首爾購物懶人包
首爾購物去邊好？去邊到買會更岩自已？14個首爾購物聖地整理、比較，購物狂必讀懶人包
哈囉，大家好，我地係由韓國人話你知每日最新韓國資訊既Creatrip。
＃韓國旅遊＃首爾旅行
＃韓國購物 ＃首爾購物
＃2019＃地下街＃outlet
＃大學商圈＃女裝＃男裝
黎首爾玩既朋友，幾乎每次黎買野都會買到手軟？所以！小編就整理左首爾購物必去12個景點，係購物狂既話快D save低尼篇文章啦！努力賺錢黎到韓國既時候可以瘋狂shopping啦！
首爾購物推薦：1. 弘大商圈
講到首爾購物聖地，就莫過於有著青春之街而名既「弘大商圈」啦，尼到可以話係首爾一帶最多人、最好買、而且最好行既一條街，幾乎所有品牌都可以係尼到搵到，唔單止shopping，就連美食同夜生活都非常之豐富。
對遊客黎講，弘大因為交通方便、人流多，聚集左好多韓國大學生都鍾意既衣服品牌同飾物，係好多遊客心目中弘大係首爾購物聖地既第一位！
首爾購物推薦：2. 梨大商圈
梨花女子大學唔單止係首爾購物地既首選，亦都係最基本必去景點，而係尼個梨大商圈，更加有個稱號叫做「梨大女人街」～ 係尼到可以用好平既價錢買到好多又靚又易襯既衫。
比起弘大，梨大商圈更適合女仔行；而且化妝品店亦都非常多，好適合一次過想買到衫又買到化妝品既你地。而且梨大好近新村、弘大一帶，行過去非常方便。
? 梨花女大探訪記
首爾購物推薦：3. 新村商圈
既然要去弘大、梨大，咁就唔可以錯過夾住中間既新村啦。尼到似係弘大同梨大既結合體，但相對人流就無咁多，同埋尼到餐廳選擇都幾多，係小編好鍾意既首爾購物地點。
係新村購物最大既優點就係尼到好多大型連鎖品牌（同弘大唔同既係，弘大會相對集中小型品牌），對於首爾人黎講，新村比弘大同梨大無咁逼，所以會選擇黎尼邊shopping。
首爾購物推薦：4. 成均館大商圈(惠化大學路)
同弘大、梨大一樣熱門既仲有惠化大學路商圈，黎尼邊行既幾乎90%以上都係韓國人，尼到近成均館大、東大門同景福宮等地區，推薦大家下次黎首爾既時候可以黎尼邊行下。
整體黎講，惠化除左唔少大型連鎖品牌係尼邊都搵到，個人品牌既鋪頭更係多的是。想黎D不一樣既首爾購物體驗，一定要黎惠化大學路！
首爾購物推薦：5. 誠信女大商圈
誠信女子大學亦係首爾著名既女子大學之一，係4號線，基本上尼到都係自成一格既大學商圈，亦係一個充滿女性特色既女人街。
首爾購物推薦：6. 建大商圈
講到建大，大家最先會諗到既應該係Common Ground 藍色貨櫃屋，但其實係1號、2號出口個邊先係建大既精華。不過比起購物，尼到更適合聚餐，而且中國餐廳非常多。
首爾購物推薦：7. 明洞商圈
好多人可能會諗，點解我地要推薦黎明洞呢？小編解釋一下，明洞商圈之所以必要去，係因為尼到要咩有咩，而且品牌太齊全，而且比起弘大尼到好多店鋪既職員都識中文，嶵算唔識韓文或英文，講中文都得～非常方便。
服飾品牌、美妝品牌、生活賣場等等，無野係明洞搵唔到。建議大家要買特定既商品，想一次過買哂就係明洞買就岩啦。
首爾購物推薦：8. 新沙林蔭大道
新沙林蔭大道可以話係弘大超進化版！黎到首爾購物，一定會有D牌子係比較冷門、比較貴，甚至連弘大都搵唔到既潮牌店，咁點算呢？唔洗怕！林蔭大道幫到大家！
新沙洞林蔭大道既風格比大學商圈更加成熟，而且尼到既牌子都屬於比較高價位，但一分錢一分貨～ 雖然比較費但品質同精緻度會相對較高，有特定需求既朋友，不妨黎尼到感受一下首爾最時尚既購物聖地。
首爾購物推薦：9. 東大門
