韓國鬼屋介紹
膽小鬼慎入！韓國冇鬼月，但恐懼無所不在！韓國三大禁忌鬼屋，電影中嘅鬼屋又係咪真？
Hello，大家好 ，我哋係由韓國人每日提供最新韓國旅行資訊嘅Creatrip。
華人社會總會相信農曆七月鬼門開，但係韓國其實係冇呢種習俗，咁唔通韓國就冇一啲怪談或鬼故？當然係有啦！喺韓國有幾間超出名鬼屋、兇宅，大家又有冇聽過？想知喺韓國邊度？小編即刻話俾大家知！
韓國鬼屋介紹
1. 永春花園
鬼化身成侍應幫大家喺度服務……
Naver Blog
位於忠清北道提天市嘅永春花園，可以話係韓國三大鬼屋之一，有好多可怕傳聞都你發生喺呢度。永春花園本身係一間餐廳，啱啱開幕嘅時候生意超好，一對夫婦同患有身心障礙嘅女兒一齊喺度生活。有一日，阿女喺永春花園前面路口不幸地發生車禍過世，痛不欲生嘅爸爸上吊自殺，媽媽亦都最終因情緒原因過世。
OHFUN
雖然之後陸續有人喺度繼續做生意，但接二連三會發生一啲好奇怪嘅事，每件事都令人覺得毛骨悚然。例如客人向女侍應落完單之後，餐一直都未到，向其他侍應反映之後，得到嘅答案係「我哋呢度冇女侍應……」
Naver Blog
甚至係侍應仲未幫客人加小菜，但就發現已經擺咗喺檯；未洗碗同清潔就收工，第二日返到就發現全部已經夠掂哂。呢類情況一直發生，最終生意都做唔落去，亦冇人敢喺度做生意。陰森氣氛轉手多次，直到而家聽聞接手嘅係信佛教嘅夫妻，之後就冇再傳出任何靈異現象啦。
2. 昆池岩精神病院
病人莫名咁死咗嘅韓國鬼屋醫院……
백과사진첩
昆池岩精神病院亦係韓國三大鬼屋之一，位於京畿道光州市。雖然大部分都稱佢為昆池岩精神病院，但其實原名係「南陽神經精神病院」，曾被CNN選為世上最恐怖七個地方之一。
NAVER BLOG
昆池岩精神病院目前係封閉狀態，周圍都貼上警告紙條同鎖入口，但仲係有好多膽大韓國人會入去探險。關於昆池岩精神病院嘅故事一啲都唔少，醫院嘅前身佢係監獄嚟。改建成醫院之後，患者會突然莫名其妙咁離世，最後院長亦都自殺埋。
NAVER BLOG
喺2018年，昆池岩精神醫院故事亦被翻拍成韓國鬼片《鬼病院：靈異直播》，有興趣嘅朋友可以睇下。
3. 盈德兇宅
625戰爭冤魂至今仍……
NAVER BLOG
最後一個三大鬼屋就係慶尚北道盈德郡盈德鬼屋啦，位於海水浴場後面，如果唔太留意，就會錯過嘅一個地方，不過呢度有沉痛嘅歷史記憶。
NAVER BLOG
根據村里居民表示，625戰爭時有大約400位年輕軍人喺度戰死，屍體直接埋在喺度，正式日後盈德鬼屋基地。聽講喺度起屋嗰陣，真係挖咗唔少骨骸……
NAVER BLOG
令到盈德鬼屋變得更出名嘅原因，係因為之前專門報導韓國可怕故事節目，請咗藝人同巫師取景，巫師就話盈德鬼屋有大概一萬隻鬼住緊喺呢度……
4. 被封閉嘅韓國鬼屋
NAVER BLOG
羅州鬼屋、八堂大壩鬼屋、京山廢棄礦場都係韓國出名鬼屋，不過呢啲地方都已經被拆除，所以小編就簡單介紹一下。
一、羅州鬼屋
羅州鬼屋因為鬼太多，所以連巫師都唔敢去，最主要原因係風水，喺唔應該起樓嘅地方夾硬起咗，即使作咗法，亦都會吸引無數鬼，好多人去過呢度之後都會死……
二、八堂大壩
位於京畿道河南市嘅黔丹山，呢度有好多地方係禁止一般人出入，亦因為地勢同森林原野關係，即使日頭封住都會覺得好有陰氣。
原本八堂大壩係一座用嚟養豬嘅倉庫，但因為有人喺度自殺之後，就好多人都傳呢度有好多鬼。因為濕氣重、陰氣亦都重，八堂大壩裡面發霉嘅地方一啲都唔少，比起其他地方更陰森，目前已經拆除。
三、京山廢棄礦場
睇之前要有心理準備
睇之前要有心理準備
睇之前要有心理準備
NEWS 1
NEWS 1
上圖係實際喺京山廢棄礦產發現嘅骨骸，位於慶尚北道，原本係日治時期礦場，但之後因為被廢棄，加上625韓戰好多民眾同犯人遭到屠殺，屍體都被丟入京山廢棄礦場……呢度陰森到就連京山居民都唔會去呢度，之後進駐嘅工廠老闆都自殺。甚至最後一手眼鏡工廠老闆，喺員工瞓緊教嘅時候，突然發癲喺度放汽油再放火燒毀，最終拆除嘅京山廢棄礦場，亦成為口耳相傳嘅韓國鄉野怪談。
今日介紹咗韓國出名鬼屋同凶宅俾大家參考，大家又聽過幾多個呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk