2020釜山地鐵一號線之旅

釜山自由行！搭釜山地鐵1號線暢遊釜山

김남이

7 years ago

哈囉！大家好～～～

呢度喺由韓國人每日提供最新韓國旅行資訊嘅Creatrip！

最近去釜山自由行啲人越嚟越多！

好多已經嚟過首爾旅行嘅朋友好飲都會揀去釜山旅行～

正如同韓國第二個首都嘅別名一樣

釜山唔單止大，睇嘅、吃嘅都好多！

所以第一次去釜山自由行嘅新手一定要睇落去啦！

今天就嚟教大家，要點樣搭韓國釜山地鐵1號線玩遍釜山各個景點!!!!!GOGO~

✔搭乘釜山地鐵2號線自由旅行 (2020更新)

<睇呢篇文前，你可以參考以下文章>

▣ 韓國釜山自由行 X 釜山必玩景點TOP10

▣ 韓國釜山自由行 X 釜山西面必玩必去必吃總整理

▣ 韓國釜山自由行 X 釜山南浦洞一日遊

▣ 韓國釜山自由行 X 釜山超強人氣咖啡廳TOP6

▣ 韓國釜山自由行 X 釜山必買人氣夢幻紀念品

【韓國旅遊】釜山自由行地鐵1號線第1站

溫泉場站(온천장역)

《金剛公園 금강공원》免門票

金剛公園位於海拔801.5公尺嘅金井山下

有住由樹林同奇岩異石組成嘅絕景

喺釜山市民休息嘅好去處！

喺呢度可以搭纜車上山~~

如果徒步上金井山大概要行4~5個鐘，所以相當多人揀搭纜車㗎

就算唔搭纜車上山，都好值得喺金剛公園行下，享受下大自然嘅風光

公園入面有好多文化遺跡同釜山海洋自然史博物館、植物館等等~

喺個值得一去嘅地方！

《金井山城纜車 금정산성 케이블카》

金井山城纜車喺韓國最長嘅纜車路線

而且可以去到釜山最高嘅地方遠望釜山！

金井山城纜車由1966年開通，往返嘅海拔高度喺540公尺左右

搭金井山城纜車可以360度全景觀賞慢慢變細嘅釜山市區

即使志不在行山，都值得上去睇睇一望無際嘅風景㗎~

*金井山城喺韓國最大嘅山城，而家有4公里左右嘅地方仲有保持原貌！

纜車車票價格

身份	來回	單程
成人、青少年	8,000韓元	5,000韓元
兒童（滿4歲～小學生）	5,000韓元	3,000韓元
長者、殘疾人士（1~3級）	6,000韓元	4,000韓元

呢度擁有最好嘅視野，可以由洛東江口睇到整個釜山市區

同時因為可以睇到由海上侵略嘅敵軍，於是為咁防範敵軍就建成咗金井山城喇！

而家雖然只喺淨底一小部分，但沿住山城行嘅考察路線都仲喺相當受歡迎㗎~~

落咗纜車之後，行到山頂大約8公里，需要行大概4個鐘

好多登山客會選擇買單程纜車飛搭上去再行下嚟～

但喺唔建議行山新手行呢個路線，因為路標未喺好完善，所以有可能喺山上蕩失路 > <

落咗纜車再往上行一陣都喺不錯嘅選擇，但喺因為路標指示得唔喺好完備，一定要小心唔好蕩失路啊！

《出名的東萊蔥餅 소문난 동래파전》

東萊地區喺釜山嘅住宅區，同觀光景點相距都幾遠

所以外國人並唔太知道東萊，知道東萊蔥餅嘅外國人亦相當少。

然而，東萊蔥餅卻喺釜山人最愛嘅料理之一！

東萊蔥餅以前更係進貢畀王嘅食物

東萊蔥餅比韓國一般嘅蔥餅厚度厚好多，仲加入咗滿~~滿嘅食材

最重要嘅喺裡面放入好多雞蛋，所以令整個蔥餅嘅口感變得相當滑順易入口！

連韓國人第一次見到東萊蔥餅都會話：「同一般嘅蔥餅好唔同！」

放咗香蔥、海鮮、豬肉、雞蛋等材料令整個蔥餅嘅味道更上一層樓(口水已流

另外特別嘅喺，東萊蔥餅唔點豉油，而是點帶有啲啲酸味嘅醋辣醬

而同東萊蔥餅絕配嘅就係金井山城米酒啦！

不過東萊蔥餅喺最近被韓國知名美食節目介紹過之後，想食都要排隊等 > <

東萊蔥餅就位於行去金剛公園嘅某條巷入面，所以推薦計畫去金剛公園嘅朋友可以順道去試下啦~~

【韓國旅遊】釜山自由行地鐵1號線第2站

西面站(서면역)

《金剛部隊鍋 킹콩부대찌개》

呢間金剛部隊鍋雖然喺連鎖店，不過最出名嘅分店都喺西面嘅呢一間！

呢度嘅金剛部隊鍋點解會咁出名呢？

因為韓國嘅部隊鍋一向出名重辣重鹹

但喺呢間鋪頭嘅部隊鍋比較特別，食落冇咁鹹～

唔食辣嘅人甚至可以揀唔辣嘅部隊鍋嚟食~~

而且部隊鍋嘅料好多，真喺可以食到超飽！

其實呢到已經可以算喺半間可以任食嘅鋪頭

因為呢度嘅白飯同公仔麵都喺免費無限供應！

想食幾包公仔麵或者幾碗飯都冇問題

所以嚟呢間真喺唔洗驚食唔飽XD

基本上公仔麵嘅種類有兩種，一種喺普通又出名嘅不倒翁公仔麵

另外一種則喺金剛部隊鍋呢間連鎖店自己出嘅公仔麵！

而呢一款公仔麵喺加入黑豆粉成分嘅公仔麵

打開喺睇啲麵真喺是有少少黑黑哋~(正常嘅！放心XD)

