Hello，大家好，我哋係由韓國人話你知每日最新韓國資訊嘅Creatrip。
＃韓國文化＃韓國企業
＃韓國企業文化
隨住韓劇、Kpop盛行，越嚟越多朋友想嚟韓國長住或者做嘢，但啖呢個前提下，相信好多人都聽過所謂嘅「韓國企業文化」⋯⋯
無論係聽韓國朋友分享，定係啖韓劇入面睇到，都好得人驚。
事實上，韓國年輕人即使突破重重困難搵到工，都有唔少人會頂唔順企業文化，太大壓力，最後選擇辭職。
✨馬上Follow我哋IG
instagram.com/creatrip.hk
其實而家大部分嘅韓國企業都已經進步好多，大部分都係比較舊式、古板嘅公司，先會有呢啲現象。
有興趣要嚟韓國就業嘅朋友，都唔需要太驚。
韓國企業文化
1. 偏保守嘅韓國企業
《未生》
韓國大型企業其實相對嚟講比較保守。
雖然佢哋睇落發展迅速，工業、經濟發展良好，但都係靠當初「上命下從」嘅指令得嚟嘅成果。
領頭羊做嘅決策，下屬唯命是從，先會有呢類使命必達嘅結果。
《未生》
韓國人對於「上命下從」嘅觀念仲係好著重。
雖然大部分時候，大家確實做好本分，在其位謀其政就得，但韓國仲有種下屬唔可以反駁上司嘅概念。
小編嘅朋友曾遇過呢件事：
新職員A啖一間非常保守嘅企業入面番工，開會個陣，組長同A講：「有咩不滿都可以坦白講。」
A笑住答「冇咩不滿。」
組長又話：「唔緊要㗎，趁呢個機會將你心入面嘅諗法講晒出嚟啦。」
A依舊笑住答「真係冇咩不滿。」
結果組長又話：「真係唔緊要！」仲問其他老鬼「你哋都覺得唔緊要㗎麻？」其他職員都係咁話唔緊要。
結果A就真係一次過講晒心入面嘅不滿出嚟，氣氛瞬間降到冰點，組長即刻結束會議。
後嚟組長就鬧A「你身為資歷最淺嘅員工，點可以喺其他前輩面前，將自己嘅不滿講出嚟㗎？其他人點啊？」
係咪好無奈呢⋯⋯
小編再問其他喺大企業做嘢嘅朋友，佢哋都話有過類似嘅經歷……
韓國企業文化
2. 軍隊一樣嘅企業
《未生》
韓國嘅上班族會將企業比喻成軍隊。
事實上，就業網站曾以「組織內部有冇軍隊文化？」為題調查，結果顯示，72%嘅人認為韓國公司仍然存有軍隊文化。
再問，幾時會感覺到軍隊文化呢？
第一名嘅回答係「唔可以提意見嘅壓抑氛圍」（15%），再嚟係「因上司而要改變無法更改嘅行程，或者已決定嘅事」（12%）。
「無法認同員工有個人私生活嘅內部氣氛」、「報告制度過於刻板」就並列第三（11%）。
《未生》
韓國企業之所以會有呢類軍隊氣氛，大概係因為上位者通常係男性，同時都認為咁樣管理下屬先有效率。
韓國企業文化
3. 永無止境嘅加班
《未生》
一啲比較傳統嘅企業，其實都將加班或者假日返工，視為理所當然嘅事。
甚至有更極端嘅例子，佢哋會認為「你唔想OT，仲有好多人想做呢份工」。
小編有位朋友入咗一間朝9晚6嘅公司，講就咁講，實則佢就被要求朝早八點就要到，而且經常OT到夜晚八點。
佢第一日返工08:30返到，就被組長話「身為新入職職員點可以八點半先返工呢？當然要8點就嚟啦！」
而且呢類公司通常都會有個惡性通病，新人一定要等組長、科長等前輩收工先走得……
小編另一位喺韓國頂尖企業返工嘅師兄，要凌晨6點返工，夜晚12點先收工。
而且好多公司都冇OT錢，甚至會喺面試個陣就同你講，OT錢已經包咗喺你年薪入面㗎啦！
來源：news1
點解會咁呢？如同小編啱啱講，多數企業抱住「冇你都唔緊要，反正可以代替你位置嘅人好多」嘅心態去壓榨員工
如果職員將人工太少、太多嘢做嘅狀況同公司反映，大部分嘅公司反而會話：咁你走啦！
韓國企業文化
4. 企業中嘅男女比例
來源：JOBKOREA
好多韓國女性返工個陣，都曾受過差別待遇。
JOBKOREA曾做過相關調查，結果顯示，10個企業入面最少有4個企業喺徵選員工個陣更鍾意男性應徵者，佢哋認為「女性懷孕、生仔、育兒會成為絆腳石」（62.5%）。
另外，根據企業上繳嘅銷售報告書入面，顯示出韓國前20大企業入面，男性人工比起女性足足多咗50%。
來源：YTN
韓國企業文化
5. 正在改變嘅韓國？
最近有好多企業同新創公司，都意識到咁樣嘅企業文化相當唔好，因此逐漸轉型成自由、活潑嘅上班氣氛。
Creatrip都係間良好氣氛嘅公司嚟㗎～
為咗令職員可以喺良好嘅環境入面工作，達到更好嘅工作效率，激發佢哋嘅創意，其實好多企業都試過改變，例如彈性上班時間、減少聚餐、男女比例均衡等等。
政府都持續推動相關政策，令各位打工仔嘅工作環境更好。
《未生》
雖然而家仲有部份公司有呢啲睇人面色、唯命是從嘅工作文化，但小編相信，呢啲公司隨住時代變遷會被淘汰。
希望有一日，韓國嘅企業文化會好似西方國家一樣，受到大家稱讚！
✨馬上Follow我哋IG
instagram.com/creatrip.hk
| 其他延伸閱讀 | |
 孔劉春季畫報 |  女性的職場歧視 |
