韓國旅行慳錢妙計

Hello，大家好，我哋係由韓國人每日提供最新韓國旅行資訊嘅Creatrip。

大家嚟韓國一定都試過洗晒現金，甚至要碌卡，尤其喺物價咁高嘅首爾度旅行，你有冇諗過可以點樣慳住洗呢?

只要積少成多，似乎又可以離下一次嚟韓國旅行更近一步 參考下呢篇韓國自由行慳錢秘訣，慳慳埋埋話唔定可以俾你嚟多幾次韓國啦！

韓國旅遊慳錢法

1. 機票飯店

去旅行嘅事前規劃非常重要，比起喺韓國消費上面慳，喺旅行前嘅準備功夫，例如: 訂機票、訂酒店都可以慳到錢，就正啦！

韓國機票慳錢法

除咗跟團之外，搶平機票係要靠運氣；除咗每日都喺比價網站格價之外，小編都整理咗另一啲TIPS俾大家。

• 睇機票網站嘅時候開無痕模式
• 訂票嘅時候喺航空公司官網訂
• 注意航班時間、行李同小細節

大家都應該聽過要用無痕模式買飛，或者要清空cookie，通常航空公司網站都會問你係咪願意將瀏覽cookie俾佢哋做紀錄？雖然有啲人覺得無咩問題，但其實咁會俾航空公司知道「你喺度搵緊機票」。

另外，喺航空公司嘅官網直接訂購，手續費、附加費用都係按照航空公司白紙黑字說明，就唔會有第三方網站可能衍伸嘅費用。

另外，記住要注意機票嘅艙等同係咪包埋行李，同埋記得要留意姓同名要打啱位啊！

韓國住宿省錢法

住宿部分就比較頭痛，基本上好與壞，參考網友嘅評價最準，分數喺8.5以上嘅都唔太會中伏，但低於8以下嘅就有啲尷尬。另外，租酒店嘅網其實都幾準，大家可以分別喺唔同嘅網站search，交叉對比房源價錢同評語。

一分錢一分貨，平嘅房價未必會有好嘅服務、好嘅地段同大嘅房間，大家如果只係用嚟瞓教，又唔怕嘈，最好嘅慳錢辦法就係搵guest house，好彩嘅，仲可以一個人霸晒成間房添。

2. 匯率轉換

好多人都猶豫，嚟韓國到底係要「港幣換韓元」，定係「港幣換美金再換韓元」，點樣比較方便，而點樣又抵啲呢？

小編做咗下面呢個表，大家可以自行評估。如果呢啲符合到你嘅換錢需求，咁台幣換美金對你嚟講會更方便、更抵。

備註：1港幣/1美金得以上數字之韓元

韓國匯率講解

以大使館、一品香為例，1220/156大概等於7.82。如果你喺香港，港幣換成美金的匯率比7.82低，咁就用美金換韓元；大於7.82嘅話，直接用港幣唱韓元比較抵。

韓國匯率講解：假設有1,000港幣
前提：港幣換美金沒有手續費

• 喺香港，美金匯率係7.7嘅話（比7.82低），你會唱到約129.9美金，帶來韓國就會是₩152,467。
• 喺香港，美金匯率係7.9嘅話（比7.82高），你會唱到約126.6美金，帶來韓國就會是₩148,607。

如果用1,000港幣直接帶嚟韓國換，就會唱到₩149,500。

所以，如果美金平咗（同之前比，用同樣嘅港幣但買到更多美金），用美金嚟韓國換會相對抵。

雖然就咁睇好似只係差幾千WON，但我諗大家去旅行都唔只用1,000港幣咁少，一行幾人一齊唱，都可以買多件衫㗎。

大家可以參考我哋Creatrip嘅APP，隨時睇到首爾地區嘅匯率，可以畀大家參考，諗下到底要用港紙定美元嚟唱錢。

? 下載Creatrip APP : Click 呢度

韓國旅遊慳錢法：3. 碌卡

好多人會揀喺韓國碌信用卡，不過你知唔知有啲卡會喺海外消費嘅時候，可以享有特別多嘅回贈。

即係話，你一路買就一路有折扣。

海外消費回贈

回贈嘅%，大過海外碌卡手續費嘅%（通常係1.5%），代表呢張信用卡喺韓國碌比較抵。

即係話，只要你拎到嘅回贈多過你要比嘅手續費，就等於你真正要畀嘅價錢低咗。

所以大家可以留意下信用卡海外消費嘅回贈同手續費，帶張最抵嘅信用卡嚟玩啦!