食落其實同一般嘅公仔麵冇太大分別，不過麵條幾彈牙~

既然金剛公仔麵喺呢間鋪自己出嘅公仔麵

咁嚟到呢度點都要試下啦！畢竟喺呢度先食到啊嘛！

《烤了又煮西面本店 구워삶기 서면본점한식》

基本上嚟到呢間鋪頭，完全唔洗擔心點樣叫嘢食

一方面喺因為呢度有專門畀外國旅客用嘅多國語言menu

另一方面喺因為呢度嘅main menu就喺呢樣 - 辣魷魚豬肉鍋！

辣魷魚豬肉鍋就同佢嗰名一樣

不但可以食到豬肉，仲可以食到魷魚

可以說喺另類嘅海陸雙拼~哈哈

而且魷魚真喺超大隻！！！

店員仲未剪開嘅時候真喺可以睇到完整一隻嘅魷魚喺鍋入面！

當然入面仲有其他材料，例如蛤蜊、年糕、冬粉等，而且仲附有雞蛋

因此就算淨喺叫辣魷魚豬肉鍋，依然可以食到好飽！

辣度可以自由選擇，不敢食太辣嘅人都唔需要擔心！

依照自己食到嘅辣度去揀就得~

呢度嘅辣度總共有四種，由於有圖解釋，唔識韓文都唔洗擔心~

食完之後建議大家留番啲quota，因為呢度嘅炒飯真喺超好食！

等到鍋入面嘅材料食得七七八八，就可以請店員過嚟加炒飯

呢嗰時候可以話畀店員知要幾碗飯嘅份量(上圖喺一碗飯)

如果唔喺話人數好多或者真喺好餓，小編個人喺覺得叫一碗就夠啦~

話畀店員知要幾多分量嘅炒飯之後，店員就會幫手成個鍋拎去炒

炒完拎番黎嘅時候就喺一個香噴噴又好食嘅炒飯啦~

大家記得一定要食啊！！！

《MOLLE咖啡 몰레》

擁有明亮又舒適嘅空間喺呢一間cafe嘅特色

由於冇用餐時間限制，所以好適合喺呢度享受愜意嘅下就！

呢間店裡最出名嘅喺佢嘅蛋糕類甜品，好多人都喺特登嚟呢度食蛋糕㗎！

除咗最近因為草莓季而推出嘅士多啤梨甜品讓人心動以外

其他朱古力、抹茶等蛋糕都非常吸引！

行入店會發現幾乎每一枱嘅客人枱上都有一兩款蛋糕~

最多人叫嘅不外乎喺抹茶戚風蛋糕(圖左上)

同下面嘅草莓奶油千層蛋糕(圖左下)

還有呢度嘅彩虹蛋糕！！

不過彩虹蛋糕由於太多人叫，好快就會賣晒> <

因此，如果真喺好想食彩虹蛋糕，建議大家早啲到會比較好

如果唔係就好可能會賣晒~~

小編覺得呢間店最厲害嘅地方，就係呢度嘅蛋糕都做得好cute > <

外型睇落特別又好食

令人真喺好想每一款都叫一份XD

所以回顧率當然喺百分之百！

令人想今次食呢個蛋糕，下次食嗰個蛋糕

直到成間店嘅蛋糕都食完為止XD

所以呢度嘅客人總係好多！

最正嘅係！呢度有提供多語言嘅menu！

其他語言嘅menu就放咗喺櫃檯隔離嘅架上

話畀店員知需要外語menu或者自己過去拎都得㗎！

也都有提供中文menu~

而且呢度嘅menu仲係＂繁體中文＂！！

其實有小小驚訝XD

《Matin Coffee Roaster 마틴커피로스터스》

呢一間非常強調「享受當下、享受生活」嘅優雅cafe！

雖然呢間鋪其實不算難搵

不過由於呢間cafe喺喺一間超市嘅樓上

遠遠望過去可能比較難發現！

雖然呢度嘅咖啡都唔錯，不過最特別嘅喺呢度嘅奶茶類

因為喺用非常可愛嘅瓶子裝住，飲完仲可以帶番屋企收藏！

此外，呢度嘅士多啤梨甜品非常好食！

其實小編本身不太鍾意食cream

但喺！！這間鋪入面嘅cream喺少數能令我接受~~

而且仲相當好食！完全唔膩~~

所以推薦大家一定要嚟食下！！

《Little Planet》

跟住要同大家推薦喺釜山西面嘅呢間紀念品店

入面最出名嘅就喺呢度嘅客製化行李帶啦！

小小嘅店面一行入去，就可以見到非常多行李帶～

不過其實上面嘅都只喺展示品，好令客人可以好好選擇自己想要嘅款式同顏色

至於喺行李帶上要放咩圖案同文字，就要睇個人嘅需求啦~~

製作速度亦非常快，少量嘅話幾個鐘以內可以完成，喺附近行下再番嚟拎！

非常方便，唔會擾亂到行程

當然，除咗行李帶以外

呢間店入面仲有好多貼紙、明信片同埋特殊樣式嘅啤牌

喺一間非常值得行下嘅小店！

小編自己非常推薦呢度嘅特色啤牌！

結合咗可愛嘅設計同釜山嘅特色風景或者喺韓國嘅傳統服飾

買番去收藏都喺唔錯嘅選擇~~

不過每一種設計都好可愛又特別，唔知揀咩好......

