Hello，大家好，我哋係由韓國人每日提供最新韓國旅行資訊嘅Creatrip。
韓國美妝同護膚品選擇多到數唔晒，但有一樣嘢真係唔分男女老少都一定需要——就係「護唇膏」！
加上韓國天氣普遍偏乾（尤其冬天更加嚴重），如果嘴唇保濕做得唔夠，好容易乾到甩皮裂開。所以小編特登幫大家整理咗韓國賣得最好、最受歡迎嘅護唇膏清單，快啲 save 低，下次嚟韓國就可以順便入手返韓國人都鍾意用嘅韓國牌子護唇膏啦。
2026韓國護唇膏推薦TOP 10
🏆Dr. Reju-All護唇啫喱(리쥬올 어드밴스드 PDRN 리쥬비네이팅 립 세럼)
- 原價：₩16,000
- 容量：12g
講起韓國PDRN護膚品，一定唔可以唔提到Dr. Reju‑All呢個牌子，佢哋唔止出咗一款臉部萬能修護霜，2026年更加新出咗呢款護唇啫喱，淨係得韓國藥局有得買，想入手嘅朋友記得行一轉藥房！
小編自己都有實際用過呢款Dr. Reju‑All PDRN護唇啫喱，質地偏凝膠狀，非常容易推開。重點係無化學香料、無色無味，搽少少就會feel到非常水潤。
小編搽咗兩日就覺得嘴唇甩皮情況有改善，搽完Dr. Reju-All護唇啫喱之後，24小時內就可以達到70%嘅角質改善、54%嘅補水效果同維持唇色紅潤，推薦大家可以去買！
[博客] 韓國藥局（Korean pharmacy）必買成分「PDRN（聚脲核甘酸/皮膚再生因子）」介紹/常見問答
[博客] 「Dr.Reju-All(Rejuall)」購買藥局推薦/預約
Torriden神經酰胺純素護唇精華(토리든 솔리드인 세라마이드 립 에센스)
- 原價：₩7,000
- 容量：11ml
Olive Young護唇產品排行榜入面，Torriden可以話係名列前茅，對比一般保濕型嘅護唇膏，Torriden SOLID IN護唇精華質感比較厚重，推薦喺夜晚沖完涼之後搽，起身之後嘴唇可以一直keep住水潤。
另外，Torriden亦都有出紅色管狀嘅護唇膏，嗰款就主打可以幫嘴唇補充膠原蛋白，加強保濕效果同時撫平唇紋。
OBgE Mood Change Lip Balm潤色護唇膏(오브제 무드 체인지 립밤)
- 原價：₩11,900
- 容量：3g
OBgE係一個由DEX代言，主打韓國男性保養市場嘅美妝品牌，呢款潤色護唇膏可以話係佢哋皇牌產品之一！
呢枝潤唇膏本身保濕度好，而且唔似女士潤色護唇膏咁紅，反而會令嘴唇睇落更加有血色、紅潤感，如果男士們韓國想買有潤色功效嘅護唇膏可以揀呢隻，不過因為有兩款色號，建議買之前喺Olive Young試色先。
BOHO Hyper Mint薄荷潤唇膏(보호 하이퍼 민트 립밤)
- 原價：₩18,000
- 容量：6g
同樣都主打男性市場嘅BOHO所推出嘅潤唇膏加入咗1.2%薄荷油，搽完會有清涼降溫嘅感覺，但唔會油笠，非常啱唔鐘意護唇膏有甜味嘅男士們。
另外呢枝潤唇膏比較大，好易推開，男士們來回搽一兩次就搞掂，怕煩唔鍾意搽潤唇膏可以由呢支潤唇膏入門！
Dr. Belmeur紓緩保濕潤唇膏(닥터벨머 데일리리페어 모이스처 립밤)
- 原價：₩9,500
- 容量：4g
由The Face Shop旗下子品牌「Dr. Belmeur」推出嘅呢款潤唇膏成分天然，喺韓國都好受歡迎。
Dr. Belmeur 呢款潤唇膏本身冇色、冇香味、冇刺激，質感好，擦上去唔會太硬亦唔會太軟，保濕效果公認唔錯，係多年來熱賣嘅潤唇膏之一。
BIODERMA Atoderm柔潤修護唇膏(바이오더마 아토덤 립스틱)
- 原價：₩20,000
- 容量：4g
連續8年喺Olive Young熱銷榜上嘅BIODERMA Atoderm柔潤修護唇膏專為敏感同極乾燥嘅嘴唇設計，因為含有豐富乳木果油同天然蜂蠟，可以深入滋潤，喺嘴唇表面形成長效鎖水保護膜，改善乾裂同脫皮。質地滑順，亦都唔含防腐劑，溫和低刺激，由細路到大人都安心全家用。
URIAGE柔潤保濕護唇膏(유리아쥬 스틱레브르 오리지널)
- 原價：₩20,000（兩支）
- 容量：4g
URIAGE柔潤保濕護唇膏雖然價錢比較貴，不過因為係藥妝級別，所以就算唇部比較敏感嘅朋友們都可以用！
呢款潤唇膏加入乳木果油同琉璃苣籽油，用落可以即刻為嘴脣注入深層保濕，補水同時有效鎖住水分，韓國咁乾燥嘅天氣下都可以令嘴唇長時間保濕唔會乾裂。
BRING GREEN 竹子玻尿酸唇部精華(브링그린 대나무 히알루 립 에센스)
- 原價：₩9,800
- 容量：11g
BRING GREEN玻尿酸唇部精華結合竹子與玻尿酸萃取物，吸收得好快而且完全唔笠，就算日常隨時搽都好啱！訓教前仲可以厚敷當唇膜做深層修復，搽完唇膏再疊搽一層都唔會影響效果，反而會令唇妝更水光透亮。
Himalaya潤唇膏(히말라야 립밤)
- 原價：₩3,900
- 容量：10g
Himalaya潤唇膏全球熱銷突破770萬支，最出名嘅就係左邊白色包裝嗰款，採用純素認證配方，核心成分「胡蘿蔔籽油」富含維他命A同E，可以強化嘴唇皮膚屏障，深層修護受損肌膚。
雖然質地好潤，但唔會太笠，能有效舒緩乾裂、軟化死皮。而且最大好處就係超平，隨身帶出街唔見咗都唔會肉赤。
GRAFEN男士潤色護唇膏(그라펜 트리플 핸섬립밤)
- 原價：₩22,000
- 容量：3.9g
最後一款要介紹嘅韓國潤唇膏，係由近年主打男性市場嘅GRAFEN推出嘅潤色護唇膏，質地偏硬但好推開，而且有好多款色號可以揀，搽上去之後成個人即刻睇落更加有血色同精神。呢款潤唇膏另一個特點係可以淨買護唇膏refill，用完之後方便替換！
以上係2026年最新韓國護唇膏推薦list，上述小編介紹嘅潤唇膏大部分都可以喺 Olive Young買到，不過第一款Dr. Re-ju All護唇啫喱就只可以喺韓國藥局買到（指定認證藥局仲可以退稅），係好高級嘅藥妝級唇部護理產品，推薦大家買返支試下！
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
