韓國「開天節」背景及歷史
韓國「開天節」係咩嚟？背後又有一個點嘅故事？
Hello，大家好，我哋係由韓國人每日提供最新韓國旅行資訊嘅Creatrip。
Hello，大家好，我哋係由韓國人每日提供最新韓國旅行資訊嘅Creatrip。
韓國10月3號係公眾假期，大家又知唔知點解呢？10月3號係韓國開天節，對韓國人嚟講可以話係民族奠基日。到底呢個節日嘅由來係點，又點解對韓國人咁重要呢？
韓國「開天節」
咩係「檀紀」？
어반브러시
韓國其實除咗西曆，以前都曾經有個曆法叫「檀紀」（喺西曆年份加2333），例如2023年就係4356檀紀，不過韓國由1962年起就廢除咗呢個計算方法。呢個曆法會叫「檀紀」，係因為開創朝鮮半島最初國家「古朝鮮」嘅人物叫做檀君王儉，而開天節就係紀念呢一日嘅節日。
點解會有開天節？
1919年，大韓民國臨時政府喺上海成立，將農曆10月3號指定為國慶日。而喺1949年韓國脫離日本統治之後，大韓民國政府成立，正式將西曆10月3號設定為開天節國慶日。開天節不單止紀念韓國建立嘅重大日子，更加一股令韓國人喺日佔時期團結一心嘅力量。
講個小知識俾大家聽，其實韓國有成4個國慶，包括三一節（3月1號）、制憲節（7月17號）、開天節（10月3號），同光復節（8月15號）！
開天節神話
天神桓因嘅仔「桓雄」原本住喺天上面，不過因為對大地感興趣，所以就帶咗管理風、雨、雲嘅仙人同三千個天人嚟到人間。有一日，有隻老虎同熊嚟搵桓雄，話想變成人類，所以桓雄就分別俾咗艾草同蒜頭佢哋，同佢哋講只要喺不見光日嘅洞穴入面，淨係食艾草同蒜頭，100日之後就可以成功變成人類。
老虎同熊下定決心要變成人，所以每日都喺山窿入面食艾草同蒜頭，不過老虎到中途就放棄咗，而熊就喺100日之後變成一位美若天仙嘅女人。
變成人嘅熊被稱為熊女，最後同桓雄結咗婚，生咗個仔叫「檀君」。檀君長大成人之後以造福廣大人類嘅精神，建立古朝鮮，治理國家。
開天節神話係真定假？
開天節除咗係韓國嘅起源，亦都係一個古朝鮮神話，呢段故事實際上亦都有被記載喺朝鮮最早史記《三國遺事》入面。而頭先有提到，當桓雄嚟人間嘅時候有帶埋管理風、雲、雨嘅仙人，由此可見古朝鮮係一個好重視農業嘅社會。
對韓國人嚟講，呢個故事係韓國民族嘅起源，經過五千年歲月直到而家，仍然影響住現今嘅韓國人。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