但喺具有設計感嘅紀念品真喺好值得帶多啲返去㗎XD

不過其實呢間鋪唔太好搵

因為真喺喺一個非常細嘅巷入面....

不過店家嘅對面就喺西面老奶奶找換店

用呢個做指標或者會比較容易搵到！

雖然老闆唔識講中文

不過會用英文親切咁同客人解說，所以都唔洗太擔心！

【韓國旅遊】釜山自由行地鐵1號線第3站

釜山站(부산역)

《平山玉 평산옥》

平山玉位於釜山站附近

佢哋嘅白切豬肉已經有過百年歷史㗎啦！

同蘿蔔絲、涼拌韭菜一齊上嘅白切豬肉喺呢度嘅代表菜單

同以大醬整成嘅醬一齊食，喺其中一個當地人享受白切豬肉嘅方法，超好味！

其實釜山真喺好少有可以一個人食飯嘅餐廳

但喺呢間就可以一個人都食到！強力推薦畀一個人遊韓國嘅朋友！

一個人嘅話，叫一人份白切豬肉，再加個湯麵就啱啱好啦~~

喺豬肉湯入面加蔥同麵而製成嘅湯麵都好受歡迎㗎

另外，夏季限定嘅嫩蘿蔔葉泡菜麵都好好食！

《草梁麥麵 초량밀면》

若要列出十項釜山嘅代表美食，其中一樣一定喺麥麵！

喺其他國家雖然唔太習慣食凍冰冰嘅麵

但係喺韓國有一種用蕎麥做成、叫做冷麵嘅食物，喺韓國好常見

釜山嘅麥麵則喺用小麥嚟代替蕎麥製作而成，麥麵的、嘅特點就喺麵條軟而不硬

釜山火車站附近有間草梁麥麵，呢間餐廳吸引咗好多旅客嚟食

因為呢度嘅價錢唔貴，平平哋就可以試到麥麵~

兩個人叫兩份麥麵同一份餃子都唔會超過一萬won！

平時喺韓國叫一人份嘅嘢食閒閒哋都要7000won以上，相比之下草梁麥麵嘅價格算喺好平~

麥麵配埋餃子...真喺好好食！

《本錢豬肉湯飯 본전 돼지국밥》

呢家喺位於釜山站附近嘅豬肉湯飯店~~

喺唔喺覺得好方便呢！！！

一落火車就食到XD

呢度開咗好耐，喺間超過30年嘅老店～

又點可以錯過呢～

呢間餐廳嘅特別之處在於飯同湯喺分開上嘅！

一般湯飯店，會畀你揀要倒埋落去上定分開上(有啲地方如果叫分開上要加錢ㅜㅜ

呢間就直接幫你分開，唔洗加錢！！

咁食其實感覺好唔同

飯都唔會浸到腍晒 > <

而且呢間湯飯真喺畀好多蔥XD

當然食之前要放韭菜啦

呢間韭菜感覺醃得耐啲，辣椒醬嘅味都比較濃！

全部撈埋一齊食真喺好好食！

重點喺呢度嘅湯飯咸淡適中

加上豬肉一啲腥味都冇，無論大人定細路都鍾意！

又嫩又腍啲豬肉片加埋泡菜...小編都餓啦...

呢度嘅泡菜都喺出名好食~~

泡菜仲可以無限refill！

有機會嚟呢度一定要嚟試下~~

《柳致環的郵筒 유치환 우체통》免門票

喺某一幢建築物嘅屋頂上有個紅色嘅郵筒

喺郵筒嘅後面，喺可以暸望整個釜山啲展望台

因為位置比較高，可以一眼望晒釜山站同釜山港

喺夜晚，釜山港大橋同燈火通明嘅都市夜景都好靚

或者會有人疑惑：「柳致環的郵筒」? 點解喺郵筒呢？

柳致環喺韓國著名嘅詩人兼教育家，<旗子>、<岩石>等作品經常出現喺韓國文學教科書入面，喺韓國人好熟悉嘅詩篇

柳致環雖然喺慶南統營出世，但係喺呢度附近嘅學校做咁兩屆校長

做校長個陣，寫咗<在郵局>呢首詩，所以做起咗呢個地方去緬懷呢位出名嘅詩人。

靈感就取自<在郵局>呢首詩，並製作咗柳致環嘅模型同紅色嘅郵筒

喺柳致環嘅郵筒樓下有一個「詩人的房間」，可以喺嗰度買郵票

貼上郵票，一年後會幫你將明信片寄出㗎~~

喺落地窗前嘅枱一邊寫明信片，一邊暸望釜山港啦！

《168階梯 168계단》免門票

喺遠處睇，呢間樓梯簡直係起喺垂直嘅坡道上面，不禁令人打咗下冷陣XD

實際上168階嘅階梯大概喺六樓嘅高度

冇畏高嘅小編們，都驚到要扶住扶手一級一級咁行

但對於當地居民，即使個頭頂住啲好重嘅物品，都可以輕而易舉咁上落樓梯！

呢度喺由山腹道路去釜山站最快嘅捷徑

原本喺樓梯下面有三個井，而家淨喺得番一個有用緊

聽講呢度嘅居民仲可以一路頂住水桶，一路傾計再一路行樓梯(會唔會太勁⋯⋯

只要喺樓梯行咗落嚟，就唔會有再行上去嘅念頭啦XD

所以落嚟之前記得check清楚有冇留底嘢喺上面！

(樓梯上面有可以住宿嘅故事路充電所)

