哈囉，大家好，我哋係由韓國人話你知每日最新韓國資訊嘅Creatrip。
＃韓國文化
＃韓國人習慣
＃無禮行為
今日要同大家講一啲受指責嘅韓國人生活習慣。
呢啲行為相信唔只係韓國人自己本身，應該好多嚟韓國旅行嘅朋友都遇過。
小編寫呢篇blog唔係想批評韓國人，只係希望大家都意識到有呢啲問題存在，亦希望呢啲問題可以早日改善。
✨馬上Follow我地IG
instagram.com/creatrip.hk
韓國人無禮行為
1. 的士
呢一點小編覺得有慢慢改善緊。
其實應該有唔少人都有相關經驗，就係遇到一啲唔好嘅的士司機。
- 唔開跳表，隨意叫價
- 超速行駛，危險駕駛
- 語言不通，趕人落車
- 拒載短程，無理取鬧
甚至有陣時已經比司機睇咗韓文地址，佢都會話唔知，然後啖半路趕人落車，或者惡意唔跳表，最後獅子開大口。
除左外國人之外，小編之前都啖韓國遇到衰司機，呢個時候要記得拎收據，方便之後檢舉。
- 韓國旅遊不便投訴中心（繁中介面）
- 1330（韓國撥打）、+82-2-1330（國外撥打）
韓國人無禮行為
2. 超串店員
大家通常係有限預算嚟玩，即使要Shopping，都要一番精挑細選、考慮之後先會去買。
不過有時候遇到啲超串店員，應該要點算呢？
睇咗幾件衫、問完價錢之後無買，大家可能會發現店員開始黑面。
其實唔只係對外國人，就算對韓國人，唔少店員都會突然黑臉⋯⋯
NEWSIS
不過小編都要提提大家，通常喺韓國要試著嘅話，店員都係預咗客人會買，除非size真係唔啱先會啱買。呢一點大家要互相體諒下。
韓國人無禮行為
3. 韓文中文菜單價格唔同
雖然呢個情況愈嚟愈少見到，但仲有可能發生，比韓國人嘅Menu會平啲，翻譯比外國旅客嘅Menu就加咗價。
有時語言不通，店家扮唔知唔理，好嬲嘅話要點做先好呢？
店主如果用各種藉口去推話係臨時加價，千祈唔好信，因為再點加價都一定係韓文Menu改先。
所以大家埋單個陣，記得同佢講要收據，影低佢比您嘅Menu同嘢食，再去投訴就得。
不過，小編建議大家，叫嘢食個陣問清楚價錢，就算您已經坐喺位到，只要未叫嘢食，您都有權直接走人。
韓國人無禮行為
4. 男生去完廁所唔洗手
呢件事係小編覺得所有無禮行為入面最噁心。
每次係地鐵站去完廁所，都會見到好多男仔直接行出去，唔洗手，甚至企係鏡子前整頭髮，但就係唔開水龍頭洗手。
韓國電視節目就曾經以「去完廁所唔洗手」為題做咗報導。
雖然調查入面，高達94%學生話去完廁所之後都會洗手，但記者實際去統計，只有唔到17%男學生會洗手。
雖然有人洗手，但小編實際見到一半以上都唔會洗手。
根據韓國疾病管理部所作調查顯示，大部分人對於點解唔洗手嘅回答，都係「無呢個習慣」或者「單純懶」。
韓國人無禮行為
5. 公共場合除鞋
搭地鐵可能唔常見，不過搭過巴士、火車嘅朋友，應該都曾經見過韓國人直接除鞋，露出襪甚至雙腳，有時更過分，直接將腳踩喺前面個位度。
雖然小編自己好唔理解，但可能係因為韓國有坐式文化，喺公司、學校都有換拖鞋嘅習慣。
直到依家，都仲係有啲我行我素嘅韓國年輕人會咁做。
通常坐式文化只係喺屋企，或者特定風格餐廳先可以咁做，將公共場所當自己屋企，隨便除鞋嘅行為實在令人難以理解。
韓國人無禮行為
6. 愛打尖嘅老人家
雖然有好多老人家都和藹可親，但唔知大家喺搭地鐵、巴士嘅時候，
有無遇過個車一停，就衝去門前，唔理後面排咗幾多條隊嘅韓國老人家呢？
如果無嘅話，小編只可以話您好好彩。
小編依家住係韓國嘅每一日，搭地鐵嘅時候，都會見到韓國老人衝去車門前，唔理有無人要落車搏命逼人入車廂。
或者係韓國敬老、長幼有序嘅文化，而造成呢種「長者最大」嘅思想。
不過值得慶幸嘅係，韓國新一代年輕人都算幾有秩序。
韓國人無禮行為
7. 男人坐姿
其實唔只係韓國，香港好多男人坐地鐵或巴士嘅時候，都習慣將雙腳打開，甚至逼到隔離個個，令左右兩邊嘅人要縮埋一舊。
雖然咁樣講好似有啲以偏概全，但韓國人嘅大男人思想，好似令佢哋對自己坐姿影響到其他人，一啲都唔在意。
其實已經有越嚟越多韓國年輕男人改咗，但小編搭地鐵間唔中都係會遇到⋯⋯
韓國人無禮行為
8. 語言不通
善良嘅韓國人有好多，肯積極用英文同您溝通嘅都有唔少，不過有時候遇到語言不通嘅情況下，韓國人其實普遍都會比較心急。
呢一點小編需要平反一下。小編覺得唔係佢哋態度唔好，只係「唉呀我唔知要點做好，算啦算啦」嘅心態。
或多或少都同韓國人性格比較急有關，雖然對旅客嚟講，感覺有啲無禮貌。
不過，依家都越嚟越多韓國人識少少英文同中文，同好樂意幫大家㗎！
以上係小編整理出成日聽到嘅韓國人無禮行為。
雖然依家已經改善咗好多，但間唔中都會遇到，希望大家嚟玩個陣唔會遇到啦！
咁多位，我哋下次再見啦。
✨馬上Follow我地IG
instagram.com/creatrip.hk
| 更多延伸閱讀 | |
 韓國退稅懶人包 |  東大門鞋子市場 |
 弘大美食總整理 |  弘大aland探訪 |