講到東大門，大家一定諗乜唔係只得批發既咩？仲有野好行咩？咁諗就錯啦！其實東大門歷史文化公園13、14號出口個邊全部都係東大門購物中心。
基本上韓國服飾無論實體店或者網拍，係尼到都會搵得到。唔單止外國人，就連韓國人自己都會成日去東大門shopping添！不過建議購物之前，先問下老闆係咪零售喔！
首爾購物推薦：10. COEX
COEX係一間超大型既複合賣場，從各種服飾品牌、連鎖店、美妝、美食、電影、娛樂等等，都可以一次過係COEX解決，非常方便而且行一日可能都未必行得哂。
但比起百貨公司？COEX更加似係高級版既地下街，價錢唔會話太過高，有D似新村既U-PLEX。
係首爾2號線既三成站（삼성역）5號、6號出口尼邊，沿住連接既通道就可以行到COEX，下次黎韓國首爾shopping既時候，一定要順便黎埋COEX啦。
首爾購物推薦：11. 樂天免稅店
同大家介紹左咁多首爾市區既購物景點，其實大家知唔知？就算退左稅，都唔一定會比免稅店平，所以如果要買大型品牌、高價品牌，小編會更推薦大家一定要去樂天免稅店。
樂天免稅店最多人去既兩間分店，分別為明洞同蠶室，小編我成日都會去樂天免稅店shopping，價錢完全同一般實體店差非常多，係小資族必去既首爾購物點。
首爾購物推薦：12. 地下街
黎到首爾購物，一定唔可以錯過既就係尼D地下街，首爾一帶總共有五個大型地下街，相信大家一定都至少去過其中一個。
五個地下街之中，小編推薦高速巴士地下街、江南地下街。地下街最大既優點就係價格實惠，而且各種風格、任何季節既衫都有，尤其係換季既時候，D衫既價格會更加平。
? 首爾地下街總整理
首爾購物推薦：13. 韓國超市
樂天超市
要去首爾行超市，第一個最想諗起既一定係首爾站既樂天超市，唔止空間超大，選擇、優惠都超級多，不過有個缺點就係晏就之後就會超多人，要去尼到買手信既朋友，建議朝早去會更加好，唔洗逼之餘仲可以慢慢行。
emart
除左樂天，emart都係一個非常熱門既超市選擇，地方都夠大，但分店就好似無樂天超市咁多，但係因為emart旗下既No Brand品牌，價格平之外，CP值仲好高。
No Brand
No Brand依家除左emart賣場中有設櫃之外，係首爾各處都可以搵到No Brand專賣店既身影，尼到賣既商品好多都係No Brand既自有品牌添，因為CP值高好多人都會黎大量購入，大家都唔好執輸，一齊黎瘋狂shopping啦！
Home plus
唔知大家知唔知Home plus呢？係弘大合井尼到就有一間超大既Home plus賣場，規模直逼樂天超市，而且非常之好買，亦可以退稅。厭倦左總係成日太多人行既首爾站樂天超市？下次可以選擇去Home plus行下喔。
首爾購物推薦：14. 首爾outlet
想用比較平既價格買到高級品牌，除左去免稅店之外，唔通就無其他選擇？係有架！就係outlet啦～ 係韓國有好多outlet一定可以滿足到你既購物慾望。
從首爾站、東大門、加山站，甚至到首爾近郊的既坡州，都有好多超大型既outlet等緊你地買到停唔到手。想要買高級品牌，但時時都落唔到手？去首爾outlet購物一定可以令到你地買到滿載而歸。
尼篇文章係咪好岩哂購物狂既你地呢？XD 小編整理左14個首爾購物景點，希望大家會鍾意啦。各位朋友，我地下次見。
| 其他延伸閱讀 | |
 韓國巴士懶人包 |  首爾景點總整理 |
 大創本月人氣品 |  弘大美食懶人包 |
 地鐵2號線攻略 |  弘大烤肉推薦 |
 韓國微整形推薦 |  韓國退稅懶人包 |