《金敏夫展望台 김민부 전망대》免門票

金敏夫係韓國著名詩人

呢度就喺為了記念金敏夫而設嘅展望台

比起一個完整嘅展望台，金敏夫展望台喺彎彎曲曲喺小巷入面，係個一望無際嘅展望台

同「柳致環的郵筒」可以睇到嘅地方差唔多，但喺角度有啲唔同，所以別有一番興致

另外，隔離有同展望台一樣高嘅建築物，伸手就可以掂到屋頂，好特別

沿住故事充電所對面嘅小路行落去，或是由168階梯中間轉個彎行入去就見到

(詩人金敏夫：15歲時以天才詩人嘅別名出版第一本詩篇。

後來有人以他嘅代表作品<等待的心>改編成歌曲——一首以離別同相遇嘅釜山港作為題材嘅歌曲，大受歡迎。)

【韓國旅遊】釜山自由行地鐵1號線第4站

中央站(중앙역)

《40臺階 40계단》免門票

呢度係Running Man釜山篇同台劇<必娶女人>中嘅場景(男女主角玩包剪揼落樓梯個幕)

而樓梯中拉緊手風琴嘅男人銅像喺呢度最熱門嘅拍照景點

(Running Man喺呢度比賽邊個可以掉鞋掉到最高！XD)

韓國6.25戰爭個陣，好多難民喺40臺階附近起咗一間又一間嘅木板屋

所以呢間唔單止係喺躲避韓戰過程中離散家人嘅相逢地，亦都係象徵咗悲歡避難生活嘅地方

呢度其實喺為咗重現當時嘅情況而起嘅

如果想睇真正嘅40臺階(較窄、陡峭啲同舊啲)嘅話

行上樓梯後往右轉再行一小段路之後，真正嘅40臺階就係寫住「열쇠 복사」嘅五金行嘅右邊~

係40臺階嘅入口處有一個40臺階紀念館，呢度唔需要入場費，所以想了解有關40臺階歷史嘅朋友可以入去行下架~

（逢星期一休館，平日營業到夜晚6點，周末就到下就5點！)

《螺旋階梯 소라계단》免門票

行上40臺階後向右稍微行一小段路就會見到一個形狀特別嘅樓梯

呢條螺旋狀階梯連結咗村嘅上半部分同下半部分

呢個裝置藝術路叫做「大海之路」

因為以前避難嘅時候都喺利用釜山港嘅船避難，所以呢個裝置藝術路就以呢樣為主題去設計

螺旋路最特別嘅地方係：即使起係建築物之間都冇違和感

不過由於呢度會有電單車駛過，所以大家喺行路嘅時候要注意後面嘅車啊XD

【韓國旅遊】釜山自由行地鐵1號線第5站

南浦站 남포역

《龍頭山公園 용두산 공원》免門票

如果南山塔可以代表首爾，東京鐵塔可以代表東京嘅話

咁代表釜山嘅就喺「釜山塔」啦！

龍頭山喺一座位於南浦洞市區正中心，而且海拔高度只係得49公尺嘅山

由於形狀好似喺海裡面浮出喺嘅龍，而被稱為龍頭山

龍頭山係日治時期時，起咗間日本神社

係解放後神社被政府拆除，呢度就變成咗難民嘅聚集地

之後呢度規劃成為公園，象徵龍頭山嘅龍塔同釜山塔都相繼建成

釜山塔嘅瞭望台好適合睇夜景，遊客可以喺呢度欣賞到釜山360度嘅全景

但由於瞭望台嘅設施慢慢老舊，隨住新嘅夜景景點一個一個出現，大家都漸漸咁轉移陣地XD

《海豚豆腐鍋 돌고래 순두부》

大家都知道米芝蓮係全世界美食餐廳嘅重要指標

不過係韓國仲有「Blue Ribbon Survey」，堪稱係韓國版嘅米芝蓮！

雖然呢度遠睇只喺間破舊嘅餐廳

但係喺Blue Ribbon Survey同Lonely Planet(韓國嘅首席旅遊指南)都有收錄呢間餐廳㗎！

呢間豆腐鍋餐廳已經營業超過三十年，並且深受大家喜愛！

雖然送上枱嘅只有用石鍋裝嘅豆腐鍋同泡菜、炒魚板等簡單小菜，同埋白飯

睇落簡單嘅料理，就因為帶有甜味嘅湯頭而吸引咗好多人嚟食~~

不過因為呢度嘅豆腐鍋比一般嘅豆腐鍋甜

所以如果唔鍾意食甜嘢嘅朋友，小編就唔推薦呢度啦 > <

但如果想要試下比較特別嘅豆腐鍋或者鍾意食甜一啲嘅豆腐鍋的話，小編就好推薦呢間啦！

另外，由於呢度嘅泡菜非常受到日本觀光客嘅喜愛

所以呢間店有另外出售泡菜，有需要嘅話可以問下餐廳職員！

《屋頂浴池 옥상목욕》

既然食飽咗，就去間有趣又好玩嘅cafe坐下啦！！

喺釜山自由行，梗係要有充分嘅休息同享受~

呢間鋪就好似佢個名一樣，位於屋頂

並且係可以一邊飲咖啡，一邊浸腳嘅特色cafe！

一行入櫃台，就會見到側邊放咗一個大浴缸

行入去，店員就會向大家解釋呢間鋪頭嘅點餐方式

呢度仲準備咗多語言嘅介紹畀外國人！

基本上呢度點餐嘅方式，就係揀一杯飲品或咖啡

就可以享有20分鐘嘅浸腳時間，同埋隨機提供餅乾、甜品、生果

價格一樣全部都係1萬won！

點完之後就可以除鞋，去外面等浸腳

不過唁理係冬天定夏天，泡腳嘅地方都係戶外！

所以建議怕凍嘅人，夏天嚟會比較好~

不過冬天會提供毛氈同暖爐

所以就算冬天嚟都唔洗太擔心啦~~

@mogyok

冬天嘅浸腳水係熱水，夏天係凍水~

如果係冬天浸腳嘅話，店員每隔一段時間就會嚟加啲熱水入去，等熱水唔會凍晒，好貼心！！

@mogyok

食飽飯嚟呢度浸下腳、飲杯咖啡或飲品

消化下，備戰接住落嚟嘅shopping時間啦！

《南浦洞大街 남포동거리 & 光復路流行之街 광복로 패션의 거리》

飲飽食醉嘅下一步，梗係要去shopping啦！

其實想喺釜山購物嘅話

南浦洞附近同埋光復路流行之街就一定要去！

呢度好似明洞咁集齊咗各種流行品牌

名牌、化妝品同衫褲，都可以喺呢度搵到！

＠韓國觀光公社

好多後生仔都鍾意嚟南浦洞行街~

甚至kakao friends store都係呢度有分店！！

接下嚟我哋就去南浦洞嘅kakao friends store睇下啦！

《KAKAO FRIENDS旗艦店光復店 카카오프렌즈플래그십스토어 광복점》

嚟到釜山自由行一定唔可以錯過！！！

呢間喺南浦洞光復路嘅kakao friends store

係間超大型嘅旗艦店！

最頂樓仲有Apeach嘅咖啡廳！

呢間係釜山南浦洞光復路嘅kakao friends store旗艦店

一共有四層樓高！

每一層都超~級~好~影！

唔單止有好多kakao嘅商品可以買

淨係喺呢度打卡影相就用咗好多時間！XD

喺旗艦店入面，有好多大型kakao公仔畀大家影相~

其實一行入店就可以見到好多人排隊，想同呢啲kakao公仔影相

人多個陣可能要等下先可以同士到佢哋合照！！

不過除咗呢啲大型嘅kakao公仔可以合照以外

每一層樓梯轉角位都有啲得意壁畫

都好值得影！！

壁畫將釜山嘅特色同kakao公仔畫埋一齊！

每行一層樓都好期待有咩壁畫會出現！

行完kakao friends store，就去樓上嘅cafe睇下啦！

嚟到呢間KAKAO FRIENDS STORE絕對唔好錯過呢間！

因為以APEACH做主題嘅KAKAO cafe僅此一間！

（首爾個間喺Ryan~）

睇到佢呢個得戚樣(？)就忍不住想咬番啖XD

雖然韓國釜山嘅KAKAO FRIENDS SHOP cafe係以APEACH做主題

不過當然都有賣其他KAKAO FRIENDS 嘅餐點

如果都係想食Ryan款都冇問題XD

不過一場嚟到，就嚟食下APEACH嘅嘢食啦！

