釜山必買紀念品

Hello，大家好，我哋係由韓國人話你知每日最新韓國資訊嘅Creatrip。

＃2019＃韓國釜山必買
＃釜山旅遊＃釜山特色
＃釜山紀念品＃推薦

韓國紀念品對好多人嚟講，係個幾困擾嘅問題，既要有韓國特色嘅，又要啱對方心意~

韓國咁多個旅行城市，首爾可以買到嘅手信選擇比較多，咁如果係去釜山呢??

一個大型海港城市，到底要買啲咩先可以代表呢一次旅行嘅回憶呢？

小編今日就介紹韓國釜山必買嘅特色紀念品畀大家參考。

✨馬上Follow我哋IG
instagram.com/creatrip.hk

?釜山海雲台、西面美甲店推薦

釜山必買紀念品：1. 移動的照片商店（움직이는나진상점）

• 地點：釜山甘川洞文化村
• 地址：부산 사하구 감내2로 170-1
• 類型：特色手翻書
• 時間：10:30至18:30

移動的照片商店｜預約去

請夏同鄭彩娟製作嘅手翻書

位於甘川文化村嘅釜山必買紀念品「移動的照片商店」，係企喺STUDIO入面連拍、換背景，最後整成一本書仔。

如果好快咁揭本書仔，相入面嘅動作就連埋咗一齊，好似動畫咁。

真係超級特別，係個可以永遠記錄底當下回憶嘅紀念品。

呢一本書仔，仲有個好靚嘅包裝，同朋友、情人一齊嚟影番輯相啦！

而且佢嘅價錢唔貴，性價比好高。

如果大家都有釜山必去嘅甘川洞文化村呢個行程，就去體驗下，整番本咁得意嘅手翻書啦！

? 移動的照片商店詳細資訊

釜山必買紀念品：2. Little Planet（리틀플래닛）

• 地點：釜山西面
• 地址：부산 부산진구 서면로68번길 16
• 類型：行李帶
• 時間：09:00至20:30

喺釜山西面嘅巷仔入面，有間以整「行李帶」聞名嘅釜山必買紀念品店：Little Planet，相信大家對佢都一定唔陌生。

好多人都會特登去呢間釜山紀念品店，一次過整好多行李帶帶番屋企。

行入唔係好大嘅鋪頭，就可以見到有好多行李帶，大家可以睇下牆上面嘅成品，參考想要咩款式同顏色。

行李帶上要放咩圖案同文字，可以因應個人需要決定，同老闆講就得啦！

除咗行李帶外，韓國釜山必買商店：Little Planet仲有好多貼紙、明信片同埋有特別款嘅啤牌賣，好值得行下。

如果去開西面商圈，可以朝早過嚟訂行李帶，晏就再番嚟拎，咁就唔會耽誤行程啦。

? Little Planet詳細資訊

釜山必買紀念品：3. SOUVENIR SHOP（아기자기 체험공방）

• 地點：釜山甘川洞文化村
• 地址：부산 사하구 감내2로 182
• 類型：彩繪體驗

釜山必去嘅甘川洞文化村，除咗啱啱介紹嘅手翻書之外，仲有咩係釜山必買嘅紀念品呢？

呢間位於半地下嘅彩繪體驗商店，將甘川洞最有特色嘅七彩屋整成模型，一睇就知道係韓國釜山！

呢啲又靚又得意嘅紀念品，就淨係可以喺釜山必買紀念品商店：SOUVENIR SHOP搵到。

有興趣嘅話，可以現場報名彩繪課程，畫出屬於自己嘅甘川洞文化村。

釜山必買紀念品：彩繪房屋價錢

• 彩繪一棟小房：₩2,000
• 彩繪一堆房子：₩20,000
• 直接購買：₩25,000

? SOUVENIR SHOP詳細資訊

釜山必買紀念品：4. 橘子海（오랜지바다）

• 地點：釜山廣安大橋
• 地址：부산 수영구 광안해변로 245-1
• 類型：文創小物
• 時間：10:00至23:00

位於廣安里海水浴場咖啡街嘅「橘子海」，係一間好文青嘅釜山必買紀念品店，入面有賣好多特色小物、手工銀包同手繪明信片等等。

呢度賣嘅嘢全部都係手工製作，所以好推薦畀大家。

明信片係小編覺得最必買，每一張都好特別，係其他地方都搵唔到嘅款式，而且其他小飾品嘅設計同材料都同大海相關。

嚟到釜山，點都要帶走呢啲咁有海洋風嘅紀念品，記底同呢個海邊城市嘅回憶。

? 橘子海詳細資訊

釜山必買紀念品：5. TWIN ÉTOILE（트윈에뚜왈）

• 地點：釜山西面
• 地址：부산 부산진구 서전로10번길 22-6
• 類型：生活小物
• 時間：12:00至21:00

藏身喺西面巷仔入面嘅釜山必買紀念品店：TWIN ETOILE，具有獨特嘅設計風格，

鍾意呢種設計感小物，又唔想去Daiso、ARTBOX嘅朋友，一定要嚟行下西面呢間紀念品店。

大家應該有時都會好奇，韓國SNS入面嘅IG 女神，成日都會有啲好有質感嘅物品，呢一啲物品係喺邊度搵㗎呢？

其實，佢哋都係喺類似呢種鋪頭入面買到，所以大家買嚟做紀念品，都可以影番啲呃like相，做下網紅（？）

呢度充滿咗唔同嘅設計小物，明信片、吊飾或者生活用品，仲有小編覺得好正嘅香氛蠟燭，喺釜山西面TWIN ETOILE都可以搵到。

去開西面嘅朋友一定要嚟行下，買番啲獨一無二嘅韓國釜山紀念品啦！

? TWIN ÉTOILE詳細資訊

釜山必買紀念品：6. OBJECT（오브젝트）

• 地點：釜山西面
• 地址：부산 부산진구 전포대로209번길 11
• 類型：生活小物
• 時間：11:00至22:00

呢間韓國釜山必買紀念品店嘅位置，就係西面田浦洞咖啡街附近。

佢嘅總店喺弘大，西面嘅分店都好受釜山年輕人歡迎。

呢度聚集咗好多新興設計師嘅品牌，賣一啲世上獨一無二嘅設計商品，鍾意手工設計商品嘅人，一定會好鍾意呢一度。

雖然同弘大店面比起，釜山西面嘅鋪頭規模比較細，

但佢哋以「手工」做主題，販賣好多幾乎冇用機器純手工製作嘅商品，因此相當受到韓國文青們嘅歡迎。

釜山必買紀念品店：西面OBJECT唔會賣千篇一律嘅商品，所以想買一啲特別紀念品啲朋友，非常推薦可以嚟呢度買。

手工陶瓷杯都係呢間鋪嘅熱賣品，不妨嚟買一個帶走啦！

? OBJECT詳細資訊

釜山必買紀念品：7. 月屋（달집）

• 地點：釜山甘川洞文化村
• 地址：부산 사하구 감내2로 184
• 類型：明信片

位於釜山甘川洞文化村嘅「月屋」，係一間可以買到靚靚明信片，而且仲可以幫大家寄出去嘅紀念品商店。

韓國唔似台灣咁周圍都係郵筒，寄信嘅話一定要去郵局，而且郵票好難買，推薦大家嚟釜山可以去甘川洞文化村嘅月屋行下。

喺月屋買完明信片之後，可以上二樓寫。

寫好嘅明信片可以放入你想寄出嘅日期格入面，老闆就會喺嗰日幫大家寄出（郵費另計）。

除咗明信片之外，店入面仲有好多特色紀念品，鍾意嘅朋友可以行下，睇下有咩好買。

? 月屋詳細資訊

釜山必買紀念品：8. Check In Busan（체크인부산）

• 地點：釜山南浦洞
• 地址：부산 중구 광복로97번길 14 3F
• 類型：明信片
• 時間：週四至週一08:00至17:00；週二08:00至14:00；週三公休

位於南浦洞商圈內嘅Check In Busan，係一對夫妻(台灣老婆同韓國老公)開嘅Cafe。

唔單止有賣簡單餐飲，仲有出售明信片同代寄服務。

去釜山自由行嘅台灣人嚟講，一定有聽過呢間鋪啦！

呢度空間好大，而且可以喺呢度食早餐，老闆娘仲會好親切咁回答客人對釜山旅行嘅疑問。

如果咁啱住喺南浦洞商圈，不妨嚟呢間釜山紀念品店「Check In Busan」，買張明信片啦！

? Check In Busan詳細資訊

釜山必買紀念品：8. CRAFT（예쁘다craft）

• 地點：釜山慶星大·釜慶大
• 地址：부산 남구 대연동 496-1
• 類型：體驗、生活小物
• 時間：12:30至22:00

慶星大·釜慶大站附近嘅釜山必買紀念品店：CRAFT，係一間行入去，就可以聞到唔同香氣嘅手工品商店。

主要販賣各種好靚嘅香氛蠟燭。

不論係可愛嘅卡通造型，定係優雅擺設，全部都係出自老闆娘嘅一對巧手。

除咗買喺鋪頭見到嘅嘢之外，想要特別啲，可以問下老闆娘有冇客製化服務，甚至可以自己落手做。

店入面所有產品（飾品除外）都可以向老闆娘指定要咩類型。

如果確定可以整，老闆娘就會報價畀你（所需材料唔同、費用都唔同），跟住就會帶埋你一齊落手！

? CRAFT詳細資訊

釜山必買紀念品：9. MINI BUSAN（미니부산）

• 地點：釜山甘川洞文化村
• 地址：부산 사하구 감내2로 178
• 類型：香氛蠟燭、生活小物
• 時間：10:00至17:30

一度消失匿跡，小編仲以為已經執咗嘅紀念品店MINI BUSAN，原來仲喺度（2019年04月小編親自確認）。

呢度有賣好多韓國人都好鍾意嘅凝膠蠟燭，而且都係一啲好有特色又靚嘅款式。

各有特色，唯一不變嘅係好多都帶有代表住大海嘅元素。

如果喺甘川洞想買釜山必買、又靚又特別嘅紀念品番去，小編好推薦呢間MINI BUSAN。(小編自己都買咗唔少)

各具特色，每個都好似有好多故事一樣，喺陽光下閃閃發光。

小編覺得釜山最適合嘅紀念品就係凝膠香氛蠟燭，又實用，用嚟做擺設都好靚。

? MINI BUSAN詳細資訊

睇完呢啲釜山自由行必買嘅呢啲紀念品推薦，大家有冇咩心水呢？

但其實除咗我哋介紹嘅釜山必買紀念品之外，只要可以畀你喺未來，一見到就會諗起韓國美好回憶嘅，就係一份好好嘅紀念品啦。

咁多位，我哋下次見。

✨馬上Follow我哋IG
instagram.com/creatrip.hk

?釜山炸雞代訂外送服務中

其他延伸閱讀
白險灘文化村	釜山遊艇半價中
釜山咖啡廳整理	西面地下街探訪
釜山美髮預約	釜山行程推薦
釜山網路吃到飽	便利店人氣軟糖