Hello，大家好，我哋係由韓國人話你知每日最新韓國資訊嘅Creatrip。

＃韓國酒＃韓國啤酒
＃韓國CASS＃韓國HITE
＃韓國地名啤酒＃漢江

韓國燒酒太濃，飲唔到？馬格利米酒太甜，唔啱你？咁就要試下韓國嘅啤酒喇！不過韓國啤酒除咗大家都知道嘅HITE同CASS之外，仲有啲咩其他韓國啤酒呢？今日酒鬼小編就一一介紹俾大家。

韓國啤酒推薦
1. HITE、CASS

最常見嘅韓國啤酒，莫過於CASS同HITE，餐廳幾乎一定都會有佢哋，就連韓國人自己都會分成HITE派同CASS派，小編個人係鐘意HITE多過CASS

2. CASS LIGHT

• 酒精濃度：4%

雖然母公司就係最常見嘅CASS，但佢同CASS好唔同，佢雖然都出咗一段時間，不過喺一般餐廳就唔係好成日見到，對於韓國人嚟講，似乎多咗「LIGHT」就等於變得再淡咗。

基本上倒出嚟嘅顏色的確係比原本嘅CASS啤酒再淡咗啲，而且因為係LIGHT輕量化，所以酒味同熱量都冇咁重，適合啲唔係成日飲啤酒，或者只係想試跅飲酒嘅朋友。

3. MAX 生 BEER

• 酒精濃度：4.5%

生啤酒係唔係聽落就巳經好吸引呢？好易入口好順滑，如果小編喺餐廳見到呢款啤酒，都會點嚟飲㗎！

嚟韓國食燒肉又點可以唔叫返枝啤酒飲呢？佢酒精濃度冇咁高，對於怕酒味嘅朋友嚟講都可以放心飲。

之前嘅代言人係河正宇（하정우），大叔配上MAX生 Beer，係唔係令人未飲心先醉呢？

4. OB Premier Pilsner

• 酒精濃度：5.2%

呢款都算係幾常見嘅韓國啤酒，同時亦都係除咗HITE、CASS之外，有好多人特別擁戴嘅啤酒之一，但似乎好似都係大叔……？

樽身係好靚嘅金色，啤酒顏色都係比較深、味道重啲，如果要飲呢款啤酒嘅朋友，配炸雞呢啲重鹹嘅食物就最適合不過。

5. FiLite

• 酒精濃度：4.5%

HITE公司亦都出咗比較輕量嘅韓國啤酒，啱啱出嘅時候打低價策略，所以人氣好高，特別係好多大學生都鍾意買嚟飲。

12罐只需要一萬韓幣，真係為咗打入韓國市場而不惜一切。不過確實味道就真係有啲偏淡，推薦俾啲唔係幾飲到酒，或者係試飲酒嘅朋友。

6. 江西啤酒（강서 맥주）

• 酒精濃度：4.6%

呢款包裝咁靚嘅「江西啤酒」，飲完之後個樽可以攞嚟收藏。

不過唔係每一間超市都可以搵到佢嘅身影，小編到目前為止都只係喺Home plus見過，大家不妨去搵下啦！

呢款江西啤酒顏色比較深，飲落去會有果香，但就有少少苦味。好多韓國人都會喺出面買完啤酒，就喺屋企食零食、食燒肉。

7. 漢江啤酒（한강 맥주）

• 酒精濃度：5.2%

同樣個樽身都係好靚嘅韓國啤酒，個名係用咗首爾最知名嘅漢江。

同啱啱介紹嘅江西啤酒比，小編更加鐘意漢江啤酒嘅包裝，係唔係都應該要買埋呢款韓國啤酒返屋企珍藏呢？

8. 達西啤酒（달서 맥주）

• 酒精濃度：4.2%

達西喺邊呢？佢係位於大邱市嘅達西區，同樣都係地名啤酒之一，樽身上印咗大邱塔嘅圖案。

酒精濃度係好易入口嘅4.2%，大家想飲啲輕量，樽身又有紀念價值嘅韓國啤酒，可以買呢啲有特殊地名嘅啤酒試下！

9. JEJU WITALE

• 酒精濃度：5.3%

呢款JEJU WITALE啤酒濃度有5.2%，包裝係鐵罐，印咗濟州島火山，飲起嚟應該都會好似濟州島一樣咁澎湃！

10. 全羅啤酒（전라맥주）

• 酒精濃度：4.5%

呢款屬於全羅道嘅啤酒，對於想收藏呢個系列嘅朋友嚟講，都係唔可以錯過。

11. Kloud

• 酒精濃度：5%

Kloud係小編每次去酒吧飲酒，都會叫嘅啤酒，因為酒味偏淡，但飲多咗仲係會有微醉嘅快感，係款好順口嘅韓國啤酒。

韓國啤酒推薦：12. Fitz

• 酒精濃度：4.5%

樂天出品嘅Fitz市占率都幾高，𣎴過實際上韓國人就唔太鐘意。

基本上酒精濃度偏低，而且顏色都好淡，飲落其實根本冇飲酒嘅感覺，但畢竟係Fitz（樂天爸爸），所以喺好多餐廳都可以見到呢款啤酒。

以上係小編介紹嘅韓國啤酒，好多啤酒都唔一定喺餐廳搵得到，建議大家可以喺超級市埸好好搵下！我哋下次見！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購

其他延伸閱讀
飲燒酒嘅方法	韓國飲酒文化