～ 另外位於韓國首爾地鐵7號線嘅上鳳站可以轉乘京春線去加平、南怡島、春川 所以揀搭7號線嘅人都有好多 |
韓國地鐵1. 上鳳站
首爾自由行景點1-1. 龍馬樂園 (용마랜드)
"韓國人氣男團EXO嘅MV拍攝地，係一個荒廢左嘅遊樂園"
instagram@im_yujinyang
龍馬樂園係一個已經停止營業嘅荒廢遊樂園
雖然目前所有嘅遊樂設施都已經停止運作
但樂園已經轉變成一個充滿特色嘅旅遊景點
90年代龍馬樂園曾經係韓國最大嘅遊樂園
後嚟隨住有樂天世界、首爾樂園興起，龍馬樂園就被迫停業
雖然呢到嘅遊樂器材日久失修，但園區各角落嘅茂密小樹叢，反而令呢到成為打卡嘅好地方
instagram@sungmin_0314
呢到因為韓劇、電影而逐漸打響咗知名度
依家亦成為咗攝影師嘅熱門影相場景
呢到除咗有色彩鮮明嘅遊樂設施之外
仲有好多得意嘅樂園主角可以做背景比大家盡情咁影相
最近黎呢邊影結婚相嘅人都越嚟越多！
instagram@leeee_yj_
龍馬樂園唔單止係韓劇<IRIS2>第17集中男主角非法取得武器嘅地點
就連韓國人氣男團EXO嘅MV都係呢到拍架！
運氣好嘅話，話不定可以係呢見到明星添㗎XD
(Creatrip嚟呢到嘅時候，咁啱就遇到喺到影緊電影嘅劇組添！)
想知道更多關於首爾自由行景點<龍馬樂園>嘅詳細資訊click呢度！
首爾自由行景點<龍馬樂園> 住址 : 서울특별시 중랑구 망우로70길 103
韓國地鐵2. 兒童大公園站 (어린이대공원역)
首爾自由行景點2-1. 兒童大公園 (어린이대공원)
"韓國人No.1櫻花景點"
又到咗一年一度嘅賞櫻季節
香港人最常去嘅首爾賞櫻景點不外乎係「汝夷島」、「慶熙大學」、「石村湖水公園」...等
但今日要同大家介紹嘅係韓國人最推薦嘅賞櫻勝地之一「兒童大公園(어린이대공원)」啦！
兒童大公園係首爾地鐵7號線，由1號出口出黎望右手邊就係啦
呢到佔地面積超大，裡面仲有動物園、遊樂園、植物園添！
好多韓國人會帶埋野餐墊同屋企人、朋友一齊坐喺櫻花樹下野餐
亦有好多韓國人會一個人訓喺櫻花樹下休息、睇書
所以就算一個人嚟呢到旅行都唔會覺得奇怪！
重點係...呢到係免費入場架！！
如果鍾意一個人悠閒咁散下步嘅朋友
小編非常推薦嚟兒童大公園！
想知道更多關於首爾自由行景點<兒童大公園>嘅詳細資訊Click呢度！
首爾自由行景點<兒童大公園> 住址 : 서울특별시 광진구 능동로 216
首爾自由行美食2-2. 恩惠年糕鍋 (은혜즉석떡볶이)
"量多又實在，係韓國人喜愛美食之一！"
一入到呢間恩惠年糕鍋鋪頭就會發現入面大部分都係韓國人，而且仲要勁多人！
落單方式相當簡單
因為呢到只有分成幾人份鍋同埋A餐定B餐等
所以有選擇障礙嘅朋友嚟呢間餐廳唔洗煩揀咩好XD
年糕鍋一送上黎嘅時候會發現顏色係啡色而唔係紅色
因為呢到嘅年糕鍋係用豉油煮
用豉油煮嘅年糕鍋比一般嘅年糕鍋更有甜味
重點係呢到嘅餃子仲要幾好食！
餃子入面包嘅唔係豬肉而係粉絲
食落去口感都幾特別～
如果鍾意重口味嘅朋友，推薦大家最後可以叫個炒飯嚟食！
想知道更多關於首爾自由行美食<恩惠年糕鍋>嘅詳細資訊Click呢度！
首爾自由行美食<恩惠年糕鍋> 住址 : 서울특별시 광진구 광나루로 384
