Hello，大家好，我哋係由韓國人每日提供最新韓國旅行資訊嘅Creatrip。
去韓國汗蒸幕係唔係總係比人一種好怕醜嘅感覺呢？同唔識嘅人一齊沖涼或者俾大媽幫你搓身，呢啲都係難以想像嘅文化。
今日就等居韓小編為大家介紹韓國汗蒸幕文化，話你知道去汗蒸幕體驗流程係點、有咩需要注意，再推薦9間最多香港人同韓國人去，喺首爾同釜山最出名嘅汗蒸幕，當中仲有連偶像都有去過嘅鋪頭，一齊繼續睇落去啦！
韓國汗蒸幕推薦店鋪懶人包
仲未諗好去邊間？不如按自己嘅旅行風格，揀一個最啱你嘅地方啦！
想感受韓劇氣氛 | |
想同女仔朋友一齊去 | |
想享受豪華療癒體驗 | |
需要CP值高住宿 | |
想體驗更溫和排毒 |
※最新更新於2026年3月，所有資訊均已得到店鋪確認。
※內容將不定期更新，惟營業資訊隨時有變，如有任何疑問請聯絡24小時客戶服務中心查詢。
韓國汗蒸幕總整理
咩係汗蒸幕？
去韓國旅行嘅時候其中一個絕對唔可以錯過嘅文化就係汗蒸幕！除咗可以焗桑拿之外，仲可以享受到正宗韓式搓澡、按摩，甚至當地人氣美食，係一個終極放鬆空間。簡單啲嚟講就係一個可以一次過享受桑拿、美食同住宿嘅韓式超大型SPA！
雖然香港都有桑拿呢個概念，不過韓國汗蒸幕同香港桑拿好唔同：
✔可以男女、家人朋友一齊享受
公共空間好多，好適合同情侶或者朋友一齊去！
✔24 小時營業，唔使再煩住宿問題
對搭凌晨機或者朝早機嘅旅客嚟講，汗蒸幕係CP值最高嘅住宿！
✔獨一無二嘅道地體驗
可以盡情感受羊咩咩頭、甜米露、搓澡等韓國文化！
韓國汗蒸幕體驗方法及注意事項
使用流程
STEP 1 | 入場
俾入場費後領取汗蒸幕衫、毛巾同鎖匙(手環)
STEP 2 | 寄存個人物品
將鞋放入鞋櫃，然後將隨身行李放入同鎖匙號碼相同嘅儲物櫃
STEP 3 | 沖身清潔
去大眾浴池沖身同浸浴之後，換上汗蒸幕衫，去有汗蒸房/桑拿同大廳嘅共用區域
STEP 4 | 汗蒸幕消費
喺小賣部買嘢時只需要用鎖匙感應記賬即可
STEP 5 | 結算
將鎖匙交返去前台，支付費用即可
準備物品Checklist
□ 替換內衣褲
因為喺桑拿入面會流好多汗，所以一定要準備！
□ 沐浴用品、護膚品
雖然可以喺汗蒸幕小賣部買，但如果有用開嘅記住自備
□ 梳
更衣室入面會有共用梳，介意嘅話自備會比較安心
□ 現金散紙
部分比較舊嘅小賣部或者按摩機需要用到硬幣
根據小編經驗，通常汗蒸幕都會提供汗蒸幕衫同毛巾，但通常唔會免費提供除咗番梘以外嘅盥洗用品，如果有需要或者唔記得帶都可以去小賣部或者自動販賣機買！
必知汗蒸幕禮儀及規則
沖涼之後先可以浸浴
如果想浸浴，記住一定要先洗乾淨身體先好入浴池
唔好將毛巾放入浴池
為保持衛生，記住入浴池前要攞走毛巾
更衣室內嚴禁拍攝
為避免發生糾紛，請避免喺更衣室同大眾浴池等會裸身嘅區域拍攝
※可以喺共用區域影相，但係注意唔好影到其他客人
只可以喺指定區域飲食
通常得大廳同餐廳可以食嘢，亦唔可以自行帶食物入去
韓國汗蒸幕必學！羊咩咩頭毛巾摺法 (How-to)
摺毛巾：首先將毛巾攤開，打直摺成三份，整成一條長條形。
捲埋兩邊：好似捲衫袖咁，將毛巾兩邊由內向外捲2至3圈。
戴上頭：撐開中間位，好似帽咁戴上頭就搞掂！
