首爾10間文青咖啡廳
大推！首爾自由行必去10間文青Cafe
Hello！大家好～～～
我哋係由韓國人每日提供最新韓國旅遊資訊嘅Creatrip！
韓國嘅Cafe真係有好多，密集度就好似便利店咁，幾乎去到邊都有。
呢啲Cafe有好多唔同嘅風格店家，有簡約嘅、可愛嘅、奢華嘅...等等
今次就嚟分享下首爾文青Cafe啦！
＜睇呢篇文章前，可以參考呢啲關於韓國美食嘅文章＞
韓國旅遊/首爾文青咖啡廳1. 首爾主義 (서울리즘)
首爾自由行 "韓國網美打卡必去Cafe！眺望樂天世界塔嘅好地方～"
_(10).jpg)
喺蠶室站有一個非常出名嘅首爾地標，就係樂天世界塔啦！
如果想要眺望呢座過百層嘅樂天世界塔嘅話，咁就一定要嚟呢間首爾主義Cafe～
唔單止可以睇到高聳入雲嘅樂天世界塔，仲有一塊寫住SEOUL嘅板～
如果想喺首爾影到一個最可以代表首爾市嘅地標景點，咁就一定要去呢間Cafe打卡啦！
_(5).jpg)
店家呢啲精心嘅設計令每個嚟到呢度嘅人都會忍唔住影相影好耐～
而且不論係朝早定夜晚，影嘅相都好有特色，
不過Cafe嘅營業時間淨係去到晏就5點50分，六點之後就會變身成為酒吧～
就唔再提供咖啡㗎啦！！
_(3)1.jpg)
如果喺夜晚嚟飲番，睇下首爾嘅夜景，都別有一番風味㗎 ！
＜關於韓國旅遊－韓國文青Cafe 1. 首爾主義 (서울리즘)嘅詳細資訊＞
韓國文青Cafe1. 首爾主義 (서울리즘)營業時間 : 13:00~17:50 住址 : 서울 송파구 백제고분로 435 營業特別事項 : 18:00~24:00 係酒吧營業時間 價格 : 白朱古力화이트 초코7000 莓果茶베리베리베리 에이드7000 雲呢拿/朱古力/焦糖咖啡바닐라/모카/캬라멜6000 |
韓國旅遊/首爾文青Cafe2. ELLIE (엘리)
首爾自由行 "裝修得好靚嘅益善洞人氣Cafe！"
ELLIE係一間經由韓屋改造而誕生嘅Cafe
裝修採用咗玻璃天花板，感覺就好似置身喺野外嘅庭院一樣，
韓國傳統韓屋融合現代化嘅裝修，令呢度嘅人氣非常高，唔少人都專登嚟影相！
呢度最出名嘅其實係佢哋嘅早午餐系列
不過甜品同麵包都同樣具有相當高嘅人氣
而且仲好好食添！
如果嚟到益善洞
非常推薦大家可以嚟呢度享受傳統韓屋嘅氛圍，
再嘆番個好味嘅brunch！
＜關於韓國旅遊－韓國文青Cafe 2. ELLIE (엘리)嘅詳細資訊＞
韓國文青Cafe 2. ELLIE (엘리)營業時間 : 11:00~22:00 公休日 : 星期一 住址 : 서울특별시 종로구 수표로28길 21-6 電話號碼 : 02-2135-3360 價格 : 總匯三文治클럽 샌드위치9,000 牛油果煙燻豬肉三明治아보카도 베이컨 샌드위치9,500 沙律시저 샌러드8,000 抹茶提拉米蘇그린티 티라미수7,500 |
韓國旅遊/首爾文青Cafe3. 首爾咖啡商會 (서울커피상회)
首爾自由行 "唔單止咖啡好飲、Tiramisu好食，就連氣氛都好正嘅景福宮西村Cafe"
首爾咖啡商會位於景福宮西村
係小編最想推薦畀大家嘅Cafe
呢間Cafe喺韓國嘅FB，IG上人氣勁高！
呢度嘅艾斯班拿咖啡同抹茶忌廉濃縮咖啡都好出名
上面寫住首爾嘅Tiramisu都好好食！
份量又夠可以同朋友2~3人分嚟食
而且店入面嘅氣氛都好好，所以更想推薦畀大家！
雖然店入面比較偏暗，但係古雅嘅氣氛好適合同朋友喺度傾下計！
＜關於韓國旅遊－韓國文青Cafe 3. 首爾咖啡商會 (서울커피상회)嘅詳細資訊＞
韓國文青Cafe 3. 首爾咖啡商會 (서울커피상회)營業時間 : 12:00 - 21:00 公休日 : 公休日會另外公告 住址 : 서울특별시 종로구 자하문로7길 67-2 電話號碼 : 02-725-1205 價格 : 艾斯班拿咖啡아인슈페너6500 抹茶忌廉濃縮咖啡말차 크림 프레소7000 首爾Tiramisu(基本)서울티라미슈(기본)9000 (韓圜) |
韓國旅遊/首爾文青Cafe 4. cafe&other (카페앤아더)
首爾自由行 "Cafe入面竟然有小泳池&禮服間"