韓國地鐵3. 建大入口站 (건대입구역)
首爾自由行景點3-1. COMMON GROUND(커먼 그라운드)
"首爾人心目中第一名血拚好去處"
呢到本來係廢棄嘅車庫，依家用200個貨櫃箱堆疊令呢到重新，並且成為建大嘅熱門景點
除左係韓國國內第一個，亦係世界最大嘅貨櫃箱購物中心！
商場大致上可以分成四個部分
呢到總共有56間各有風情嘅人氣商店、購物中心、Cafe及餐廳
Common Ground亦以賣好多韓國新進設計師嘅流行小物而聞名
呢到有好多首飾、袋、Lego等商品，喺其他地方係買唔到㗎～
價錢有平到貴，所以唔理係要買紀念品家喺時尚小物，呢到都好適合大家～
Common Ground尤其係夏天特別熱鬧！
因為夏天嘅時候會舉辦B-Boying表演，令呢到變得更加有趣
每個貨櫃箱會變身成涼爽嘅Cafe，非常適合喺到打卡影相
Common Ground除咗會有表演之外，亦會有市集
係一個每次去都會覺得新鮮嘅首爾景點喔！
想知道更多關於首爾自由行景點<Common Ground>嘅詳細資訊Click呢度！
首爾自由行景點<Common Ground> 住址 : 서울특별시 광진구 아차산로 200
首爾自由行美食3-2. 崔家咖啡 (최가커피)
"首爾大學生熱門景點建大！建大最好飲嘅咖啡廳"
崔家咖啡亦係位於建大！係建大入面好飲嘅Cafe之一！
崔家咖啡用嘅係每日現烘嘅咖啡豆，所以咖啡味道會特別香～
由老闆親自製作嘅冰滴咖啡以及長達10個鍾煮出嚟嘅維也納咖啡都係呢到嘅人氣招牌喔！
呢到嘅甜品，例如窩夫、Brownie同Affogato都超好食！
@ https://www.instagram.com/choigacoffee/
崔家咖啡係由一間屋企改造而成，裡面都非常安靜、溫馨
唔單止氣氛好，就連咖啡都好好飲
如果咁啱去開建大common ground嘅話，一定記得要嚟呢間崔家咖啡啦！
想知道更多關於首爾自由行美食<崔家咖啡>嘅詳細資訊Click呢度！
首爾自由行美食<崔家咖啡> 住址 : 서울특별시 광진구 능동로13길 23
韓國地鐵4. 纛島遊園地站 (뚝섬유원지역)
서울景點4-1. 纛島漢江公園 (뚝섬한강공원)
"唔太多觀光客、首爾人喜愛嘅約會景點<纛島漢江公園>"
如果去韓國想搵一啲無乜觀光客嘅地方？
小編會推薦大家去纛島漢江公園~~
@ travel news
纛島漢江公園有一個以尺蛾幼蟲為造型嘅藝術同休憩複合式觀景文化展示空間
呢個空間啱啱同纛島遊園地站連接，所以咩人都可以經由地鐵站輕鬆咁行到去纛島漢江公園！
喺呢個尺蛾幼蟲嘅通路裡面，有Cafe同精品店
亦掛左好多藝術家嘅作品，可以一邊欣賞到藝術作品，一邊飲杯咖啡。
@ 首爾市
纛島漢江公園仲有一個音樂噴泉，大家可以係呢到邊聽音樂邊睇噴泉
另外呢到仲有個玫瑰公園，一邊欣賞各式各樣嘅玫瑰，一邊聞玫瑰迷人嘅香氣！
首爾自由行景點<纛島漢江公園> 住址 : 서울특별시 광진구 강변북로 139 (자양동)
韓國地鐵5. 清潭站 (청담역)
首爾自由行景點5-1. 奉恩寺 (봉은사)
"過去同現在共存嘅寺廟"
奉恩寺打破左寺廟一定要起喺山林裡嘅刻板印象
奉恩似位於都市嘅高處、被都市包圍住，同時調和兩種唔同嘅色彩