溫馨提示：兩邊捲得實少少，個「羊角」就無咁易散，記得影相打卡呀！
詳細圖文教學👇🏻
[블로그] 韓國汗蒸幕整羊咩咩頭教學
韓國9間汗蒸幕推薦
東大門 | SPAREX(스파렉스)
東大門店
- 地址：서울 중구 장춘단로 247 B3F
- 營業時間：24小時
- 交通： 東大門歷史文化公園站（동대문역사문화공원역）14號出口
- 附近景點：
- DDP（徒步5分鐘）
- 廣藏市場（徒步10分鐘）
- 東大門批發商場（徒步3分鐘）
小編小貼士💡 ✅仁川機場出發：AREX+地鐵2號線（約70分鐘）✅金浦機場出發：地鐵5號線+地鐵2號線（約40分鐘） ✅深夜/凌晨機：機場巴士6002號東大門站（約50分鐘） 📌推薦行程：東大門購物 → SPAREX → 廣藏市場晚餐 → 住宿 |
東廟店
- 地址：서울 종로구 지봉로 19 12F
- 營業時間：24小時
- 交通：東廟站（동묘역）6號出口
「東大門SPAREX」係一間已經經營超過10年嘅汗蒸幕，一直都深受本地人同遊客歡迎。呢度採用傳統韓屋裝修風格，非常闊落，職員亦都夠親切，住東大門或者喺東大門行街行到攰都可以隨時嚟休息吓~
SPAREX有位於Good Morning City嘅東大門店，附近仲有一間更加新淨嘅東廟店！之前小編同朋友有去過玩，環境大好多，而且仲可以俯瞰到首爾城市景色，不妨可以參考以下呢條Reel：
更多資訊/購買門票👇🏻
[스팟] SPAREX汗蒸幕（東大門店）
[스팟] SPAREX汗蒸幕（東廟店）
明洞 | 免疫工房(면역공방)
- 地址：서울 중구 퇴계로20길 2 B2F
- 營業時間：07:00 - 21:00（農曆新年、中秋節休息）
- 交通：明洞站（명동역）3號出口
「免疫工房」利用日本最古老天然礦石所產生嘅波動，幫助排出人體體內毒素同大量汗水，試過嘅朋友都話精神爽利！
[이미지 슬라이더] 
平時汗蒸幕嘅沖涼位都唔會有遮擋，但之前小編去明洞「免疫工房」嘅時候發現呢度居然係獨立一格格，仲有浴簾遮住，怕醜嘅大家都可以去！
老闆話入去之前一定要先飲3杯水或以上，然後鋪條毛巾，趴喺地下5分鐘，之後轉過身再休息10分鐘，呢個過程重複2至3次已經會出好多汗。出返嚟之後記住要休息一陣同補充水分，再食埋包括烤雞蛋、免疫果汁同乳酸菌飲品嘅免疫工房套餐，真係超滿足！透過我哋仲可以用優惠價預約，有興趣就唔好錯過啦。
更多資訊/購買門票👇🏻
[스팟] 免疫工房（明洞）
明洞 | 黃金桑拿(황금사우나)
- 地址：서울 중구 명동8가길 27 B2F
- 營業時間：24小時
- 交通：明洞站（명동역）8號出口
「黃金桑拿」係一間女性專用汗蒸幕，雖然有男士浴池，不過汗蒸幕就淨係得女士可以入場。呢間汗蒸幕喺明洞都好出名，門口附近更加擺滿韓國同其他國家嘅明星嘅簽名。
[이미지 슬라이더] 
入到去浴池區就會見到有沖涼嘅地方同三個浴池，亦都有乾式同濕式桑拿，如果想體驗搓澡嘅話都可以加錢做。而去到汗蒸幕共用地方，就會見到有睡眠室、黃土房同艾草坐薰房，特別係後面兩間房對女仔身體好好，可以促進血液循環、排毒同淨化身體！如果今次會同姐妹一齊去，推薦大家可以嚟「黃金桑拿」體驗！
更多資訊/購買門票👇🏻
[스팟] 黃金桑拿（明洞）