呢間主題cafe，相當寬敞

而且成間cafe都喺粉紅色，絕對可以喚起你嘅少女心！！

【韓國旅遊】釜山自由行地鐵1號線第1站

札嘎其站 자갈치역

《釜山豬腳 부산족발》

雖然釜山豬腳嘅味道同其他鋪頭差唔多

但都係要同大家推薦呢間「老字號」！！

通常豬腳都喺放涼咗之後直接吃

但係釜山嘅「涼菜豬腳」嘅豬腳撈咗酸酸甜甜嘅醬汁，咁食就更清新！

涼拌豬腳嘅發源地係釜山富平市場入面嘅豬腳一條街

因為呢道料理被認為喺最正嘅下酒菜，所以每到星期五、六都會有好多人嚟富平豬腳一條街買涼拌豬腳

而呢間鋪就位於南浦洞附近嘅富平豬腳街 (부평족발골목)入面！

咁究竟涼拌豬腳係點樣研發出嚟架呢？

係1990年代後期，豬腳嘅主要客源都係40歲以上嘅中年人

為咗配合年輕人嘅口味，係經過各種試驗之後就開發咗呢味涼菜豬腳！

不論男女老幼都好鍾意呢道美食架~~

既然嚟咗南浦洞附近

不妨嚟試下呢個享負盛名嘅涼拌豬腳啦！

《釜山電影節街 BIFF 광장 거리》

各位有冇聽過釜山電影節(BIFF : Busan International Film Festival)呢？

美國時代雜誌雜誌用「亞州代表性電影節」嚟介紹釜山電影節

就知道釜山電影節可以話喺數一數二具有指標性嘅電影節嚟！

每年秋天都會有無數嘅電影迷嚟參加釜山電影節

而釜山電影街舉行嘅地點就係呢度~~

呢度已經成為世界性電影節嘅重要場所

BIFF廣場位於南浦洞四間電影院之間

圓形嘅舞台同廣場嘅地下都有好多世界電影界名人嘅手印

電影節以外嘅時間都有好多人專誠過嚟尋訪名人嘅跡影！

大家如果嚟到釜山自由行，就一定要去BIFF廣場行行

記得仲要搵下有冇鍾意嘅電影導演或者演員嘅手印啊~~

當然啦，釜山自由行除咗嚟呢度搵手印，梗係要食啲街頭小食啦！

釜山嘅代表性食物：辣炒年糕、糖餅等都可以食到~

而且仲有好多擋

當然有啲攤擋會大排長龍，比較受歡迎，不過個人認為，其實每一擋食落嘅差別都唔係太大

如果想食最出名嗰間，咁就去排好多人排個間啦XD

雖然呢度值得食嘅小食真喺超多！

不過大家如果去咗BIFF廣場，真心強烈推薦一定要食呢度嘅堅果糖餅！！

因為堅果糖餅係由呢度開始發跡，所以一定要試下元祖味道！

《國際市場 국제시장》

大家有冇睇過韓國電影「國際市場」啊？

國際市場係票房破千萬人次嘅超高人氣電影

托電影「國際市場」嘅福，位在釜山嘅國際市場都因為咁成為著名嘅觀光勝地！

韓國喺結束日本嘅統治之後，難民就由北方南下，定居釜山

而國際市場正係喺當時開始出現嘅市場

解放之後日本人冇帶走嘅行李就送晒嚟國際市場拍賣

所以國際市場亦曾被稱為自由交易市場！

由於當時被送嚟呢度嘅袋同行李都冇被打開

嚟國際市場競標嘅人都好似買六合彩咁，好彩嘅，話唔定個袋會裝住啲好值錢嘅嘢

不過而家嘅國際市場一早就變成賣雜貨、餐具嘅傳統市場

炒冬粉、辣炒年糕等街邊小食都可以喺國際市場入面搵到~

呢度係電影國際市場嘅拍攝景點

好多人只要經過呢間店鋪就會影相

老闆仲會好親切教大家邊度係最佳打卡位～

聽講由鋪頭嘅斜對角影過去係最好嘅！

而家嘅國際市場無所不有

咩都可以係國際市場見到

雖然唔一定要嚟買嘢(好似電器咁，應該冇人會托番香港XD)

不過食飽飯嚟國際市場行下都係個唔錯嘅體驗，可以體會到一般韓國人嘅生活㗎

國際市場相當有趣~~大家都嚟行下睇下，消化下啦！

《富平罐頭市場 부평깡통시장》

由啱啱提到嘅國際市場拍攝場景(꽃분이네)嘅左手邊直行

就可以直接去到富平罐頭市場！

富平罐頭市場朝早同夜晚好唔同

不過今天最後帶大家嚟到呢度，就係因為呢度嘅「夜市」！

呢個地方好似比較少外國觀光客會知道

不過其實韓國人真係好鍾意嚟呢度

呢度可以見到韓國少見嘅夜市，仲可以食到唔同嘅美食！

富平市場一到夜晚，就會見到好多攤擋出嚟開檔

每到假日呢度都會人山人海！！！

係韓國嚟講，呢種夜市真係比較少見，可以叫做美食天堂！

各種夜市小吃都可以係到食到！

如果大家喺釜山旅遊嘅話，建議大家可以嚟體驗下~

雖然好多人，一路行一路食會好逼

不過呢度咁多咁有特色嘅美食，點都要嚟試下！

《札嘎其市場 자갈치시장》

”札嘎其市場“(자갈치시장/Jagalchi Market)被喻為“釜山嘅廚房”

會有呢個稱號喺因為，呢度係漁船最先卸貨嘅地方

所以可以用平價買到最新鮮嘅海產

充滿海味嘅市場，喺好似澳洲歌劇院嘅新建築物入面，係個現代化嘅市場

一樓係水產物市場，二樓係魚生中心，七樓就係瞭望台

如果係想嚟食魚生嘅話，咁就一定要去二樓嘅魚生中心。

如果想食烤魚或者鰻魚等其他美食嘅話，行去建築物外嘅傳統市場就食到！

市場嘅姐姐係攤位上擺滿咗海產去吸引大家嘅目光

雖然市場有啲複雜混亂，但都可以用低價食到新鮮嘅海產！

《巨人炸雞 거인통닭》

巨人炸雞係釜山三大炸雞店之一！

一到用餐時間，呢間巨人炸雞就會滿坐！

呢間炸雞店唔似其他鋪咁有多種口味

淨係得好簡單嘅原味、調味同半半可以揀~~

所以都唔洗擔心唔識叫~

另外，呢間炸雞嘅分量真係超級多！

總係多到食唔晒，非常物超所值

小編個人覺得巨人炸雞係釜山最好食嘅炸雞XD

【韓國旅遊】釜山自由行地鐵1號線第7站

土城站 (토성역)