_(1)1.jpg)
喺聖水洞嘅Cafe有好多間，各有特色。
所以要喺首爾周圍都係Cafe嘅環境競爭下生存一啲都唔容易。
_(3)1.jpg)
除咗咖啡、餐點要令人滿意，仲要有特色，Cafe嘅環境更要配合到大家鍾意打卡PO IG嘅需求。
_(5).jpg)
而cafe & other 嘅誕生就迎合咗大眾各式嘅需求
除咗店入面有唔同風格嘅座位區，店入面仲有一點好特別～
喺Cafe入面，有一間禮服室，入面放咗好多精緻嘅婚紗禮服～
大家有機會一定要嚟呢度睇下啦～
＜關於韓國旅遊－韓國文青Cafe 4. cafe&other (카페앤아더)嘅詳細資訊＞
韓國文青咖啡廳4. cafe&other (카페앤아더)景點提供授權: L' Smile IG: yanghsin0916 營業時間 : 10:30-23:00 住址 : 서울특별시 성동구 성수동1가 668-104 電話號碼 : 070-8777-9724 |
韓國旅遊/首爾文青Cafe 5. Pied (피에)
首爾自由行 "可以飲到香氣四溢嘅茶同食到甜甜地嘅馬卡龍嘅高級Cafe"
_(1).jpg)
唔同於呢度灰色基調嘅外表，呢度嘅陳列櫃放嘅全部都係精緻又得意嘅甜品。
而喺咁多款甜品入面，最受歡迎嘅就係馬卡龍啦！
_(2).jpg)
甜甜嘅馬卡龍係轉換心情個陣嘅最佳選擇，
同紅茶嘅搭配係一個非常完美嘅組合。
_(5).jpg)
呢度嘅飲品同甜品全部都用造型精美嘅杯碟去裝，好適合影相。
嚟呢度食好味嘅甜品之餘唔好唔記得影多幾張相留念啊！
＜關於韓國旅遊－韓國文青Cafe 5. Pied (피에)嘅詳細資訊＞
韓國文青咖啡廳5. Pied (피에)營業時間 : 12:00~22:00 住址 : 서울특별시 용산구 이태원로54길 48 營業特別事項 : (周日, 周一)12:00~20:00 電話號碼 : 02-6212-0219 價格 : rose rasberry로즈라즈베리7500 馬卡龍(抹茶、伯爵茶、蔓越莓、芝麻等)마카롱(말차, 얼그레이, 라즈베리, 흑임자 등)2500 |
韓國旅遊/首爾文青Cafe 6. 風輕輕地吹 (바람이 살랑)
首爾自由行 "由韓屋改建而成嘅小咖啡館"
11.jpg)
呢間係由傳統韓屋改建面而成嘅咖啡店。
至今仍然保留咗木製天花板同樑柱，令呢間Cafe仍保留舊時嘅氣息，同外面嘅都市現代感造成對比。
1.jpg)
就連個名都好夢幻呢？細細嘅鋪面雖然只有4張枱，
但係內部所擺設嘅花、盆栽同香氛蠟燭，
都可以睇得出老闆真喺有用心咁營造舒適嘅氣氛畀大家^^
2.jpg)
另外，呢度嘅咖啡價格都唔會好貴。
店入面嘅小露臺又可以畀大家一個透氣嘅空間。
位於巷仔入面嘅「風輕輕地吹」既幽靜又舒適，天氣好嘅時候一定要嚟呢度享受美好嘅晏就啊！
＜關於韓國旅遊－韓國文青Cafe 6. 風輕輕地吹 (바람이 살랑)嘅詳細資訊＞
韓國文青咖啡廳6. 風輕輕地吹 (바람이 살랑)營業時間 : 11:00~23:00 住址 : 서울특별시 종로구 창경궁로29길 35 營業特別事項 : 冬季(1,2月) 11:00~22:00 電話號碼 : 02-766-1013 價格: 美式咖啡아메리카노2500 鮮奶咖啡카페라떼3000 冰淇淋吐司아이스 토스트2000 |
韓國旅遊/首爾文青Cafe 7. Lait (서촌영과자점 레)
首爾自由行 "可以悠閒享受下午茶時光嘅好去處"
_(1)1.jpg)
景福宮附近除咗可以著韓服周圍行，附近仲有好多好有氣氛嘅Cafe！
呢間Cafe唔單止有氣氛，仲有好出名嘅手作甜品。
_(6)1.jpg)
好多人都會特登嚟呢度外賣甜品～可想而知，呢度嘅甜品有幾好食啦！
喺呢度仲可以食到超HIT嘅“髒髒包”。
不論係外面嘅朱古力粉、內餡嘅朱古力，都係用特選食材所做。
所以食呢個包唔單止好食，仲可以感受到店家嘅用心 ♥♥
_(2)1.jpg)
朝早著完韓服影完靚相一定好攰～
記得嚟呢度補充下熱量，休息下再繼續接下來嘅行程啦！
＜關於韓國旅遊－韓國文青Cafe 7. Lait (서촌영과자점 레)嘅詳細資訊＞