明洞 | Hana Mud汗蒸幕(명동 하나 머드 마사지 사우나)
- 地址：서울 중구 을지로14길 7
- 營業時間：09:00-22:00
- 交通：乙支路三街站（을지로3가역）10號出口
呢間明洞老字號汗蒸幕同樣係女士專用，主打韓式美容療程。基本療程就已經包汗蒸幕、高麗人參&礦物浸浴同全身泥漿面膜，非常抵做！
[이미지 슬라이더] 
「Hana Mud汗蒸幕」仲有提供24K純金面膜，媲美美容院級數。想即刻感受到皮膚狀態得到改善，或者想一次過體驗韓國美容同汗蒸幕文化嘅朋友們！
更多資訊/購買門票👇🏻
[스팟] Hana Mud汗蒸幕（明洞）
弘大 | 弘大24小時火爐桑拿(홍대24시불가마사우나)
- 地址：서울 서대문구 신촌로 1 B2F
- 營業時間：24小時
- 交通：弘大入口站（홍대입구역）5號出口
呢間汗蒸幕位於弘大入口站附近，而且24小時開放，如果未夠鐘check-in住宿都可以暫時喺度休息！入面最特別嘅係有一間可以促進血液循環、改善手腳冰冷同達至排毒效果嘅量子治癒房，有助增強免疫力！
[이미지 슬라이더] 
量子治癒房驟眼睇同普通桑拿冇咩分別，不過量子能量會將熱力穿過皮膚表皮層傳達至內臟，有助排毒仲可以增強免疫力。而且可能因為冇咁熱，所以小編之前去嘅時候有唔少老人家都喺呢度。
「弘大24小時火爐桑拿」嘅另一個特點係有得租房，要另外俾錢，不過有需要可以向櫃檯職員講！大家可以攞出面啲墊入去瞓，入面仲有部電視，夠私人舒服。呢度亦都有女士專用睡眠室，覺得要同異性喺同一個地方瞓會唔舒服嘅話可以去嗰度。另外呢度亦都有餐廳、小食部、按摩椅等其他便利設施，留喺度一段長時間都夠舒服。
更多資訊/購買門票👇🏻
[스팟] 弘大24小時火爐桑拿
忠正路 | 美素桑拿(미소사우나)
- 地址：서울 서대문구 서소문로 45 B1F
- 營業時間：08:00-21:30
- 交通：忠正路站（총정로역）3號出口
呢度係一個隱世好去處，可以遠離旅遊景點嘅喧鬧，同本地人打成一片，感受更深入嘅韓國體驗。
[이미지 슬라이더] 
雖然規模唔大，但氣氛非常居家、溫馨放鬆，無論男女都可以預約！小編之前去過一次，同其他汗蒸幕唔同嘅地方在於呢度會提供艾草坐薰同淋巴按摩，坐薰可以改善月經不調、生理痛；熱石淋巴按摩非常舒服，小編平時容易水腫，按完之後效果好明顯，仲會敷埋面膜。
另外呢度嘅搓澡療程亦都非常出名，推薦想體驗韓國傳統搓澡文化嘅朋友嚟！
更多資訊/購買門票👇🏻
[스팟] 美素桑拿（忠正路）
永登浦 | SeaLaLa 水上樂園&汗蒸幕(씨랄라 워터파크 & 찜질방)
- 地址：서울 영등포구 문래로 164
- 營業時間：星期一、三至日 10:00-19:00
- 交通：文來站（문래역）4號出口
SeaLaLa位於永登浦，係一個同時有水上樂園同汗蒸幕嘅複合設施。呢度嘅汗蒸幕仲有黃土房、竹炭房、冰房等等，有助改善血液循環、減輕壓力、助眠之餘，仲可以抗衰老、改善皮膚同體質。
呢度有提供套票，可以一次過去玩水同享受桑拿！不過要注意呢度營業時間會根據季節而有所變動，所以預約之前記住睇清楚Creatrip預約頁面或者官網，確認相關資訊。
更多資訊/購買門票👇🏻
