布帳馬車懶人包
最掛住喺韓國布帳馬車飲酒嘅時光！韓國最具特色嘅「布帳馬車」係點嘅？地道之旅必去
Hello，大家好，我哋係由韓國人話你知每日最新韓國資訊嘅Creatrip。
＃韓國文化＃布帳馬車
＃首爾＃小食＃韓國小食
男女主角坐喺街頭，一邊飲酒、傾計，好多朋友對韓國嘅布帳馬車文化，覺得新鮮又好奇。
今日小編就要為大家詳細解說布帳馬車文化，同埋點解韓國布帳馬車咁盛行，最後會推薦有布帳馬車嘅地方畀大家。
✨馬上Follow我哋IG
instagram.com/creatrip.hk
布帳馬車對韓國人嚟講，並唔係個食正餐嘅地方，只係用嚟放鬆飲酒傾下計，所以大家都唔會叫太多嘢食。
韓國布帳馬車
布帳馬車基本介紹
簡單嚟講，布帳馬車（포장마차）係個可以方便移動嘅街頭小食攤。
其實喺世界各地，都有啲類似布帳馬車嘅小販攤，只係韓國嘅，仲會有埋枱凳。
韓國嘅布帳馬車喺推車或上，搭起可以遮風避雨嘅塑膠棚。
入面會賣各樣韓國美食、下酒菜，甚至係熱炒類都有。
不過，布帳馬車唔係食正餐嘅地方，韓國人都係兩三個人叫一份，送酒。
冬天嘅時候布帳馬車仲會有暖爐，或者用貨櫃車、Van仔改造而成。
甚至有餐廳會直接將店面整到好似布帳馬車咁樣，睇落十分特別，係非常地道嘅韓國特色餐廳。
OK POCHA
韓國布帳馬車
韓劇入面嘅布帳馬車
![]()
MBC《想你》
好多韓劇都有呢種情節，主角遇到傷心或者唔好嘅事，就會去布帳馬車借酒燒愁。
一係同異性一齊飲酒、談心；一係就一個人嚟，然後遇到命中注定嘅另一半（？）
TVN《孤單又燦爛的神：鬼怪》
JTBC《愛上變身情人》
點解布帳馬車咁紅？
對韓國人而言，需要整理思緒個陣，布帳馬車就係最好嘅地方。
TVN《男朋友》
韓國布帳馬車
布帳馬車對韓國人嚟講係？
韓國人整理思緒最好嘅地方就係布帳馬車。
當有煩惱出現個陣，大家會相約去熱鬧嘅布帳馬車，一班人一邊傾吐煩惱一邊飲酒。
對旅客嚟講，係非常新鮮嘅文化體驗。
布帳馬車同一般酒吧有咩唔一樣呢？就係布帳馬車嘅「人情」。
如果韓國小酒館可以感受到興致嘅話，咁布帳馬車就可以感受濃濃嘅人情。
JTBC
小編去布帳馬車嘅時候，都會見到啱啱收工嘅上班族，嚟呢度飲返杯。（雖然好多都係飲醉咗嘅大叔⋯⋯）
喺布帳馬車飲下飲下，即使係陌生人，都很容易傾到計，講起傷心事，仲會彼此安慰。
喺首爾呢個巨大、繁華嘅都市，布帳馬車令每個冷漠嘅首爾人都放下武裝。
喺布帳馬車飲得太多，姨姨仲會行埋嚟同你講「啱好飲太多！對身體唔好！」，再問你洗咪要多支（？）
韓國布帳馬車真係充滿溫暖同情感嘅地方（如果唔遇到飲醉嘅人）。
韓國布帳馬車
布帳馬車人氣餐點
跟住落嚟小編要介紹韓國人喺布帳馬車飲酒個陣，最鍾意嘅人氣餐點畀大家。
第五名係雞蛋捲。雞蛋捲好送飯之餘，仲好啱送酒。
飲一啖燒酒，再食一啖蛋捲，真係好幸福。
comedy TV
第四名嘅布帳馬車人氣餐點係鰻魚。
又辣又有咬口嘅鰻魚，配埋燒酒簡直係絕配，而且韓國人認為，鰻魚對宿醉好有幫助，所以鰻魚餐點成為布帳馬車嘅超人氣菜式。
comedy TV
comedy TV
comedy TV
comedy TV
comedy TV仲有其他菜式，好似雞腳、泡菜豆腐、烤腸，都係韓國布帳馬車好受歡迎嘅下酒菜。
韓國布帳馬車
首爾邊度有布帳馬車？
- 乙支路三街（清溪川）/만선호프
- 鐘路三街3號出口
其他地方或多或少都有布帳馬車，但首爾市中心就以呢兩個地方規模最大。
上圖係乙支路三街嘅布帳馬車，呢度係2019年尾最熱門嘅布帳馬車。
韓國布帳馬車令人暫時忘記煩惱，係個充滿溫暖嘅地方。
好多外國朋友，一定都對布帳馬車覺得好新鮮，好想試下呢！
下次嚟韓國旅行，不妨去布帳馬車小酌一杯啦！
咁多位，我哋下次見。
✨馬上Follow我哋IG
instagram.com/creatrip.hk
| 更多延伸閱讀 | |
 鐘路益善洞探訪 |  廣藏市場探訪記 |