Hello！大家好～～～

我哋係由韓國人每日提供最新韓國旅遊資訊嘅Creatrip！

前排介紹咗【韓國首爾:住宿】TOP6首爾住宿推薦！可以用中文溝通，乾淨整潔嘅首爾住宿(價錢、位置)

除咗旅客最常去嘅首爾以外，近年嚟大邱旅遊都頗受歡迎，今次就為大家介紹下兩間大邱嘅住宿。

佢哋都係小編們親身住過後寫嘅感受，快啲嚟睇下啦!

開始睇呢篇文章之前，可以睇睇其他關於韓國旅行嘅文章~

【韓國機場巴士】到咗韓國機場之後點出市區？機場巴士總整理！（含仁川機場.金浦機場.釜山機場.大邱機場等資訊）

【韓國交通】旅行實用方法！搭KTX由首爾站出發去釜山~大田~大邱旅行啦！

【韓國旅遊：大邱】韓國大邱自由行！行程規劃推薦景點總整理✈

【大邱必去】 聚集所有人氣路邊小食嘅大邱西門市場！

【韓國大邱美食】 橋村炸雞嘅發源地－美食之都大邱！韓國人都推薦嘅大邱美食TOP10！

韓國大邱住宿1. 東大邱站 City View House 시티 뷰 하우스(韓國民宿)

韓國大邱住宿:同時擁有舒適空間同設計感嘅公寓住宿～

今次入住嘅係三人房，除咗有一張雙人床之外，仲有一張梳化床。

呢度有除咗雙人房同四人房以外嘅房型選擇，更符合部分消費者嘅需求。

交通位置就非常近大邱KTX站，畀你一到大邱就可以好快去到住處。

房入面有一大塊落地窗，

覺得陽光刺眼或者想有啲私隱嘅話，將窗簾拉落嚟就得啦！

而房入面嘅空間夠大，一次過開晒三個行李都冇問題!

雙人床嘅上方仲有世界地圖同首爾、倫敦、紐約，三個唔同時區嘅鐘，

係咪睇咗就好有旅行嘅感覺呢?

City View House嘅浴室和廁所採用乾濕分離，咁就唔怕其他人沖完涼，會成個地板濕晒啦~

生活用品方面準備得好齊全，洗頭水、沐浴露、護髮素、洗面奶、洗手液、牙膏、番硯通通都有，

基本上淨係帶牙刷嚟就得!

有時候外塊旅行，會唔會想自己煮下公仔麵做宵夜，或者朝早煎下蛋做早餐呢?

冇問題! City View House房入面就有小型廚房可以用，有齊基本煮食用具!

甚至連洗衣機都有! (就喺電磁爐下面)

喺大邱玩咗成日返到民宿，

同屋企人、朋友一齊睇下電視，傾下計，

食個宵夜，簡直係人生一大享受啊~~~

睇更多東大邱站住宿周邊嘅美食同咖啡推薦

<韓國大邱住宿：City View House詳細資訊>

<韓國旅遊 大邱：大邱和平市場雞胗街詳細資訊>

<韓國旅遊 大邱：東村壁畫村（大大小小幸福村）詳細資訊>

<韓國旅遊 大邱：八公山（纜車）詳細資訊>

韓國大邱住宿2. 東城路 Hakuna Matata 하쿠나마타타 (韓國民宿)

韓國大邱住宿:超級豪華舒適又典雅嘅公寓住宿～

呢間位於大邱東城路嘅住宿，交通非常方便。

如果唔介意冇服務人員，要自行Check in，咁呢間位於29樓嘅apartment就好啱您啦！

因為位於高層，又有一大面窗，日光可以完全照入屋入面~

屋主好識浪漫，將間房布置得好靚。

係一種簡單俐落，但又好有溫馨感嘅設計～

每日出門前就企喺全身鏡前檢查(欣賞)一下，順便影張自拍照lol

除咗窗邊有張雙人床之外，呢間房還有個小閣樓～

仲有一個單人床同書枱，好適合鍾意同屋企人朋友住一齊，但又想有少少個人空間嘅人!

浴室除咗採乾濕分離外，仲多咗一般住宿都啱一定會有嘅免治馬桶!

呢樣嘢喺冬天特別需要㗎~

生活用品方面都準備得好充足!

洗手液、洗面奶、沐浴露、洗頭水、護髮素，應有盡有。

只係帶自己嘅牙刷就得啦～

Apartment式嘅住宿又點少得廚房呢?

除咗提供餐具外，仲有微波爐! 唔洗怕外賣番嚟嘅美食因為凍咗就唔好食啦！

呢度仲有提供洗衣機同風扇～ 係咪好方便呢?

仲有～有凳都好重要! 有時候喺出面玩咗成日，仲沒沖涼換衫又唔想坐喺床，就可以坐凳～

睇更多東城路住宿周邊嘅美食同咖啡推薦

<韓國大邱住宿：Hakuna Matata詳細資訊>

<韓國旅遊 大邱：元祖刀削麵詳細資訊>

<韓國旅遊 大邱：名家韓式小吃詳細資訊>

<韓國旅遊 大邱：JinGolMok餐廳詳細資訊>

<韓國旅遊 大邱：Cafe Anod詳細資訊>

<韓國旅遊 大邱：nevertheless咖啡詳細資訊>

睇完呢兩間大邱住宿嘅介紹，係咪好想快啲訂機票嚟大邱旅行呢?

Creatrip未來都會繼續更新，為大家介紹更多優質嘅大邱住宿!