[스팟] 永登浦 SeaLaLa 水上樂園&汗蒸幕12小時使用券
高陽/河南/安城 | AQUAFIELD(아쿠아필드)
高陽店
- 地址：경기 고양시 덕양구 고양대로 1955
- 營業時間：
- 淡季 10:00-22:00
- 旺季 09:00-22:00
- 前往方法：三松站（삼송역）3號出口
河南店
- 地址：경기도 하남시 미사대로 750
- 營業時間：
- 淡季 10:00-22:00
- 旺季 09:00-22:00
- 前往方法：河南黔丹山站（하남검단산역）1號出口
安城店
- 地址：경기 안성시 공도읍 서동대로 3930-39
- 營業時間：
- 淡季 10:00-22:00
- 旺季 09:00-22:00
- 前往方法：平澤站（평택역）轉乘巴士
AQUAFIELD係首爾附近最受歡迎嘅大型汗蒸幕，分別有高陽店、河南店同安城店，三間都位於Starfield百貨公司入面，體驗完仲可以去行街。
[이미지 슬라이더] 
各分店分別有10款唔同嘅主題SPA，仲有泳池、足浴區、按摩椅等，水上樂園區都好啱一家大細一齊去玩。特別係高陽店屋頂Infinity Pool泳池可以睇到一望無際嘅北漢山山景，仲有按摩池，相當療癒！
更多資訊/購買門票👇🏻
[스팟] [京畿道] 高陽／河南／安城 AQUAFIELD汗蒸幕&水上樂園優惠門票
釜山 | Centum SPA LAND(센텀 스파랜드)
- 地址：부산 해운대구 센텀남대로 35
- 營業時間：09:00 - 22:00
- 前往方法：Centum City站（센텀시티역）12號出口
比起其他汗蒸幕同Spa，「Centum SPA LAND」個價位偏高，不過無論係裝修定設施都相對上高級同新淨，而且都光猛過普通汗蒸幕，就好似去咗度假村咁！而且因為呢間Spa位於海雲台新世界百貨公司入面，大家享受完汗蒸幕，充滿電之後就可以再去Shopping。
去到大家可以同時體驗芬蘭、土耳其、羅馬等世界各地特色桑拿，當然亦都有傳統汗蒸幕、喜馬拉雅山鹽療房、竹炭房等多種主題房。因為規模非常大，入面更加有多種便利設施，更加有埋餐廳同Cafe，可以喺度玩好耐！
更多資訊/購買門票👇🏻
[스팟] 釜山Centum SPA LAND入場券
2026韓國9間人氣汗蒸幕比較表
店鋪名稱 | 價錢 | 特徵 | 推薦人士 |
SPAREX (東大門/東廟) | ₩14,000 (14000) | 空間大、傳統韓屋 | 需要過夜 |
免疫工房 (明洞) | ₩17,000 (17000) | 排毒療程 | 第一次去汗蒸幕 |
黃金桑拿 (明洞) | ₩20,000 (20000) | 女士專用、明洞站附近 | 獨旅女生 |
Hana Mud汗蒸幕 (明洞) | ₩72,000 (72000) | 女士專用、高級美容 | 希望體驗韓式美容 |
弘大24小時火爐桑拿 (弘大) | ₩11,000 (11000) | CP值高、交通方便 | 搭凌晨機 |
美素桑拿 (忠正路) | ₩70,000 (70000) | 提供艾草坐薰、淋巴按摩 | 希望進行女士護理 |
SeaLaLa (永登浦) | ₩25,000 (25000) | 有水上樂園 | 一家大細 |