只要一到春天，奉恩寺會開滿超靚嘅紅梅花
所以好多韓國人都會喺春天時嘅候嚟奉恩寺賞花！
位於都市中心嘅奉恩寺，同首爾地鐵9號線嘅奉恩寺站好近
亦可以由韓國地鐵7號線嘅清潭站行過去
交通方便，係任何人都可以去到參觀嘅地方
尤其係釋迦摩尼誕生日個日仲會舉辦燈籠節
當日去奉恩寺嘅朋友就可以欣賞到又靚又燦爛嘅燈火啦！
想知道更多關於首爾自由行景點<奉恩寺>嘅詳細資訊Click呢度！
首爾自由行景點<奉恩寺> 住址 : 서울특별시 강남구 삼성동 73
韓國地鐵6. 高速巴士轉運站 (고속버스터미널역)
首爾自由行景點6-1. 高速轉運站地下街(고속버스터미널 지하상가)
"平價掃貨好店集中地"
講到韓國旅行必做嘅應該就係行地鐵站附近嘅地下街
喺高速巴士轉運站地下街入面就聚集咗好多唔同嘅商店
因為呢到嘅衫種類多而且價格亦好平，所以好多韓妹都成日嚟呢到買衫㗎！
喺呢到可以只用10000韓幣就買到衫或者褲
每次小編嚟到都會買到停唔到手> <
鍾意Shopping嘅你哋又點可以錯過呢！！！
認真揀嘅話，喺呢到可以用好平嘅價格買到質地超好嘅衫添架～
小編曾經喺呢到用10000韓幣買左一件針織外套
但喺新村見到一件一模一樣嘅竟然賣24000韓幣！！（無誇張）
想尋寶嘅朋友一定要mark實呢到！！
想知道更多關於首爾自由行景點<高速轉運站地下街>嘅詳細資訊Click呢度！
想知道首爾自由行景點<高速轉運站地下街>探訪記Click呢度！
首爾自由行景點<高速轉運站地下街> 住址 : 서울 서초구 신반포로 200 고투몰
首爾自由行美食6-2. Starbucks Famille Park分店 (스타벅스 파미에파크점)
"都市咖啡森林！喺擁有巨大落地玻璃窗嘅Starbucks入面飲杯咖啡啦"
Starbucks Paime Park店位於首爾地鐵高速巴士轉運站附近
喺高速巴士轉運站4號出口出嚟就見到㗎啦～
呢間店係韓國Starbucks創立15周年嘅時候，以「都市的咖啡森林」為概念而起嘅
@ https://m.blog.naver.com/PostView.nhn?blogId=dxsuckit69&logNo=220252511360&proxyReferer=https%3A%2F%2Fwww.google.co.kr%2F
呢間店嘅設計概念係有一個超巨大嘅圓形玻璃屋頂，想畀人一種好似係天空飛緊嘅感覺
同時呢間Starbucks正係以巨大落地窗同天空飛舞嘅雀仔而聞名
因此被稱為係韓國最靚嘅Starbucks！
如果嚟到韓國想試下韓國Starbucks係點嘅話
不如就去呢間喺高速巴士客運站附近嘅Pamie Park分店啦
亦有好多人為咗呢個景點特登嚟打卡添！
想知道更多關於首爾自由行景點<星巴克 Famille Park分店>嘅詳細資訊Click呢度！
首爾自由行美食<星巴克 Famille Park分店> 住址 : 서울특별시 서초구 사평대로 205
只要搭首爾地鐵7號線就可以去到咁多旅行景點！
雖然首爾地鐵路線有啲複雜，但只要搭一條線就可以玩轉首爾都唔錯㗎！
其實除咗今日介紹嘅景點之外，首爾仲有好多好多觀光勝地！
對於首爾旅行有任何問題都歡迎留言畀我們，我地好樂意幫大家㗎^^