韓國嘅迷信
情侶唔可以食雞翼？夜晚唔可以食蘋果？夢見豬竟然係吉利嘅意思？14個韓國嘅迷信！
Hello，大家好，我哋係由韓國人每日提供最新韓國旅行資訊嘅Creatrip。
Hello，大家好，我哋係由韓國人每日提供最新韓國旅行資訊嘅Creatrip。
每個國家都有佢哋迷信嘅事，就好似喺美國，打爛鏡會被視為唔吉利嘅象徵，而四葉草就係幸運嘅意思。喺韓國都同樣自有己嘅迷信，而呢啲迷信多數都源自於神話或者民間傳說。今日就等小編嚟同大家介紹14個韓國嘅迷信啦!
14個韓國迷信
1. 開住風扇瞓覺
韓國人認為，如果開住風扇瞓覺會死，喺韓國係個非常普遍嘅迷信，但最近俾人破解咗。之後嘅變咗係，如果你開風扇唔開門通風嘅話就會死。
雖然唔可以確實呢個迷信嘅起源，但電風扇係喺1920年代，流感肆虐期間傳入韓國嘅。或者係因為社會風氣彌漫住高度嘅恐懼，所以當時嘅人好自然就將電風扇同死亡聯繫埋一齊。下面就係一篇當時嘅報導，警告大眾開住風扇瞓覺嘅危險性。
1930年代韓國嘅新聞
2. 考試日子唔食海帶湯
食海帶湯（미역국）係韓國人生日嘅傳統，不過如果係面臨考試嘅學生，佢哋就唔會食海帶湯啦。
呢個迷信背後嘅原因就同字面上嘅一樣，因為海帶係好滑嘅食物，所以會令考試嘅成績下滑。而呢個迷信唔單指適用於考試，仲適用於見工等等重要嘅事添。
3. 孕婦同新生BB唔可以參加葬禮
呢個迷信到而家都仲有好多人相信，覺得孕婦同新生BB絕對唔可以參加葬禮。
因為好多韓國人都認為亡靈會詛咒未出生嘅BB同新生BB，就係因為咁，好多韓國嘅媽媽都唔係喺大肚嗰陣或者係帶住新生BB參加葬禮。
4. 唔會送鞋俾愛另一半
呢個同樣係第二個字面上可以解釋嘅迷信。韓國人相信當你送鞋俾另一半嘅時候，對方就會離開或者係你將會離開。無論邊種講法，都代表分手嘅意思。
因為送鞋係個禁忌，所以唔少人都會退貨，希望可以抵消唔好嘅意思。
5. 唔可以行過德壽宮嘅石牆路
呢個係同戀愛相關嘅迷信，韓國人相信行過呢條路嘅情侶都會分手。原因有兩個，一係因為當年被逐出宮嘅宮女心懷怨恨，所以會詛咒經過呢度嘅情侶。
第二係因為呢度附近有一個專打離婚案件嘅法庭，所以會令到經過呢度嘅夫婦產生離婚嘅念頭。
6. 唔吉利嘅4
因為數字4喺譯番做韓文嘅時候係「사（sa）」，同死、殺、蛇等等唔吉利意思嘅漢字同音，因為呢個原因，4喺日本或者香港等用漢字嘅地方都有唔吉利嘅意思。
因為呢個原因，你會發現好多韓國嘅𨋢都會用「F」去代表4樓。
7. 用紅筆寫人名
呢個迷信源自於中國古代文化，當時紅色係財富嘅象徵，所以嗰時嘅王認為如果壟斷顏色就等於壟斷財富。於是就下令百姓唔可以用紅色，如果被發現違規，就會被處於死刑。
stelladiary.tistory.com
時至今日，都有唔少韓國人會避免用紅色寫人名。
8. 情侶避免食雞翼
外遇嘅韓文係「바람나다」，直譯係製造風，所以根據字面意思，韓國人認為有咗翅膀就會產生風然後飛走，因而會避免食雞翼。（雞翼明明好好食..🥺）
9. 夜晚唔可以食蘋果
喺韓國有朝早嘅蘋果係黃金，而夜晚嘅蘋果係毒藥嘅講法，咁聽真係唔太合理。
呢個迷信係因為，蘋果充滿促進消化嘅纖維，所以會令你個胃唔舒服，影響睡眠質素。只不過呢個講法到而家就冇咁多人相信啦。
10. 夢見豬會帶來財富
韓國人會祝人夢見豬，因為夢見豬喺韓國係非常吉利嘅象徵。韓國人相信，如果夢見豬嘅話，就代表將會得到巨額嘅財富，例如係中六合彩，得到花紅或者加人工等等。
呢個迷信係因為漢字「豚」係「돈」，而呢個字亦係錢嘅意思。除咗財富，豬仲有生育嘅意思添。
11. 唔可以喺夜晚吹口哨
韓國人認為唔可以喺夜晚吹口哨嘅原因有好幾個，第一係喺因為打韓戰期間，喺夜晚吹口哨係一個間諜信號。第二個原因係因為夜晚吹口哨會叫醒惡靈同蛇。
12. 唔可以踩門檻
韓國人認為踩門檻係吉利嘅，老一輩韓國人亦都認為，咁會令你屋企嘅長輩病。
韓國傳統家庭嘅門檻好高，所以呢個迷信係為咗訓練屋企人唔好跌親而嚟嘅。
13. 考試嗰日需要食糕
呢個迷信同上面海帶湯嘅講法相反，韓國人相信，食啲好似年糕一樣黏嘅嘢，可以令你順利黐上理想嘅成績，所以有好多韓國嘅高考生都會喺考試前食年糕，希望可以黐上自己嘅理想大學。
14. 相信血型
比起更多人相信嘅星座，韓國人更相信血型，所以問人嘅年齡同血型喺韓國係好常見嘅事。
以上就係一啲韓國人嘅迷信啦，大家對呢啲迷信有咩睇法呢？有咩意見都歡迎留言話我哋知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