AQUAFIELD (高陽/河南/安城) | ₩23,000 (23000) | 高級設施、Infinity Pool | 家庭、情侶 |
Centum SPA LAND (釜山) | ₩23,500 (23500) | 五星級設施、特色桑拿 | 安排高級療癒行程 |
※價錢為2026年3月基準成人日間基本金額
| 小編小貼士💡 大部份汗蒸幕都係24小時營業，不過夜間入場券會比較貴/要加錢，去之前記住睇清楚！ |
韓國汗蒸幕常見問題FAQ
Q1. 韓國汗蒸幕需唔需要預約？可唔可以即日Walk-in？
A：基本上唔需要預約都可以買到入場券，不過如果想按摩或者體驗韓式搓澡，就有可能需要提前預約，或者即日到場登記。如果已經安排好行程，建議大家可以透過Creatrip預約優惠門票，用更抵價錢體驗韓國汗蒸幕文化！
Q2. 韓國汗蒸幕收費大概係幾多？
A：一般汗蒸幕入場費大約係 ₩10,000-15,000(10000-15000)，高級汗蒸幕或者連埋水上樂園嘅大型汗蒸幕就大約係₩30,000-50,000 (30000-50000)。
Q3. 唔識講韓文點算？會唔會影響到體驗？
A：旅遊區附近嘅汗蒸幕有好多都可以用中文或者英文溝通，不過簡單用手指住或者用翻譯App其實都夠，唔需要擔心。
Q4. 韓國汗蒸幕可唔可以凌晨去？
A：好多汗蒸幕都係24小時營業，亦有唔少人會喺搭深夜巴士或者凌晨機前後去，而且大部分汗蒸幕都有提供好多地方可以小睡嘅空間！
Q5. 可唔可以帶小朋友去韓國汗蒸幕嗎？
A：有唔少設施都適合一家大細一齊享受，好似SeaLaLa呢類地方就特別啱小朋友。不過如果係去傳統韓國韓正幕，要注意小朋友去到5歲就唔可以進入另一性別嘅澡堂。
Q6. 可唔可以用信用卡？
A：大部分汗蒸幕都可以用信用卡付款，不過部分按摩機或者小賣部有時仍然需要用到現金。
Q7. 有紋身可唔可以入澡堂同汗蒸幕？
A：每間汗蒸幕規則唔同，通常細細個嘅紋身都冇問題，但如果紋身面積較大，或者較具威嚇感嘅紋身有機會會被限制入場，建議事前喺櫃檯確認。
Q8. 去汗蒸幕有咩係必食？
A：大家去汗蒸幕一定要試甜米露同燻雞蛋呢個經典組合，喺桑拿出一身汗之後再飲冰涼嘅甜米露真係超舒服！比較大嘅汗蒸幕仲會有餐廳，大家可以食到好似冷麵、辣炒年糕等韓國傳統美食。
Q9. 韓國汗蒸幕有冇Wi-Fi？
A：大部分設施都提供免費 Wi-Fi。
Q10. 韓國汗蒸幕會男女混浴？
A：澡堂區域係男女分開嘅；至於桑拿、汗蒸幕、休息空間等就屬於共用區域。
Q11. 喺浴場區域係咪要除晒所有衫？
A：係，大眾浴池範圍需要裸身入。
Q12. 可唔可以寄存行李箱呢類大件行李嗎？
A：可以，大部分大型汗蒸幕（例如 SPAREX、Spa Land 等）都會喺櫃檯提供免費或者收少量費用嘅行李寄存服務，有需要可以向現場職員查詢。
更多常見問答可以參考以下文章：
[블로그] 韓國汗蒸幕常見問題FAQ | 第一次去要知嘅流程同注意事項
以上就係小編幫大家整理嘅韓國汗蒸幕行前攻略，仲有最新韓國汗蒸幕推薦，希望可以幫到大家plan行程啦！
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