《甘川文化村 감천문화마을》免門票

甘村文化村位於土城站，又被稱為韓國嘅馬丘比丘

係一個可以見到小王子嘅藝術村莊！

甘村文化村唔單止有壁畫，仲有好多展示各種藝術作品嘅展示廳、裝置藝術等

所以呢度又被稱為「冇屋頂嘅美術館」

韓國好多電影、電視劇，甚至是Running Man都係呢度取景

令甘川文化村成為去釜山一定要去嘅景點之一

上到展望台，可以睇到五顏六色嘅房屋，仲可以睇到大海添

行甘川文化村最好嘅方法就係沿住地圖行晒村入面各個角落

係甘川文化村，四周都貼咗魚形嘅指示牌，

如果蕩失路，跟住啲魚標示嘅方向行就可以去番主要街道

係主要街道嘅咖啡廳、工房或者餐廳入面稍作休息，都可以好好咁享受呢個地方

甘川文化村嘅小王子是呢個地方嘅象徵，都係最有人氣嘅裝置藝術

同小王子嘅背影影張相，打個卡，證明自己到此一遊！

係村莊入口嘅村莊詢問處，用2000won買村莊地圖，會送可以收集印仔嘅手冊

就算唔行晒成個村莊，只係去可以收集印仔嘅地方，已經可以充分咗享受甘川文化村

收集晒所有印仔，仲可以去天空之脊展望台同社區中心甘內和睦中心各換一張明信片

不過因為呢度住咗當地居民，所以嚟甘川文化村記得要細聲講野

同埋唔好影房屋嘅內部同居民，以免令居民不便。

下面仲會介紹甘村文化村嘅韓服店同影相區！

《甘川文化村小王子拍照區 어린왕자 포토존》

呢度係甘川文化村最有人氣嘅景點！

釜山風景嘅大海、小王子同沙漠狐狸並排而坐嘅背影令人印象深刻

推薦大家跟小王子同沙漠狐狸坐埋一齊用同個姿勢影相

或者輕輕挨落小王子到影都得~~

不過每次呢度都大排長龍> <

想同小王子影張合照，一啲都唔容易！

如果想係呢度同小王子影合照，就要做好排隊嘅心理準備！

《甘川文化村合為一體拍照區 하나되기 포토존》

係人形剪影造型版上面畫上甘川文化村風景嘅特色景點

感受到人同風景自然融合為一體嘅感覺

日落嘅時候更別有一番風味！！

除此之外，呢度嘅視野非常好

由高處眺望成個甘川文化村，令人心曠神怡！

更可以將甘川文化村影晒落黎留念添～

《甘川文化村海景拍照區 바다 포토존》

呢度可以睇到甘川文化村同「甘川港」嘅地方

仲可以一眼望盡海邊村落

係甘川文化村入面，最好影相嘅地方就係由高處眺望每一個角落

唔單止可以睇到好多得意嘅小屋，更可以睇到晒每一個小角落~

除了美麗的風景，呢度仲有個大郵筒比大家打卡

雖然唔係真正可以寄出信件嘅郵筒，但係個充滿回憶嘅地方！

記得係度影相留念啦~

《甘川文化村天空之脊展望台 하늘마루 전망대》

呢度可以一次過俯瞰甘川文化村、釜山港、甘川港以及龍頭寺！

同<海景拍照區>唔同嘅係，呢度嘅郵筒係真喺可以寄明信片！

特別嘅係一年後才會幫你寄出

寫底想對1年後嘅自己想講嘅嘢，一年後收到一定別具意義！

同時令呢一次釜山旅遊更特別！

寫完明信片之後交去服務台就得~

(唔好直接入落郵筒啊~一定要買咗郵票先！！)

《哲秀與英熙 철수와영희》

係首爾嘅韓服店越嚟越多，但釜山就冇咁多 > <

不過嚟到釜山旅行，點都要穿番次韓服先過癮！

加上甘川文化村同韓服好襯，

係釜山旅行想租借韓服嘅話，可以去呢間為大家推薦嘅韓服店~

<哲秀與英熙>就位於甘村文化村嘅入口處

係甘村文化村導引中心對面嘅2樓！

<哲秀與英熙>呢家韓服店不但擁有超過100套嘅韓服，就連校服都藏有200幾套！

並且呢度嘅韓服都喺自己親自製作

不管係高級韓服，定係生活韓服都係而家最流行嘅款式~

去釜山旅行，千其唔好錯過韓服！

快啲一齊穿住靚靚韓服去甘村文化村影相啦~~

哲秀與英熙預約申請

想知道甘村文化村的美食、咖啡廳、紀念品店可以參考以下文章！

【釜山旅遊】釜山必去景點！甘川文化村拍照區、美食、咖啡廳、紀念品店總整理！

【韓國旅遊】釜山自由行地鐵1號線第8站

多大浦海水浴場站(다대포해수욕장역)

《古來思魚板釜田本店 고래사어묵 다대포점》

釜山人成日會爭論三進魚板專賣店(삼진어묵 베이커리)好食啲，定係古來思魚板(고래사 어묵)好食啲

去晒兩間嘅結論係：三進魚板專賣店多啲傳統魚板，古來思就比較多創意、新式魚板

古來思魚板用嘅係釜田洞清澈嘅井水，加上由札嘎其市場送嚟嘅新鮮海鮮做成魚板

而且冇添加不必要嘅合成食材、合成色素、MSG麵粉等等，同競爭對手三進魚板專賣店一齊將魚板高級化

好似麵包店咁將魚板放係碟上然後埋單就得

有食到成隻蝦嘅蝦魚板、一整條辣椒嘅辣椒魚板、鮑魚魚板、馬鈴薯等等，

埋單後用店入面嘅微波爐叮30秒後就可以直接食！

係呢度最特別嘅餐點係魚板烏龍麵(어우동)

魚板烏龍麵是用新鮮魚肉做成魚肉麵，配上用鰹魚熬嘅湯頭

係古來思獨家嘅專利menu！

比起嚼勁，古來思嘅特點係柔軟嘅口感

釜山有5個分店，總店位於釜田市場入面

總店同海雲臺分店係最大規模

多大浦海水浴場附近嘅多大浦分店係最細規模嘅分店，淨係賣基本嘅魚板~

＊古來思魚板 富田本店
 고래사어묵 부전본점 (부산광역시 부산진구 중앙대로 769번길, 07:00~19:00) 
＊古來思魚板 海雲臺店
 고래사어묵 해운대점（고래사어묵 해운대점 (부산광역시 해운대구 구남로 14, 10:00~22:00) 
＊古來思魚板 樂天百貨 光復店
  고래사어묵 롯데백화점 광복점 (부산광역시 중구 중앙대로 2, 롯데백화점 광복점 아쿠아몰 지하 1층, 10:30~22:00) 
＊古來思魚板 多大浦店
고래사어묵 다대포점 (부산광역시 사하구 몰운대 1길 14, 1층 , 11:00~21:00) 
＊古來思魚板 釜山富平店
고래사어묵 부산부평점 (부산광역시 중구 중구로 43번길 29, 3B-18, 09:00~20:00)