韓國文青Cafe 7. Lait (서촌영과자점 레)營業時間 : 08:30~22:00 住址 : 서울시 종로구 통인동 118-10 電話號碼 : 02-739-8868 |
韓國旅遊/首爾文青Cafe 8. Beam Balm Cafe (빔밤 카페)
首爾自由行 "用投影做成嘅美麗背景、可以影出人生照片嘅Cafe"
Beam Balm Cafe'係一間以美麗嘅投影聞名，位於弘大嘅一間靚Cafe。
_(3).jpg)
以呢個投影區作為背景，真係可以影出超靚嘅人生照㗎 ！
不過因為呢間Cafe喺韓國非常有人氣，所以每到周末都必要排一陣隊先入到去！
_(5).jpg)
除咗投影區之外，呢間Cafe嘅裝潢都好靚，可以影到好多好靚嘅相。
鍾意影相嘅朋友，呢度絕對係一間唔可以錯過嘅Cafe！
＜關於韓國旅遊－韓國文青Cafe 8. Beam Balm Cafe' (빔밤 카페)嘅詳細資訊＞
韓國文青Cafe 8. Beam Balm Cafe' (빔밤 카페)營業時間 : 12:00 ~ 22:30 公休日 : 星期一 住址 : 서울특별시 마포구 와우산로 21 營業特別事項 : 最後點餐 22:00 電話號碼 : 02-336-5958 價格 : 橘子拿鐵오렌지라떼6000 棉花糖熱可可마시멜로우 핫초코5500 維也納咖啡아인슈페너6500 |
韓國旅遊/首爾文青Cafe 9. Arriate 驛三店 (아리아떼 역삼점)
首爾自由行 "充滿各式各樣嘅花草、可以影出人生照嘅<Arriate 驛三店>"
_(1).jpg)
Arriate係一間以「都市中嘅溫室」作為營運主題嘅花Cafe
呢道有一面專用嚟打卡嘅牆，牆上面充滿住各式各樣嘅花，
喺呢度影相一定可以影到人生照！
_(3).jpg)
天花板上面仲有乾花點綴，令成間鋪睇落好有生氣，
而且Arriate嘅老闆係一位花卉藝術家，所以喺呢度仲可以買到細細束嘅花㗎！
_(4).jpg)
Arriate嘅咖啡類比較少，薄荷茶等茶類選擇比較多
送餐嘅時候仲會有一個插住花嘅細花樽，好靚～！
鍾意花又鍾意影相嘅朋友，呢度一定係你唔可以錯過嘅江南Cafe！
＜關於韓國旅遊－韓國文青Cafe 9.Arriate 驛三店 (아리아떼 역삼점)嘅詳細資訊＞
韓國文青咖啡廳9.Arriate 驛三店 (아리아떼 역삼점)營業時間 : 09:00 ~ 22:00 住址 : 서울특별시 강남구 논현로 520 電話號碼 : 02-567-4040 費用 : 西柚茶자몽차3500 柚子茶유자차3000 薄荷茶허브티6000 玫瑰汽水로즈에이드6000 花披薩꽃피자8500 |
韓國旅遊/首爾文青Cafe 10. WATCO (왓코커피)
首爾自由行 "喺新村一帶以好味嘅鮮奶咖啡同現代氛圍出名嘅Cafe"
_(2).jpg)
新村大路上有好多Cafe，但事實上新村真正嘅魅力係嚟自個啲位於巷仔入面，而且深受韓國大學生喜愛嘅Cafe。
_(3).jpg)
呢度有一間叫做WATCO嘅Cafe，係延世大學、西江大學學生成日嚟幫襯嘅Cafe，
坐喺Cafe入面，可以重溫學生時期安靜做嘢、溫書嘅日子，
行入啲，呢度仲有最近喺韓國好流行嘅白牆同工業風嘅高級家俬。
_(9).jpg)
WATCO嘅招牌飲品係鮮奶咖啡!
由專業嘅咖啡師親自烘培嘅濃烈鮮奶咖啡，令人一飲就上癮，
可以飲到溫和嘅牛奶同濃厚嘅濃縮咖啡，加埋一齊嘅味道!
＜關於韓國旅遊－韓國文青Cafe 10. WATCO (왓코커피)嘅詳細資訊＞
韓國文青Cafe 10. WATCO (왓코커피)營業時間 : 11:00~22:00 公休日 : 全年無休 住址 : 서울 마포구 서강로16길 63 電話號碼 : 070-5055-3832 價格 : 卡布奇諾카푸치노5000 鮮奶咖啡카페라떼5500 港式奶茶홍콩밀크티5000 |
睇完呢10間文青Cafe嘅介紹後，邊一間嘅風格係你最鍾意㗎呢?
可以睇得出韓國Cafe嘅店家都好認真經營!
下次嚟韓國旅行，將Cafe加入你嘅行程啦!