海外刷卡換匯（DCC）

如果用海外信用卡消費，記得揀用「韓元結帳」。如果用港幣結算，手續費會高啲、匯率又會差啲，反而冇咁抵!

韓國旅遊省錢法：4. 交通卡

韓國交通費同香港比都唔平，搭一次最少₩1,250，路程遠嘅要再加錢，加埋轉車，就會發現好快又要增值一次。

不過唔買交通卡嘅話，票價會比較貴，想慳錢嘅朋友一定要買番張交通卡啊!

一次性交通卡就即係港鐵嘅單程飛，T-money就係八達通。

大家應該都知港鐵用單程飛同八達通嘅價錢唔一樣啦，同理，喺韓國都係咁樣。

韓國交通卡除咗搭地鐵之外，都可以用嚟搭巴士，同樣會享有折扣同轉乘優惠。

便利店、的士都可以用T-Money，唔洗找嚟找去，袋住一堆散紙，係咪一定要買張呢？

仲有一樣，如果大家咁唔好彩，喺的士上面留底咗嘢，要搵番真係大海撈針。

不過如果你係用T-Money畀錢，就可以搵番坐邊架的士，想投訴或者報警，T-Money消費紀錄都可以做證據。

除咗T-Money之外，有啲交通卡仲有其他優惠，例如機場巴士優惠、無限次用嘅幾日券，甚至係消費優惠等等。

大家可以參考連結，搵啱自己嘅交通卡。

? 韓國交通卡總整理

韓國旅遊慳錢法：5. 其它交通

除咗地鐵外，都會有好多人揀搭巴士、的士。

小編建議大家，如果喺首爾玩得比較夜，搭唔到地鐵返去，除咗的士之外，可以搭凌晨巴士，同的士費用比會差好多。

? 首爾夜間巴士教學

有人可能會覺得差唔多，但其實首爾的士由2019年元旦起漲咗33%，最低工資都加咗，韓國物價上升，學番啲慳錢嘅旅遊方式，就可以好似當地人一樣旅行。

如果搭錯方向，唔好傻傻咁拍卡出去、再拍卡入，會扣錢㗎 。

出閘位隔離有個制，撳掣就會有專員同你對話，通常聽到係外國人佢哋就會知道係搭錯方向，會直接開門畀大家入。

?韓國巴士教學

韓國旅遊慳錢法：6. 會員制度

以樂天超市為例，佢哋所販賣嘅物品有啲會分為會員價（회원가）同非會員價（비회원가）。

會員價比較平，雖然只差幾百韓元，但對大量購買，或者想要退稅嘅人，就差好多啦。

有居留簽證嘅人可以直接去樂天超市加入會員。

之前都有開放畀旅客加入L.POINT，但最近好似有比較多限制。

保險起見，大家可以同有樂天會員嘅朋友借，就可以享有會員價格，仲可以退稅，係咪好方便呢？

備註：L.POINT同樂天會員嘅價格唔同，請以現場標示為主

除此之外，如果持有COSTCO會員嘅朋友，都可以憑會員卡去韓國嘅COSTCO消費。

喺韓國住比較長時間，或者住喺青年旅館呢啲可以煮嘢食嘅地方，好推薦嚟韓國嘅COSTCO。

一方面量大，又平，重點係入面啲生果好正。小編上次同朋友去，一次過買咗兩盒藍莓~

韓國旅遊慳錢法：7. 優惠券

如果是係要購物嘅朋友，小編真係請各位一定要隨時鎖定Creatrip嘅優惠資訊，因為真係可以拎到好多唔同嘅折扣。

innisfree九折至七折券

優惠券下載｜點我

韓國樂天免稅店優惠券

樂天免稅店優惠券下載｜點我

韓國熱門咖啡廳優惠券

弘大哈利波特Cafe	弘大 Cafe Jogyok
優惠券下載	優惠券下載

?其它Cafe優惠

韓國旅遊慳錢法：8. Sale

大家嚟韓國嘅行程，一定會有去行超市: 樂天超市、E-ｍart、Home plus。呢度賣嘅商品一定會比零售店平。

不過喺呢三間超市入面都有分「咩嘢特別平」~

韓國超市買平嘢：Home plus

Home plus 千元的幸福

Home plus有個「千元的幸福」（천원의 행복）嘅區，所有商品都係₩1,000，泡麵、零食、飲料等等，都只要₩1,000；有一啲就會係買一送一，或者係1/2/3系列，嚟韓國一定要睇下Home plus嘅促銷專區。

