Hello，大家好，我哋係由韓國人每日提供最新旅遊資訊嘅Creatrip。
#韓國文化 #韓國人
#Motel
今日要同大家講下韓國嘅Motel文化，韓國擁有Motel王國嘅稱號，究竟韓國嘅點解會有咁多呢啲地方？當中到底有啲咩祕密，而家就等小編話俾大家聽。
✨馬上Follow我哋IG
instagram.com/creatrip.hk
呢篇係小編嘅個人意見，並唔代表韓國人嘅立場韓國Motel文化
象徵著不倫嘅韓國Motel
喺韓國，有好多人都認為Motel係「搞外遇嘅人先會去嘅地方」，而實際上的確係有好多已經有家庭嘅中年人會到Motel搞外遇。
聽講好多參加韓國登山會嘅中年人容易會搞外遇，所以山腳嘅Motel生意非常之好。
XTM
究竟點解韓國Motel會帶俾大眾咁負面嘅印象呢？韓國Motel有一種時間制，就好似香港啲時鐘酒店咁，客人可以喺度停留3至4個鐘。
如果住一日（晏就2點到第二日朝早11點）嘅住宿費係60,000韓幣，用3到4個鐘可能只要30,000韓幣左右。
因為如果要有外遇嘅當事人需要避開其他人嘅視線，所以佢哋就好鐘意到Motel，久而久之，韓國Motel就成為咗不倫嘅象徵。
封閉又保守嘅韓國性文化同Motel
hcinews.com
雖然韓國有好多Motel其中一個好大嘅原因係因為不倫，但其實呢個都同封閉又保守嘅韓國性文化有好大嘅關係。
韓國由朝鮮時代起就受到儒教嘅影響，所以對性方面係好保守，好多老一輩嘅人都對於婚前性行為呢件事係好唔認同。
另一方面，韓國年輕人渴望比較開放又自由嘅戀愛方式，但係對於咁樣嘅變化，韓國社會似乎仲未做好準備。
여기어때
喺美國、歐洲等國家，即使父母喺屋企，都可以帶男、女朋友返屋企，喺結婚前都可以過同居生活，唔受任何人干涉嘅戀愛生活。
因為韓國睇落開放，但對於「性」呢件事係抱持住比較負面嘅想法，所以對於情侶嚟講，喺出面冇一個可以俾佢哋自由自在咁表達愛意嘅空間，正因為係咁，韓國年輕人先會選擇俾錢到Motel去享受一個自由嘅空間。
韓國Motel嘅缺點同祕密？！
韓國Motel嘅缺點就係煙味好重，因為房入面係可以食煙，所以好多地方仲會幫客人準備好煙灰缸同打火機。
agoda
而且韓國有好多明明出面係寫住酒店，但入面其實係Motel。呢個係因為隨住韓國法律修改，而家Motel都可以轉做寫Hotel名。
正因為係咁，而家喺韓國有分成一般酒店同觀光酒店，大家可以將一般酒店想成係Motel，而觀光酒店就係我們平時去旅行會住嘅高級酒店。
一般酒店（韓國Motel）同觀光酒店有啲咩唔同呢？喺預約韓國住宿嘅時候，一定要注意以下四點：
- 觀光酒店係唔會有時間制，如果有嘅話即係Motel
- 觀光酒店嘅房數量係30間以上
- 觀光酒店通常會提供早餐，會有識講外語嘅職員同其他附屬設施
- 一般酒店（韓國Motel）雖然冇分等級，但係觀光酒店係有分等級（星級）
韓國Motel嘅變化？
news.joins.com/article/19826193
最近年輕人對Motel嘅負面印象都慢慢改變緊，而家已經唔再係因為性先去得嘅地方，好多人出去旅行或都出差嘅時候，都會預約Motel當住宿，亦有越嚟越多韓國人將Motel當做係party場地或者自修室㗎。
實際上真係有好多人講，每個星期因為溫書嘅關係至少會去一次Motel。因為如果4個人去Motel租3-4個鐘，只要3萬韓幣就可以用電腦同wifi，仲可以自由自在咁討論。
對於學生嚟講，圖書館或者Cafe等地方其實都唔可以好大聲咁討論，因為咁好多大學生聚會或者係準備考試嘅時候都會去Motel。
大田 ET MOTEL
另外，最近都有越嚟越多人會選擇喺Motel開party。Motel唔單止價錢平，甚至有啲Motel嘅設施都唔錯，再加上地理位置都係好容易就會去到，好方便。
聽講最近韓國Motel仲新增咗好多派對專用嘅房！如果之後要同朋友一齊開party嘅話，小編都打算搵韓國Motel。
而家韓國社會對於韓國Motel慢慢轉化成「價錢平、地理位置又好嘅中小型酒店」嘅正面觀念。
介紹Motel變化嘅MBN新聞
今日介紹咗韓國Motel文化俾大家，唔知大家又點睇呢？
✨馬上Follow我哋IG
instagram.com/creatrip.hk
| 其他延伸閱讀 | |
 10年不變女韓星 |  韓星香港打卡點 |