《多大浦海水浴場 다대포 해수욕장》免門票

釜山係位置上因為偏東方，所以有很多睇日出嘅名勝景點，不過可以睇日落嘅地方唔多

釜山西側下方同南海連著嘅多大浦海水浴場係釜山可以欣賞到最靚日落嘅地方

好似沙漠一樣展開嘅白沙場，仲有上面嘅小狗造型嘅雕像，由四個方向睇都有唔同面貌嘅女人像等等

日落個一瞬間，同染成紅色嘅天空一齊睇別有一番風味~

(特別係太陽落到去小狗隻眼個陣，就好似係眼珠一樣，係一個好受歡迎嘅打卡位！)

白沙上被風吹起嘅紋路讓人聯想到水上嘅波浪

寬闊嘅白沙場，同後面一大片海面，畀人有一種沙漠入面嘅綠洲一樣嘅錯覺

如果早過日落時間嚟到，可以先到白沙場後面嘅海岸公園散步！

呢度有樹木圍繞嘅特色小徑，可以享受一下「森林浴」~~

《多大浦夢幻夕陽噴泉 다대포 꿈의 낙조분수》免門票

日落後，天色漸暗，夜晚八點個陣

係多大浦海水浴場後面嘅海岸公園廣場，廣場嘅噴泉會隨住音樂舞動

撥放嘅音樂係釜山市民投稿或者點播嘅歌曲

隨著音樂節奏，水柱都跟住擺動

一共有27種款式，水柱交錯舞動

不論播放咩音樂都會有相對應嘅水舞演出

每個月都會播放大約60幾首歌謠、流行歌曲、古典等不同種類嘅歌曲

根據市民嘅投稿，水柱會一齊舞動，亦被稱為多大浦夢幻夕陽噴泉

噴泉嘅直徑係60公尺，水柱最高可以去到55公尺，噴水口有1046個，燈光有511個，小噴泉24個，係世界最大規模嘅噴泉

世界上出名嘅噴泉大多喺水中或者壁面上設置，好似咁樣設係海邊嘅噴泉加上音樂同照明演出，好少見

更成功係金氏世界紀綠登錄為世界上規模最大嘅噴泉㖭！

釜山行就用世界最棒嘅音樂噴泉做結尾啦！

一定會成為你一生最難忘嘅回憶！

每年5月~10月音樂噴泉秀會開始演出

5月~8月下午8點(週末有2次，8點一次、9點一次)

9~11月嘅時候係喺7:30分時開始(週末晚上有兩次，一次是7點，一次是8點)

大約會播5首歌，一共20分鐘

表演結束後，仲有體驗噴水嘅時間，等你體驗係噴泉中被水柱淋嘅感覺！

2020釜山地鐵一號線之旅

釜山自由行！搭釜山地鐵1號線暢遊釜山

<睇呢篇文前，你可以參考以下文章>

【韓國旅遊】釜山自由行地鐵1號線第1站

《金剛公園 금강공원》免門票

《金井山城纜車 금정산성 케이블카》

纜車車票價格

《出名的東萊蔥餅 소문난 동래파전》

【韓國旅遊】釜山自由行地鐵1號線第2站

《金剛部隊鍋 킹콩부대찌개》

《烤了又煮 西面本店 구워삶기 서면본점한식》

《MOLLE咖啡 몰레》

《Matin Coffee Roaster 마틴커피로스터스》

《Little Planet》

【韓國旅遊】釜山自由行地鐵1號線第3站

《平山玉 평산옥》

《草梁麥麵 초량밀면》

《本錢豬肉湯飯 본전 돼지국밥》

《柳致環的郵筒 유치환 우체통》免門票

《168階梯 168계단》免門票

《金敏夫展望台 김민부 전망대》免門票

【韓國旅遊】釜山自由行地鐵1號線第4站

《40臺階 40계단》免門票

《螺旋階梯 소라계단》免門票

【韓國旅遊】釜山自由行地鐵1號線第5站

《龍頭山公園 용두산 공원》免門票

《海豚豆腐鍋 돌고래 순두부》

《屋頂浴池 옥상목욕》

《南浦洞大街 남포동거리 & 光復路 流行之街 광복로 패션의 거리》

《KAKAO FRIENDS旗艦店光復店 카카오프렌즈플래그십스토어 광복점》

【韓國旅遊】釜山自由行地鐵1號線第1站

《釜山豬腳 부산족발》

《釜山電影節街 BIFF 광장 거리》

《國際市場 국제시장》

《富平罐頭市場 부평깡통시장》

《札嘎其市場 자갈치시장》

《巨人炸雞 거인통닭》

【韓國旅遊】釜山自由行地鐵1號線第7站

《甘川文化村 감천문화마을》免門票

《甘川文化村 小王子拍照區 어린왕자 포토존》

《甘川文化村 合為一體拍照區 하나되기 포토존》

《甘川文化村 海景拍照區 바다 포토존》

《甘川文化村 天空之脊展望台 하늘마루 전망대》

《哲秀與英熙 철수와영희》

【韓國旅遊】釜山自由行地鐵1號線第8站

《古來思魚板 釜田本店 고래사어묵 다대포점》

《多大浦海水浴場 다대포 해수욕장》免門票

《多大浦夢幻夕陽噴泉 다대포 꿈의 낙조분수》免門票

《烤了又煮西面本店 구워삶기 서면본점한식》

《南浦洞大街 남포동거리 & 光復路流行之街 광복로 패션의 거리》

《甘川文化村小王子拍照區 어린왕자 포토존》

《甘川文化村合為一體拍照區 하나되기 포토존》

《甘川文化村海景拍照區 바다 포토존》

《甘川文化村天空之脊展望台 하늘마루 전망대》

《古來思魚板釜田本店 고래사어묵 다대포점》