? home plus 探訪記

韓國超市買平嘢：E-mart

E-mart以No Brand品牌商品而聞名，小編都好鍾意No Brand嘅商品，其中最出名嘅就係No Brand薯片同年糕，又平又好食。

?No Brand必買推薦

韓國超市買平嘢：樂天超市

韓國超市價格大同小異，但樂天（Lotte）出產嘅產品，就只有喺樂天超市最平。

大家買韓國食品個陣，可以留意下係咪樂天出品，如果係，就要去樂天超市買先最抵。

此外，小編強力推薦樂天超市嘅「통큰치킨」（桶裝炸雞），一大桶炸雞都唔洗₩10,000，仲要好大份，完全吃唔晒！

喺考慮叫唔叫外賣炸雞時，不妨去樂天超市買一桶炸雞返去食啦!

? 樂天超市必買推薦

韓國超市買平嘢：零售商店

零售商店或者便利店，飲品都會有促銷，多數都係雪櫃上標示「1+1」或「2+1」之類嘅價錢，呢啲通常都可以用平價買到相同嘅飲品組合。

冇時間去超市，但又想慳啲錢嘅朋友，可以去便利店睇下有冇咩新推出嘅特價優惠。

? 韓國便利店總整理

韓國旅遊慳錢法：9. 事前預訂

呢個部分就同機票有啲似，不過係講緊到咗韓國之後嘅行程規劃，絕大多數嘅事前預訂都會比你現場才買飛平。

如果係有計畫要搭KTX，相比現場購票，事前喺網上訂購多日票會更平、更划算，而且唔係淨係得幾千韓元嘅折扣，而係去到幾萬韓元嘅優惠!

? KTX代訂票服務

不過，除咗KTX交通之外，一啲常見嘅韓國旅遊行程，仲有邊啲係事前預訂會比現場購買仲划算呢？

小編都整理咗畀大家，不妨參考一下。

代訂票券

Running Man體驗館、首爾塔、樂天塔、水族館、遊樂園、亂打秀，甚至係一啲交通票券等等，只要事前預訂，都可以享有比現場仲要便宜嘅優惠。

點我｜查看票券優惠

證件相

嚟韓國一定影嘅證件相，不論係首爾定係釜山、大邱都有孚多選擇。不過通常人氣越高嘅鋪頭，都係要事前預約，唔好白行一趟啊!

點我｜韓國證件相

比起現場臨時決定，事前規劃做好，網上預訂好，去現場畀錢或者係事先畀錢，反而可以慳番更多錢，而且到時都唔會有一種「錢都拎晒去BOOK嘢」，而唔夠用嘅情況出現。

韓國旅遊慳錢法：10. 退稅

退稅對外國旅客嚟講，係消費嘅誘因之一，但對精打細算嘅人嚟說，可能會覺得其實唔係咁抵。

退稅限制都必須累積到一定金額，才可以享有退稅優惠。

會唔會無形間買多咗自己唔需要嘅嘢呢？只為咗湊夠退稅門檻，退個大約5%至7%嘅稅，反而洗更多錢。

所以，一定要搞清楚「退稅」同「免稅」嘅分別。

韓國精打計算：退稅

• 累積到一定金額，退番消費稅

韓國精打計算：免稅

• 出示護照，以免稅金額結帳

韓國精打計算：免稅懶人包

? 最新版退稅教學

韓國旅遊慳錢法：11. 避開觀光勝地

觀光勝地最難防範嘅就係聯合抬價，或者係刻意剝削。

雖然網上對觀光勝地嘅資訊非常多，但有時喺呢度買到、食到嘅嘢，價格未必係最好，但至少可以肯定，呢度係最方便。

每個當地人都有一個「價錢量表」。喺一個地方生活一定時間嘅人，心裡面對當地物價都會有個標準。

好多嚟韓國旅行過嘅人，應該都會知道某啲嘢嘅價格，確實喺觀光勝地比較高，可能之後去第二間見到一樣嘅嘢先知買貴咗。

不過旅行似乎都係咁，要不停透過經驗累積，先唔會有下一次嘅錯誤。

點我｜查看所有合作商家

以上係小編整理出嚟嘅韓國省錢旅行方式，提供畀大家參考。

當然各位一定有各自嘅慳錢訣竅，希望大家都可以分享下。

咁多位，我哋下次見。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

?首爾/釜山美甲線上預約去

其他延伸閱讀
明洞交通總整理	首爾傳統市場
Daiso旅行用品	弘大地圖懶人包